Piyɛrì jɔ̀naà 3:16 - Bible Dzùùngoo Unicode

¹⁶ Ŋà, y'a goò fa vununmacin ko blàbe doùn, akiri wùù yeè bà ni e ɲan. Tà tsuru, ye re jaamabee fau'n kuru wuɔ doùn Kirisà ɲàn, nìì reè y'à gaa ye yè ye tsoo bara y'à bà ci ye ɲaan faa, twɛy kùngɔ yè sùùru.

Piyɛrì jɔ̀naà 3:16 ပူးပေါင်းရင်းမြစ်များ

Matsiyù 5:11

Mòdzian ye ba ye ɲɛ̀ɛn, yè ye byɛn, yè ɲanbee kaatsià sapɛ doò wɔ ye ra mun kamà, ye raa wùbeu.

Kɛɛradzin neè faadziɛ 24:16

Tɔ̀ rii kamà, min bà n maxɔbeò min goo tereunma faa kudɛyn, sànko jààma mà jà mun na è bè Ŋaablà kajaa tsɛ, jààma to mà jà mun na è bè mòdzian kàjaa tsɛ.

Kɛɛradzin neè faadziɛ 28:22

Ŋà, nìi ni wo duùn, ɲe sào ni, wo yɛ̀r'la yè tɔ̀ dè ɲe y'à myɛ̀n. Ɲe y'à tɔ̀, ci wo yɛ dzinɛ niì ɲàn, min niì sapɛ, mòdzian yè e dzunwɔɔ à ra.»

Ɔ̀rɔ̀mùnka reè 9:1

Kirisà ɲàn, mun sààbeen rìì dèe, mun na doò dèe waa. Ŋaablà re Dzia baraka rɔ̀n, mun akir'là sa mun shɛɛrɛ,

Korɛntsika reè fiiraa 1:12

Àwà ɲe raa yɛ̀rɛ̀blàbè kuàn nì yɛ, ɲe akir'là shɛɛrɛbe riì boò ɲe tsɛ, nìi yɛ ci ɲe yè e re jaamabee fau dziɲaan doùn duungoosoobe ko duunfyɛ ka è bo Ŋaablà ɲan, ye kàjaa tsɛ raà yè geren. Tɔ̀ na fa adamàdzin mòdzin ne akiritsifabe baraka ɲan waa, ŋà Ŋaablà ɲanwùɔ baraka rɔ̀n.

Korɛntsika reè fiiraa 4:2

Goo nìì reè goo shɔn fakɔɔn yè bà seeyragoo, ɲe yè e nɔun twɛy mà. Ɲe na e raa goo faa sànbe ka, ɲe to na Ŋaablà re goomaa laker'la. Ɲe na tɔ̀ faa waa, ŋà ɲe sààbeen rìì kpàdè fyɛɛ̀, gè riì ni à to mòdzian sapɛ yeè bà ni dzi ɲɛn ɲe ra, Ŋaablà jaa ra.

Tsìmotè jɔ̀naà 1:19

Tɔ̀ fa, e ɲɛynaà màrà ko kɛ̀sɛmà wùù ka. Swey tɔ̀ akir'là maaŋ, è bà baragoò è mà ɲɛynaà kàjaa tsɛ.

Tsìmotè jɔ̀naà 1:5

Tɔ̀ goo dèumaà kùàn na pɛn waa, à kɛ̀nbààbee rìì, kɛ̀nbààbe riì ni duun fyɛ tsɛ, ko kɛ̀sɛmà wùù, ko ɲɛyna fyɛuma.

Tsìmotè fiiraa 1:3

Mun baraka sìan Ŋaablà ra, mun faagoò faa tɔ̀ niì rè ko duunfyɛ ka, a ci mun fàbɔɔ rèè y'à fau nìi tsuru. Kudɛyn wo tsoò ni tsuù mun dzu n ne Ŋaabla mafyɛyn nèè doùn.

Tsitè 2:8

Gooma fyɛuma yè bà ni a dzu, mòò fa dzi nìi sɔ̀swɛy waa. Tà tsuru, ɲaàn mà nà goo sɔn pɛn ɲaan ja dè mùn tsɛ, ŋà à kùngɔ rìì yè sùùru.

Dzyèèsìbee mòdzin neè 13:18

Ye Ŋaablà mafyɛ̀ɛn mùn ne, kàtsu, ɲe ɲɛɔ̀n à ra, ci ɲe na jàaŋnà e yɛr'la kàjaa pɛn tsɛ waa. Ɲe kpɛ̀yn nìi gaa, tɔ̀ rii yɛ, goo o goo, ɲe jìì saàn yè bà tereòn.

Dzyèèsìbee mòdzin neè 9:14

Twɛy gè rèè ye ba dzia mòdzian fɛnɛbe tɔ̀ tsuru, Ŋaablà Jaara Modzìàn raa tsììn niì vùn tɔ̀ sapɛ ma do, tɔ̀ fa mùn duɔ̀n fòò fyɛ bo fabɛy goo reè ɲàn, à to mìn faagoò fa Ŋaablà jaamaa rè ò ? Ŋaablà re Dzi dobɛɛ baraka rɔ̀n, wò rii yè e yɛrɛ siun Ŋaablà ra a ci dzwɛka saaka, fyɛ̀ na ni nìi rà waa.

Piyɛrì jɔ̀naà 2:12

Ye e re jaamabee fa fau'n kuru wuu ra Ŋaabla tɔ bɛy reè fi. Tɔ̀ tsuru è kɛ̀nsɛɛn ye ba doò wɔɔ̀ ye ra ci ye gooɲaanfabaa ì, è nà ye faadzii wuɔ kààwɔ, yè tsoo dzi ɲɛn Ŋaablà tsɛ tɔ̀ bo sii sèè è re.

Piyɛrì jɔ̀naà 2:15

È ɲɛn à tsɛ Ŋaablà saɔ rìì yɛ, goowùɔ fakɔɔn, tɔ̀ yeè mòdzin akiribɛy ko goo jaa tɔ bɛy reè dziɛ̀ tsyee.

Piyɛrì jɔ̀naà 2:19

È ɲɛn à tsɛ mòdzin na wù byɛnbe riì ka, è ba tɔ̀ tsià e ma Ŋaablà kamà, tɔ Ŋaablà ɲanwùù rii kpàdèe.

Piyɛrì jɔ̀naà 3:21

Tɔ̀ na jaara foo tàànmàshɛn ni, nìi ye tsià dòònuùn. À na gɔɔ̀n raa noo reè boò jaara foo waa, ŋà a ye a dzii rìì sìn Ŋaablà ra, akiri wùù ka. Jaara foo ye tsià Yesù Kirisà sèè kpunaunmaà nì baraka ɲan, è bo saàn ɲàn.

Piyɛrì jɔ̀naà 4:4

È jà ci ye na vwɛɛ twɛy seeybɛy goo kaatsi rèè kpɛyn ye ka dɛ, tɔ jiɔ̀ è dzii tsɛ. Tɔ̀ tsuru, è ye tsoo bar'la.