Piyɛrì jɔ̀naà 3:11 - Bible Dzùùngoo Unicode

¹¹ È vwɛ̀yn ɲaan jɔun, è wùɔ fa. È jaanciàn gaa, è gban à kpɛyn.

Piyɛrì jɔ̀naà 3:11 ပူးပေါင်းရင်းမြစ်များ

Matsiyù 5:45

Ye tɔ̀ fa, sànko ye bà ni ba e Fa Ŋaablà dzin ì, tɔ̀ riì ni jìrànxɔ rɔ̀n, è bà e re bwèè boò mòdzìn ɲan reè ko mòdzin wuu reè sa re, è ŋaà nàa mòdzin tereunma rèè, ko terenbɛy reè sa re.

Matsiyù 5:9

Nìì reè y'à gaa jaancin yè bà ni, twɛy raa wùbeu, kàtsu, è nà kiri Ŋaablà dzin ì.

Matsiyù 6:13

Maà à to Sùtana yè dzi mùn dzuun mìn fabɛy goo fa. Mùn tsi à ra. [Tɔ̀ fa, kàtsu màsàbee, ko dzibaabee, ko blàbee sapɛ wo rìì laa kudɛyn. Àmiinà !]"»

Marikì 14:7

Àwà, gbakɔɔn reè, twɛy ni tsuù ye ka kudɛyn. Waatsi o waatsi ye ye dzibe, ye dzia goowùù fa è ra. Ŋà mun do, mun fa bà ni tsuù ye ka kudɛyn dɛ !

Lukì 1:79

Tɔ nà fa, sànko nìì reè ni tsitsiì rɔ̀n, ko nìì reè ni saàn shiɲaanbeè ɲàn, twɛy yè dzi jɛ̀y fa. À nà ɲe jaa ji jaanciàn shia rà.»

Lukì 6:35

È ba ye, ye e ɲan rèè kɛ̀n, ye goowùɔ fa. Ye tsìì wɔ mòò rà, e maà e ɲɛyn ji tsuù tɔ̀ tsɛ waa. E ye tɔ̀ fa, e naà bàràji bla tarà. Tɔ nà à kpàdè mòdzian nà sa, ci Ŋaablà riì ni jìran nɔ̀n, ye tɔ̀ dzin ì. Wò rii wù mùn sapɛ dzyeèmaa ka, goowuu tɔ bɛy sen ɲɛn mòdzìn ɲan tsɛ.

Lukì 6:9

Yesù yè dzin è ra tɔ̀un ci: «Min ye tey ɔ, ɲànwɔsiɛ̀ mà, à dàaŋnà e goowùù rii fa raà, tàà à dàaŋnà, e gooɲaan ni fa ? À dàaŋnà e mòò xɔn ni tsi ràà, tàà à dàaŋnà a bar'li ?»

Yùxanà 17:15

Mun na wo màfyɛ̀ɛn, ci wo yè è bo dziɲan ɲan dɛ, ŋà, mun wo màfyɛ̀ɛn nì, wo yè è tààn Sùtana mà.

Ɔ̀rɔ̀mùnka reè 12:18

È be dàn e ma, y'a to jaancin yè bà ni e ko mòdzian sapɛ fi, è ba dzia fa.

Ɔ̀rɔ̀mùnka reè 14:17

Àwà Ŋaablà re màsàbee na ɲwɛyn goo à to na mììngè goo, ŋà à terenbee rìì, ko jaanciàn, ko taamadzibeè Ŋaablà re Dzi Fɛnɛɛ baraka rɔ̀n.

Ɔ̀rɔ̀mùnka reè 14:19

Tà doùn, goo nìì reè nàa jaancin ka, mìn twɛy rìì gaa, ko nìì reè nà à to mìn fààn wɔ e si ɲan.

Ɔ̀rɔ̀mùnka reè 5:1

Tà doùn, ɲɛynaà baraka rɔ̀n, à kpàdè niì fau ci mùn tereòn, tɔ jaancin dɔ̀un mùn ko Ŋaablà fi, mùn Tsìfa Yesù Kirisà baraka rɔ̀n.

Ɔ̀rɔ̀mùnka reè 7:19

È ɲɛn à tsɛ mun gaa min wùù riì fa, mun na tɔ̀ faa waa, mun na gaa min ɲaan niì fa, mun tɔ̀ rii faa.

Ɔ̀rɔ̀mùnka reè 7:21

Mun sàò ye ba ni min goowùɔ fa, mun nìi jàa sàrìya, tɔ̀ rii yɛ sani min goowùɔ fa, mun gooɲaan nì faa.

Ɔ̀rɔ̀mùnka reè 8:6

Nìi gɔɔ̀n dzibee goo, tɔ bèe saàn rìì là, ŋà Ŋaablà re Dzia raa dzibee goo, tɔ bèe jaamabee ko jaanciàn nì nà.

Galatsika reè 5:22

Ŋà Ŋaablà re Dzia, tɔ̀ dziàn nì siin: Kɛ̀nbààbee, taamadzibeè, jaanciàn, mɔ̀ɲɔɔn, wùɔ, duunwubee, ɲɛynaà,

Galatsika reè 6:10

Tà tsuru, goowùɔ jaa wùù ye ba ni waatsi o waatsi, mùn y'a fa mòdzian sapɛ re, mùn ɲɛynamoosi reè raà yè geren.

Kolosika reè 3:15

Arì she Kirisà rè jaanciàn yè kùntsììbee sen e dusùkuan tsɛ, e kiriɔ tɔ̀ niì kamà, ye bà gɔnkungɔ soo. Ye bà goowuutɔbaa ì Ŋaablà kajaa tsɛ !

Tsìmotè jɔ̀naà 6:18

À dè è ra, ci yè goowùɔ rìì fa, yè bà gètsi faadzii wuɔ kàjaa tsɛ. È si yè bà forouna, è sɔ̀n yè bà byɛɔ̀n yè mòò kɔ̀.

Dzyèèsìbee mòdzin neè 12:14

Ye e maxɔbe, jaancin yè bà ni e ko mòdzian sapɛ fi. Ye e yɛrɛ fɛnɛbe, ye bà Ŋaablà raa. Tɔ̀ ma fa fyeu, mòò pɛn jaa fa ɲɛn Tsìfaà mà waa.

Dzyèèsìbee mòdzin neè 13:16

E maà e taa myɛn goowuu faa rè waa, ye bà e si dzwɛ̀maa, kàtsu, tɔ̀ tsuru saaka rèè rìì dzi Ŋaablà ra.

Yàkubà 4:17

Tà doùn, wo mòò riì wùɔ fa jaa tɔ̀, wo to na à faa waa, tɔ gooɲaantsii rii wo vu ra.

Piyɛrì jɔ̀naà 3:12

È ɲɛn à tsɛ, Tsìfaà jaa ni mòdzin tereonma rèè tsɛ, à toro yè bà wɔɔ è re màfyɛɛ̀n rè. Ŋà gooɲaan fa reè, è jaa ker'la twɛy kpɛyn.»

Yùxanà zhììgìraa 1:11

Mun ne kɛ̀niunmaà, maà gooɲaan shɔ̀ùnmìnàn waa, ŋà goowùɔ rìì shɔ̀ùnmìnàn. Mòò riì goowùɔ faa, tɔ Ŋaablà raa, ŋà mòò riì gooɲaan faa, tɔ̀ na Ŋaablà jaɔ̀ waa.