Piyɛrì jɔ̀naà 2:21 - Bible Dzùùngoo Unicode

²¹ Àwà ye kiriu tɔ̀ rii kamà. È ɲɛn à tsɛ Kirisà sa byɛun ye kamà, è bà ni ye jaa kpàdè, ye yè jìì à sàn kɔɔ doùn.

Piyɛrì jɔ̀naà 2:21 ပူးပေါင်းရင်းမြစ်များ

Matsiyù 10:38

Àwà, mòò riì ma e gbaàn gɔɔ̀ sen è gban mun kpɛyn fyeu, tɔ̀ na kakan mun ka waa.

Matsiyù 11:29

Ye mun seen seen sen, y'a to min karàn, kàtsu mun vunun ma dzi, min bà mòdzin majàaŋma. Tà tsuru, ye xɔɔn nà làànfyɛ tàrà.

Matsiyù 16:24

Tɔ̀un, Yesù yè dzin e re kàràndzin neè rà ci: «Mòò riì ye ba ni à re è gban mun kpɛyn, fɔ è ɲɛyn bo e yɛrɛ tsɛ, è gbaàn gɔɔ̀ sen, è kòmànà e gban mun kpɛyn.

Lukì 24:26

Ŋaablà Jaara Modzìàn yè byɛn tà tsuru, è kòmànà dɔ̀n Ŋaablà nɔɔrɔɔ̀ doùn, tɔ̀ naà wù è fa ɔ ?»

Yùxanà 13:15

Mun nèe fau nì, mun y'à ka ye jaa kpàdè, sànko, ye sa y'a fa e si ra, a ci mun y'à fau ye ka nìi tsuru.

Yùxanà 16:33

Àwà, mun tɔ̀ dèu ye ra rii, sànko ye yè jaancin tàrà, è ye to mun ɲan. Ye nà e byɛɛn goo giri jà dziɲan doùn, ŋà, ye e maxɔbe, kàtsu, mun dziu dziɲan gooɲaan nà nòn.»

Kɛɛradzin neè faadziɛ 14:22

Tà sapɛ ɲan, è na fààn wɔɔ̀ kàràndzin neè ɲàn, yè è màxɔ̀ɔn, ci è ɲɛn niì faɔ̀ Ŋaablà ra, è mà bo tɔ̀ tsɛ waa. È na dziàn è ra, ci sani e dɔ̀n Ŋaablà re Màsàbee gàne rɔ̀n, a byɛnbe gir'lì tsià a ma ŋe.

Kɛɛradzin neè faadziɛ 17:3

Polì na Ŋaablà re goomaa jaa dèe è ra, à y'a doùn bo. À ci tɔ̀ gooma ree rìì y'à kpàdeò, ci Ŋaablà Jaara Modzìàn na wù è byɛn ŋe, tà shɔ̀ùn, è san, è kòmànà sèè kpunan. À ci tɔ̀ Ŋaablà Jaara Moo rèe na mòò pɛn Yesù tɛ̀y waa, wo nìi gooma deè è ra.

Kɛɛradzin neè faadziɛ 9:16

À nà byɛnbe ge o ge rìì fa mun kamà, mun yɛ̀r'la nà tɔ̀ sapɛ kpadè à ra.»

Ɔ̀rɔ̀mùnka reè 8:29

È ɲɛn à tsɛ, à nìì reè tɔ̀u jɔ̀na, à twɛy jɔ̀na sa ŋɛnɛ̀ɲan tsuuŋ, è bà e Dzin Kpir'la bosi, gè riì n'a to tɔ̀ yeè bà dzin jɔna kereumaà neema giri fi.

Korɛntsika reè jɔ̀naà 11:1

Ye bà mun shɔ̀ùnminanbaa ì, a ci mun sa Kirisà shɔ̀ùnminanbaa nìi tsuru.

Efɛsika reè 5:2

Ye e re jaamabee fa kɛ̀nbààbee tsɛ, a ci Kirisà sa mùn kɛ̀niun nìi tsuru, è yɛrɛ sin mùn kamà kwɛ̀yge ko saaka, nìi kinìn dzi Ŋaablà ra.

Filipika reè 2:5

Kɛ̀sɛmà nìi na ni Yesù Kirisà ɲàn, y'a to tɔ̀ yeè bà ni e sa ɲan.

Tesalonikika reè jɔ̀naà 3:3

È tɔ̀ fa, gè riì ni à to byɛnbe riì yɛ ye tsɛ, tɔ mà nà ye sɔn akiri bara waa. È ɲɛn à tsɛ, ye yɛ̀r'leè y'à tɔ̀, ci tɔ̀ rii nà mùn tàrà.

Tesalonikika reè jɔ̀naà 4:2

Àwà ɲe ye latsiu goo nìì reè ka Tsìfa Yesù baraka rɔ̀n, ye twɛy tɔ̀.

Tsìmotè fiiraa 3:12

Àwà, nìì reè sapɛ sao ni yè e re jaamabee fa Ŋaablà jɔun shiɲaanbe tsɛ Yesù Kirisà ɲàn, byɛnbe nà ɲɛn twɛy sapɛ tsɛ.

Dzyèèsìbee mòdzin neè 2:10

Àyìwà, Ŋaablà rii gè sapɛ ɲɛun, à sapɛ yeè bà ni à re ni ɲan. Tɔ̀ tsuru, à sàò na ni è mòò giri bà e dzin, è yè dɔ̀n à blàbee gàne rɔ̀n. Tɔ̀un, nìi na wù è tɔ̀ shia dzii san è re, yè tsi, fɔ Ŋaablà yeè bà na tɔ̀ bàu mòdzin dziitsyɛunma à re byɛnbee baraka rɔ̀n.

Piyɛrì jɔ̀naà 1:20

Sani dziɲaan yè ɲɛn, à goò na tɔ̀ tsùuŋnà nòn. È kòmànà kpàdè nèe waatsi latan nee ɲan, ye kamà.

Piyɛrì jɔ̀naà 2:24

À yɛ̀r'la ɲe re gooɲaantsiɛ seun gbaàn gɔɔ̀ rà e gɔɔ̀n ɲàn, gè rii n'a to mùn saunmaà gooɲaan kàjaa tsɛ, mìn jaamabee fa terenbee kàjaa tsɛ. À màà ɲuun neè rìì saabu ɲan, ye cɛrɛmabeu.

Piyɛrì jɔ̀naà 3:18

Àwà Kirisà sa saun jaa soo pe gooɲaantsii reè kamà. Wò riì tereòn, à tɔ̀ fau terenbɛy reè tsɔ̀saan ɲàn, gè riì ni à to è ye wɔ Ŋaablà tsɛ. À saun gɔɔ̀n ɲàn, è sèè bà jaama Ŋaablà re Dzia baraka rɔ̀n.

Piyɛrì jɔ̀naà 3:9

E maà ɲaan ka ɲaan sarà, e to mà ɲɛ̀yn ka ɲɛ̀yn sarà. Ŋà ye dzwɛ rìì ji, è ɲɛn à tsɛ ye kiriɔ tɔ̀ rii là, nìi yɛ ye yè dzwɛɛ̀ tàrà shɛn.

Piyɛrì jɔ̀naà 4:1

Àwà, a ci Kirisà byɛun gɔɔ̀n ɲàn nìi tsuru, e sa yeè fààn wɔ e ɲan tɔ̀ kɛ̀sɛmà soo ka. È ɲɛn à tsɛ, mòò riì byɛun gɔɔ̀n ɲàn, tɔ dzi tarau gooɲaan tsɛ.

Piyɛrì jɔ̀naà 4:13

Ŋà ye yè e nin jà nìi faɔ̀ Kirisà rè byɛnbee ɲàn, ye e taama nì dzibe. Ye tɔ̀ fa, gè riì ni à to à nɔɔrɔɔ̀ nà e kpadè sii riì seè, tɔ̀ sa ye bà e re taamadzibe brìsi.

Yùxanà jɔ̀naà 2:6

Mòò riì ci wo ni Kirisà ɲàn, à wù à sa yeè jìì, a ci Kirisà jìiŋ nìi tsuru.

Yùxanà jɔ̀naà 3:16

Ɲe kɛ̀nbààbee tɔ̀ è ɲɛn nìi tsɛ, tɔ̀ rii siin: Kirisà yè e xɔɔn sìun ɲe kamà. Tà doùn, ɲe sa wù ɲe yè e xɔɔn sìn neema reè kamà.

Goo kpàdèuma rèè 12:11

Mùn neema reè dzi tarau à tsɛ, sààtòmòìriɛ tsìɛn baraka rɔ̀n, ko e re shɛɛrɛbee goomaa baraka rɔ̀n. È na e xɔɔn kɛ̀n yè shi saàn jɔun waa.