Piyɛrì jɔ̀naà 2:11 - Bible Dzùùngoo Unicode

¹¹ N neema kɛniunma rèè, ye tɔnɔn dɔnbobaa ì dzɔ̀nxɔɔ̀ tsɛ. Tà doùn, m'a gaa e re, ye e yɛrɛ kun gɔɔ̀n kur'la goo ɲaan neè rà. È ɲɛn à tsɛ, twɛy kaa faa xɔɔn ka.

Piyɛrì jɔ̀naà 2:11 ပူးပေါင်းရင်းမြစ်များ

Lukì 21:34

Ye e yɛrɛ kun ! E maà to ji tsuù ɲwɛyn bla bla ɲɔɔn, ko mìɛn ko dziɲan kpɛyn màànkàn goo reè vyɛ̀ɛ̀ rà, fɔ Adamà dziàn nà jisee yè bè bàràma e ɲan waa.

Kɛɛradzin neè faadziɛ 15:20

Ŋà, mùn yeè sɛbɛn ni ka è re, mùn y'a dè è ra tà doùn, ci è mà ɲɔ̀n kɔɔ shu tàà waa. Ci yè dzi e re saaniin fɛɛ̀ rà. Ci è mà shu còrò vuuma tàà waa, è to mà shu tsiin ɲɔn waa.

Kɛɛradzin neè faadziɛ 15:29

E maà ɲɔ̀n kɔɔ shu tàà waa, e maà shu còrò vuuma tàà waa, e to mà shu tsiin ɲɔn waa, ye dzi e re saaniin fɛɛ̀ rà. E ye dzi tɔ̀ sapɛ jɔun bo, tɔ wù. Ŋaa yè e cɛrɛma to.»

Ɔ̀rɔ̀mùnka reè 12:1

Tà doùn, n neema ì, è ɲɛn Ŋaablà re màtsur'la tsɛ, mun ye màxɔ̀ɔn, ci ye e yɛrɛ sin Ŋaablà ra saaka jaama, nìi fɛnɛɔ̀, è bà dzi Ŋaablà ra. Tɔ̀ rii nà bà Ŋaablà blabèù'n kuru taki ye re.

Ɔ̀rɔ̀mùnka reè 7:23

Ŋà, m'a jàa ci sàrìya kpɛrɛ ni mun gɔɔ̀n min niì sapɛ, nìi ni kaà rà mun akir'là ɲàn raa sàrìyaa ka, è mun bà tsùù gooɲaan raa sàrìyaa rè kàsòdzin, tɔ̀ niì ni mun gɔn nɔ̀n min niì sapɛ.

Ɔ̀rɔ̀mùnka reè 8:13

È ɲɛn à tsɛ, ye ye ba e re jaamabee faa a ci gɔɔ̀n ci è fa nìi tsuru, ye nà san. Ŋà Ŋaablà re Dzia baraka rɔ̀n, ye ye gɔɔ̀n juu ɲaan vu bo e ɲan, ye nà jaamabee fa.

Korɛntsika reè fiiraa 5:20

È geren tɔ̀ sapɛ tsɛ, ɲe Kirisà rè kɛɛradzin ni, à to ni a ci Ŋaablà yɛr'la rìì ye màxɔ̀ɔn, è bo ɲe dzu. Kirisà tsoo ra, ɲe ye màfyɛ̀ɛn nì ye e yɛrɛ to, y'a to e ko Ŋaablà fia la yeè mɔ̀nɔ̀n.

Korɛntsika reè fiiraa 6:1

Àwà ɲe ko Ŋaabla yeè e si faagoofasi nìi fa, è ɲɛn tɔ̀ tsɛ, ɲe ye màxɔ̀ɔn e maà à to à ɲanwùɔ yè bà goo maana waa.

Korɛntsika reè fiiraa 7:1

Àyìwà mun ne kɛ̀niunma rèè, è twɛy làyir'lèè seunma to mùn ne, noo ge o ge ni mùn gɔɔ̀n ko mùn akir'la rà, mìn tɔ̀ sapɛ foo fyɛ, mìn e re fɛnɛbee dzii tsyɛn, è kòrò ko Ŋaablà jɔun shiɲaanbeè ka.

Galatsika reè 5:24

Nìì reè Kirisà raa, twɛy gɔɔ̀n dzibee goo reè ko e kur'la goo ɲaan neè sapɛ gbaun gɔɔ̀ rà.

Efɛsika reè 2:19

Tà doùn, ye na tɔnɔn ì dɛ, ye to na gànè kpɛ̀rɛ̀ dzin ì dɛ. Ye ko Ŋaablà re mòò rèè sapɛ bàu a ci jàmààn sòò dzin ì, ye bàu Ŋaablà re gbàdòùndzin ì.

Efɛsika reè 4:1

Àyìwà, mun nìi kàsòdzin Tsìfaà kamà, m'a gaa e re ci e kiriɔ è ɲɛn kùn nìi tsɛ, ye maxɔbe ye re jaamabee fa, è kòrò tɔ̀ ka.

Tsìmotè fiiraa 2:22

Vwɛ̀yn dzunwɛynbeè kur'la goo reè jɔun. Nìì reè yè e vu boò Tsìfaà rà ko duun fyɛ ka, e terenbee, ko ɲɛynaà, ko kɛ̀nbààbee, ko jaanciàn gaa twɛy ka.

Dzyèèsìbee mòdzin neè 11:13

Àwà, Ŋaablà na nìi làyiri seòn twɛy mòdzin neè sapɛ re, è ɲɛunma tou Ŋaablà ra è bè suu fɔ è saàn dzu, è na tɔ̀ tàrà waa. È kpɛ̀ynto y'à goò jàu jeenà, y'à taamadzibe fa. Yè e tsiiŋ à ra, ci ye tɔnɔn nauma ì nì dzɔ̀nxɔɔ̀ tsɛ, ye to bèbaa ì rìì.

Dzyèèsìbee mòdzin neè 6:9

N neema ì, mun ye nìì reè kɛ̀niɔ̀n, nèe sapɛ deumaà ko e raà sa, mùn y'a tɔ̀ nìi ye, ye ni shi wuɔ tsɛ, nìi ye tsià shia.

Yàkubà 4:1

Àwà kaa nìì reè, ko sɔ̀swɛy nìì reè ni ye ko e si fi, twɛy daàn min ? Kur'la goo ɲaan niì reè ni ye ɲan, yè bà ye sùùsuɔ̀, è na daàn mɔn nì ɔ̀ ?

Piyɛrì jɔ̀naà 1:1

Mun Piyɛrì, Yesù Kirisà rè kɛɛradzian, nèe mun ne sɛbɛn, è sìn Ŋaablà jaara moo rèè rà, twɛy nìì reè jee jiɔ̀ yè bà ni tɔnɔnbee rà Pɔn mar'la, ko Galatsi mar'la, ko Kapadɔsi mar'la, ko Azhi mar'la, ko Bitsinin mar'la ɲàn.

Piyɛrì jɔ̀naà 1:17

Tà doùn, ye ba Ŋaablà kir'la ci e fa, tɔ̀ niì kitsia kùn'na mòdzian soo sookɔɔn sapɛ tsɛ è kòrò è faadziɛ ka à na mɛɛ̀ mòò tsɛ, ye shi tɔ̀ jɔun e re bwèy fii tɔnɔnbe doùn jaamabe fakɔɔn nà dzɔ̀xɔɔ̀ tsɛ.

Piyɛrì jɔ̀naà 4:12

N ne kɛ̀niunma rèè, dzuunbwey xɔù rìi ni ye tsɛ dòònuùn, a ci ye ni sà rìì ɲàn, tɔ mà ji e dzii tsɛ è bà jàci à ye tor'na goo waa.

Piyɛrì jɔ̀naà 4:2

Tà tsuru à mà nà e re jaamabee fa adamàdzin mòdzin neè raa kur'la goo reè tsɛ dɛ waa, ŋà à y'à fa Ŋaablà raa sàɔ tsɛ, e re waatsi dzyee faramaà doùn dzɔ̀nxɔɔ̀ tsɛ.

Piyɛrì fiiraa 3:1

Àwà mun ne kɛniunma rèè, nèe mun ne sɛbɛn fiiraa rìì nòn, mun nìi kaà ye re. È fiɛ̀ sa doùn, mun ye taa toò goo rèè swey rìì lè, ye yè bà ni e kɛsɛu'n kuru wuu fa.