Piyɛrì jɔ̀naà 1:19 - Bible Dzùùngoo Unicode

¹⁹ Ŋà Kirisà tsììn niì kpaxɔ, ye kùngɔ mabou tɔ̀ rii ka, tɔ̀ riì bàu a ci sààtòmòìrii, noo ko fyɛ̀ na ni nìi rà waa.

Piyɛrì jɔ̀naà 1:19 ပူးပေါင်းရင်းမြစ်များ

Matsiyù 20:28

Tà soo tsuru, Adamà dziàn na naɔ̀ ci mòò yè faagoo fa à re dɛ, ŋà à naɔ̀ nì ci è faagoo fa mòdzian rè. È xɔɔn sìn, à y'à ka mòò giri kùngɔ màbo.»

Matsiyù 26:28

Àwà, à mun tsìɛn nì, Ŋaablà ka dzyèèsìbee tsìɛn, nìi koon mòò giri kamà, è re gooɲaantsiɛ yè bà ni mɛɛy bo è vu ra.

Yùxanà 1:29

Àyìwà, tɔ̀ raa gbey rɔn, Yùxanà yè Yesù nàkɔɔn ja e kpakèrè. Yùxanà yè dzin ci: «Ŋaablà re Sààtòmòìriɛ yɛ nèe, wò rii dziɲantsiɛ gooɲaan tsìɛ̀ mɛɛybobaà.

Yùxanà 1:36

Yesù nàu bà dɔ̀ɔn, Yùxanà y'à siin to, è dzin ci: «Ŋaablà re Sààtòmòìriɛ yɛ nèe !»

Kɛɛradzin neè faadziɛ 20:28

Tà doùn, ye e yɛrɛ kaàwɔ, ye Ŋaablà re sàà kur'là sa kaàwɔ, à re Dzi Fɛnɛɛ twɛy nìì reè kɛ̀ɛ̀yfau ye mà, ye yè bà è kààwɔbaa, ye yè è kuru kun. À yɛ̀r'la tsìɛn nì baraka ɲan, à yè è tàrà bàu e raa.

Ɔ̀rɔ̀mùnka reè 3:25

Ŋaabla wò rii sìun mòdzian rè gooɲaantsiɛ mɛɛ̀ saaka ɲɛynaà baraka rɔ̀n, à y'à tsìɛn ka à re terenbee kpàdè. È ɲɛn à tsɛ, gooɲaan niì reè fa dɔun bɔrɔɔ, à na twɛy dan waa.

Efɛsika reè 1:7

À ɲan, mùn kùngɔ mabou à tsìɛn baraka rɔ̀n, mùn ne gooɲaantsii reè yè mɛɛy bo mùn vu ra è kòrò à ɲanwùù brisià ka.

Kolosika reè 1:14

Dzin Kpir'liì baraka ɲan, à mùn kùngɔ màbou, è mùn ne gooɲaantsiɛ mɛɛy bo mùn vu ra.

Piyɛrì jɔ̀naà 1:2

Fà Ŋaabla na ye nìì reè bo tsùuŋnà bɔrɔɔ e jaara è kòrò à ɲan twɛ̀ɛ ka, è bà ye fɛnɛbeu ye yè bà à raa à re Dzia baraka rɔ̀n, ye yè bà ni Yesù Kirisà vu kun tà ko tɔ̀ tsìɛn kounmaà yè ye fòò fyɛ, arì she, à ɲanwùɔ ko jaanciàn, è twɛy sìn e ra giri !

Piyɛrì jɔ̀naà 3:18

Àwà Kirisà sa saun jaa soo pe gooɲaantsii reè kamà. Wò riì tereòn, à tɔ̀ fau terenbɛy reè tsɔ̀saan ɲàn, gè riì ni à to è ye wɔ Ŋaablà tsɛ. À saun gɔɔ̀n ɲàn, è sèè bà jaama Ŋaablà re Dzia baraka rɔ̀n.

Yùxanà jɔ̀naà 1:7

Ŋà mìn ba jìɛ vyevyeè ɲàn a ci à sa ni vyevyeè ɲàn nìi tsuru, mùn bàa e si dzyèèsi ì, à Dzin Kpiri Yesù tsìɛn yè bà mùn fòò boò e re gooɲaantsiɛ ɲàn.

Yùxanà jɔ̀naà 2:2

Wò rii bàu saaka, è mùn ne gooɲaantsiɛ mɛɛy bo mùn vu ra, à to na ɲe bàsɔùn waa, à dziɲantsiɛ sapɛ rii.

Goo kpàdèuma rèè 1:5

ko Yesù Kirisà, Shɛɛrɛ vusootsià, fùn jɔna kpunaunmaà, dzɔ̀nxɔɔ̀ tsɛ màsa reè raa Màsaa, twɛy sa yeè tɔ̀ fa e re. Àwà, Ŋaablà Jaara Moo Yesù rìi mùn kɛ̀niɔ̀n, è bà mùn tsi bou e re gooɲaantsiɛ ɲàn e tsiɛn baraka rɔ̀n,

Goo kpàdèuma rèè 14:1

Àyìwà, mun siin fau kɔn, min sààtòmòìriɛ tsìiŋma jà Siyɔ̀n jèèn tsɛ. Mòkun gbaakoron càànmoò ko gbaa dzyèè ko gbaa nààlen ni ko à ka. À tsoò ko à Fàà tsoò yè bà sɛbɛɔ̀n twɛy ten na.

Goo kpàdèuma rèè 14:5

Doò na bo jà è dzu, jààma to na ni è ra.

Goo kpàdèuma rèè 5:6

Tɔ̀ ɲan, min sààtòmòìrii sɔn tsiiŋma jà màsà gbaaniɛn, ko gè jaama naàlen nèè ko mòòbɔɔ rèè fi, tɔ ni a ci à vuɔ̀ saaka. Bin ɲɛ̀ɛ̀nun ni à re, ko jaadzin ɲɛɛ̀nun, tɔ Ŋaablà re dzi ɲɛɛ̀nuàn, nìi reè ka beò dziɲantsiɛ min niì sapɛ.

Goo kpàdèuma rèè 5:9

È na ye yeu sɔn cee ci: «Ɔ̀ɔn, wo rìì dzia sɛbɛn nee tsi, wo y'à tàànmàshɛn neè waraka, kàtsu, wo vuu, wo yè bà saaka, mòdzin neè swey kùngɔ mà yè bo wo tsìɛn ka, yè bà Ŋaablà raa. Dziɲantsiɛ tsua sapɛ mòdzin ì ni è ɲan, kungoòmà rèè sapɛ modzin ì ni è ɲan, jàmàan rèè sapɛ modzin ì ni è ɲan, kuan sapɛ modzin ì yè bà ni è ɲan.

Goo kpàdèuma rèè 7:14

Min dzin à ra ci: «Mun Tsìfaà, wo rìì y'à tɔ̀.» À ci mun na ci: «Nìì reè bo naɔ byɛnbe brisi rɔ̀n, yè bà e re mɛ̀yɛ bla reè fòoŋnà, y'à fyɛ Sààtòmòìriɛ tsììn nɔn, à ye rìì.