Piyɛrì jɔ̀naà 1:17 - Bible Dzùùngoo Unicode

¹⁷ Tà doùn, ye ba Ŋaablà kir'la ci e fa, tɔ̀ niì kitsia kùn'na mòdzian soo sookɔɔn sapɛ tsɛ è kòrò è faadziɛ ka à na mɛɛ̀ mòò tsɛ, ye shi tɔ̀ jɔun e re bwèy fii tɔnɔnbe doùn jaamabe fakɔɔn nà dzɔ̀xɔɔ̀ tsɛ.

Piyɛrì jɔ̀naà 1:17 ပူးပေါင်းရင်းမြစ်များ

Matsiyù 16:27

Àwà Adamà dziàn nà nà e fa Ŋaablà nɔɔrɔɔ̀ doùn, e re mɛ̀rɛ̀kɛ rèè ka. Tɔ̀ sii sèè, à nà mòdzian soo soo sapɛ sarà, è kòrò è faadziɛ ka.

Matsiyù 22:16

Tà doùn yè e re kàràndzin neè swey, ko Erodzì raa mòò rèè swey ka à kpɛyn, yè bè dzin à ra ci: «Kàrànfaà, m'à tɔ̀ ci wo sààben ni dèe, w'e bà Ŋaabla shià kàr'na mòdzian nà sààben ka, wo na mòò jaadzin siɛ̀n. Mòdzian to kɛ̀nsɛɛn ye ba ni dzii o dzii, wo na tɔ̀ siɛ̀n waa.

Matsiyù 6:9

Tà doùn, ye ba nà Ŋaablà mafyɛ̀n, ye dzin ci: "Mùn Fà Ŋaablà, wo rìi ni jìrànxɔ rɔ̀n, wo tsoò fɛnɛbee nìi boò, m'à gaa ci mòdzian sapɛ y'a blàbe.

Ɔ̀rɔ̀mùnka reè 11:20

À kpɛ̀yn sààben ! È jèè bou mɔn, è re ɲɛynabɛybeè yè bà saabu, ŋà wo yè bà shiɔ̀ mɔn, tɔ ɲɛynaà nì saabu. Tà doùn, maà a yɛrɛ blabe waa, ŋà shi rii.

Korɛntsika reè fiiraa 1:2

Arì she, Ŋaablà ɲanwùɔ ko jaanciàn, mùn Fà Ŋaablà, ko Tsìfa Yesù Kirisà yè twɛy sìn e ra !

Korɛntsika reè fiiraa 5:6

Tɔ̀ kamà, mùn akiri tsùuŋnà kudɛyn, mùn to kɛ̀nsɛɛn ye ba à tɔ̀ ci è mùn to dzɔ̀nxɔɔ̀ tsɛ raa gɔn nèe ɲan, mùn dan gbàn Tsìfaà rà.

Korɛntsika reè fiiraa 7:1

Àyìwà mun ne kɛ̀niunma rèè, è twɛy làyir'lèè seunma to mùn ne, noo ge o ge ni mùn gɔɔ̀n ko mùn akir'la rà, mìn tɔ̀ sapɛ foo fyɛ, mìn e re fɛnɛbee dzii tsyɛn, è kòrò ko Ŋaablà jɔun shiɲaanbeè ka.

Korɛntsika reè fiiraa 7:11

Àwà taamaŋununbe rìi Ŋaablà sao, tɔ nàu nìi ka ye re jaamabee doùn, tɔ̀ rii siin: Y'a siin à sɔ̀bɛ̀nbe riì wɔu ye ɲan ! À nàu yɛ̀rɛ̀ tò gaa riì ka ye mà ! À ye vunun tau tau'n kur'liì rà ! À shiɲaanbe rìi kau ye ra ! À mun kur'lìi tau ye ra ! À ye màxɔ̀un nìi tsuru ! À to nàu koron niì ka ! Y'a kpàdèu kpàdèù'n kur'la sapɛ, ci ye fyɛɔ nèe goo rèe doùn.

Galatsika reè 2:6

Àwà, nìi jɔundzin neè kàjaa tsɛ, è na mòdzin bla ì ò, è to naà mòdzin bla ì ò, à sa soo mun ne. È ɲɛn à tsɛ a ni niu'n kuru o niu'n kuru, Ŋaablà na tɔ̀ siɛ̀n waa. Twɛy kpɛ̀yn, è na goo kpɛ̀rɛ̀ bà mun mà fààn, è bà mun ne fakɔɔn tɛ̀y waa.

Efɛsika reè 1:17

Mun tɔ̀ faa, gè riì ni à to, mùn Tsìfa Yesù Kirisà rè Ŋaablà, nɔɔrɔɔ̀ Fàà, tɔ̀ yeè akiriblabe sìn ye ra, è bà goo rèè kpàdèe, ye yè dzi Ŋaablà tɔ cɛyn.

Efɛsika reè 3:14

Tɔ̀ kamà, min kunun gbaàn Fà Ŋaablà biìn,

Efɛsika reè 6:9

Ye kùntsii rèè sa, e sa yeè tɔ̀ soo fa è re, nìi yɛ, e maà ɲanbe è mà waa, ye bà à tɔ̀ ci Tsìfa soo rìì ni ye sa re, nìi ni jìrànxɔɔ̀ doùn, à na mòò boò mòò ɲàn waa.

Filipika reè 2:12

Tɔ̀ tsuru, mun ne kɛ̀niunma rèè, è mun to ye fi, ye bàu gooma myɛnbaa ì kudɛyn. Arì she mun nibɛybeè ko e sa, ye bè jɔun, ye bà gooma myɛnbaa ì. Shiɲaanbe ko màsɔɔn doùn, ye e tsià faagoò fa.

Kolosika reè 3:25

Mòò riì terenbɛybe goo reè faa, tɔ nà sàrà è kòrò e re terenbɛybee rìì ka, è ɲɛn à tsɛ, Ŋaablà na mòò boò mòò ɲàn waa.

Dzyèèsìbee mòdzin neè 12:28

Tà doùn, mìn tswɛ̀y fa Ŋaablà re, kàtsu, à ɲe dɔɔ̀n màsàbè gane ɲan, nìi na yuuyuu bo jàa e shɔùn waa. Àwà, mìn Ŋaablà blabe blàbèù'n kur'la, nìi dzi à ra, mìn majàà à re, mìn bà shia à jɔun.

Dzyèèsìbee mòdzin neè 4:1

Àwà, Ŋaabla ɲànwɔma nìi làyiri seòn mùn ne tɔ̀ goò na mɛrɔɔn waa. Tà doùn, è tɔ̀ to tsùù sààn, mìn yɛrɛ kaàwɔ, mòò mà nà jà e ɲan, nìi raa goo nà à to, è to dɔ̀n bɛy waa.

Piyɛrì jɔ̀naà 2:11

N neema kɛniunma rèè, ye tɔnɔn dɔnbobaa ì dzɔ̀nxɔɔ̀ tsɛ. Tà doùn, m'a gaa e re, ye e yɛrɛ kun gɔɔ̀n kur'la goo ɲaan neè rà. È ɲɛn à tsɛ, twɛy kaa faa xɔɔn ka.

Piyɛrì jɔ̀naà 3:15

Ŋà Kirisà rìi Tsìfaà, y'a to tɔ̀ yeè bà gè fɛnɛ e dusùkuan doùn. E si to xɔ nìi tsɛ, mòò ye e tey tɔ̀ mà, e mabyɛ̀n tsuuŋma yè bà ni kudɛyn, ye jaabi wuu sin à tsìfa ra.