Yùxanà jɔ̀naà 5:7 - Bible Dzùùngoo Unicode

⁷ È ɲɛn tɔ̀ tsɛ, tɔ̀ goò bàu shɛɛrɛ zhììgi:

Yùxanà jɔ̀naà 5:7 ပူးပေါင်းရင်းမြစ်များ

Matsiyù 17:5

Piyɛrì ni tɔ̀ goomaa nà, ŋaamunun den denkɔɔn sɔn yeè nà è tsyee, ciàn yè bà ni è tsɛ. Vu sɔn yeè bo ŋaamun'na ɲàn tɔ̀un, tɔ̀ yeè dzin ci: «Nèe mun Dzin Kpir'la rìì yɛ nèe, mun nìi kɛ̀niɔ̀n fɔ è bè geren, è bà dzibeu mun na. Ye e toro wɔ à re !»

Matsiyù 18:16

À to ma e tsiì è toro wɔ a re, mòò sɔn tàmafa mòkun fii bà a tɛy kɔn ye b'a re, gè riì ni à to goò sapɛ ma yè byɛ̀n shɛɛrɛ mòkun fii, tàmafa zhììgi dzugooma tsɛ.

Matsiyù 28:19

Tà doùn, ye bè dziɲantsiɛ kun neè sapɛ re, ye è bà mun ne kàràndzin. Ye è jaara foò Ŋaablà re shia goo rèè rà, Fà Ŋaablà, ko à Dzin Kpir'la, ko à re Dzi Fɛnɛɛ tsoo ra.

Yùxanà 1:1

Dan dan, sani gè sapɛ yeè ɲɛn, nìi kir'là Goomaa, tɔ̀ na ni nòn. Goomaa na ni Ŋaablà ka, Gooma ree yè bà na Ŋaablà yɛr'la.

Yùxanà 10:30

Mun ko n Fa Ŋaablà, ɲe sa wò soo rìì.»

Yùxanà 12:28

Fà Ŋaablà, a tsoò blàbe.» Tɔ̀un, vu sɔn yeè myɛ̀n, è bo Ŋaablaxɔɔ̀ rà ci: «Mun yè n tsoò blàbeu nòn, mun to nà à blàbe kɔn yeu.»

Yùxanà 14:17

À Ŋaablà re Dzia rìì, sààbeen ni nìi ɲàn. Dziɲan na dzia tɔ̀ tàrà waa, kàtsu, dziɲan na à jàa waa, à to na à tɔ̀ tsu waa. Ŋà, nìi ye, ye y'à tɔ̀, kàtsu, à ni ye ka, à to nà bà ni ye ɲan.

Yùxanà 15:26

«Mun nà Dzwɛ̀mabaa nìi ka na ye re, è bo Fà Ŋaablà re, nìi Ŋaablà re Dzi saàbèntsià, tɔ̀ ye na nà waatsi riì bwèy, à nà mun shɛɛrɛbe fa.

Yùxanà 5:26

Jaamabee ni Fàà ɲàn nìi tsuru, à y'à sìun Dzin Kpirimaa nà, è bà ni tà sa ɲan tɔ̀ tsuru.

Yùxanà 8:18

Tà doùn, mun yè n yɛrɛ shɛɛrɛbe faa, mun Fà rìi to mun ka naɔ, tɔ̀ sa yeè bà mun shɛɛrɛbe faa.»

Yùxanà 8:54

Yesù yè dzin ci: «Mun nì yè bà na blàbe ɲɛɛn n yɛrɛ tsɛ, tɔ̀ blàbee naà gèsɔn pɛn waa. Mun Fà Ŋaablà rii blàbee ɲɛɛn mun tsɛ, ye ci tɔ̀ niì ye re Ŋaablà,

Kɛɛradzin neè faadziɛ 2:33

È sèè è blà wɔ à ɲan, à y'à tsùù e sirama si jaa rè. Yesù na Dzi Fɛnɛɛ riì làyiri seòn ɲe re, à fà Ŋaabla tɔ̀ sìun à ra. Àwà, à sa tɔ̀ Dzia rìì jàaŋnà ɲe tsɛ. Ye jaa yɛ nìi rà, ye yè bà à myɛ̀ɛn, tɔ tɔ̀ Dzia tàànmàshɛɛn nì.

Kɛɛradzin neè faadziɛ 5:32

Nìì reè to Ŋaablà vu kuàn, à tɔ̀ Dzi Fɛnɛɛ rìì sìan twɛy rà.»

Yùxanà jɔ̀naà 1:1

Àwà fɔ dan dan, nìi na ni, tɔ̀ yeè bà jaamabee Goomaa, ɲe tɔ̀ gooma myɛun, ɲe y'à jà e jaa ra, ɲe y'à lafyɛ, ɲe yè e si dzyɛn à ra.

Yùxanà jɔ̀naà 5:6

Àwà mòò riì nàu yuà ko tsìɛn baraka ɲan, tɔ Yesù Kirisà rìì. À na yuà bàsɔùn waa, ŋà à yuà ko tsìɛn sa rii. Ŋaablà re Dzia tɔ̀ shɛɛrɛbe boò, kàtsu Ŋaabla re Dzia sààben.

Yùxanà jɔ̀naà 5:8

nìi yɛ Ŋaablà re Dzia, yuà ko tsìɛn, è zhììgia sapɛ devuà yè bà soo.

Goo kpàdèuma rèè 19:13

Mɛ̀yɛ bla sɔn na ni à mà, tɔ wɔɔ tsììn ɲan, à yɛ̀r'la tsoo yè bà ci, Ŋaablà re Goomaa.