Yùxanà jɔ̀naà 5:19 - Bible Dzùùngoo Unicode

¹⁹ Ɲe y'à tɔ̀ ci ɲe Ŋaablà raa, dziɲan ko e kur'la, tɔ̀ sapɛ ye bà ni Sùtana suun.

Yùxanà jɔ̀naà 5:19 ပူးပေါင်းရင်းမြစ်များ

Lukì 4:6

Tɔ̀un, Sànwɔbaà yè dzin à ra ci: «Nèe gàne rèe rèè sapɛ faan ko à nɔɔrɔɔ̀ sapɛ siɔ̀n mun nì nà. Mòò riì ye mun dzibe mun dzia à sìn tɔ̀ tsìfa ra.

Yùxanà 12:31

Àwà dòònuùn, dziɲan modzian kitsi waatsi wɔu. Ɔ̀ɔn, Sùtana, dziɲaan kùntsiɛ̀ kaa waatsi wɔu dòònuùn.

Yùxanà 14:30

Mun fa dzi gooma giri dè ye ka dɛ, kàtsu, Sùtana, dziɲan ree kùntsiɛ̀ nàa, dzi pɛn to na ni à re mun tsɛ waa.

Yùxanà 16:11

Yè bà fìriɔ̀ Ŋaablà re kitsia raa goò kàjaa tsɛ, kàtsu, nìi Sùtana dziɲan ree kùntsiɛ̀, kitsia mɛrɔun tɔ̀ tsɛ nòn.

Yùxanà 17:15

Mun na wo màfyɛ̀ɛn, ci wo yè è bo dziɲan ɲan dɛ, ŋà, mun wo màfyɛ̀ɛn nì, wo yè è tààn Sùtana mà.

Ɔ̀rɔ̀mùnka reè 8:16

Tɔ̀ Dzi niì Ŋaablà re Dzia, tɔ̀ yɛ̀r'la y'à shɛɛrɛbee faa ɲe akir'là rè, ci ɲe Ŋaablà dzin ì.

Korɛntsika reè fiiraa 1:12

Àwà ɲe raa yɛ̀rɛ̀blàbè kuàn nì yɛ, ɲe akir'là shɛɛrɛbe riì boò ɲe tsɛ, nìi yɛ ci ɲe yè e re jaamabee fau dziɲaan doùn duungoosoobe ko duunfyɛ ka è bo Ŋaablà ɲan, ye kàjaa tsɛ raà yè geren. Tɔ̀ na fa adamàdzin mòdzin ne akiritsifabe baraka ɲan waa, ŋà Ŋaablà ɲanwùɔ baraka rɔ̀n.

Korɛntsika reè fiiraa 4:4

Twɛy ɲɛynabɛy reè, nèe dziɲan ree ŋaablàa twɛy akir'là tsyeeŋna, gè riì ni à to è mà Kirisà, tɔ̀ niì Ŋaablà bosià, tɔ̀ nɔɔrɔɔ̀ Kùnàgoo Dziɔ̀ vyevyeè jà waa.

Korɛntsika reè fiiraa 5:1

Àwà m'à tɔ ci dzɔ̀nxɔɔ̀ tsɛ, mùn ni gɔɔ̀n ɲàn a ci gbà, nìi bar'la. Tɔ̀ to kɛ̀nsɛɛn ye bara, gba ni mùn ne jìrànxɔɔ̀ doùn, Ŋaabla nìi lamɔnɔɔ̀n è bà gbà, nìi na do jàa waa. Tɔ̀ na mòdzin ne si ka lamɔnɔunma waa.

Galatsika reè 1:4

tɔ̀ niì yè e yɛrɛ siun mùn ne gooɲaantsiɛ kamà, gè riì ni à to mùn yeè tsi bo nèe dziɲan ree gooɲaan suun, è kòrò mùn Fà Ŋaablà saɔ ka.

Efɛsika reè 2:2

Ye na ni twɛy goo tsu rèè ɲàn dan, ye yè bà na jìɛ è kòrò nèe dziɲan ree ko e kuntsiɛ̀ rè goo fau'n kur'la ka, nìi kwey rèè kùntsiɛ̀. Tɔ̀ dzia to bèe jɔun she, è faagoò fa mòdzin mabaunma rèè ɲàn Ŋaablà ma.

Tsìmotè fiiraa 1:12

Twɛy goo rèè rìì kamà min bà byɛɛn. Ŋà tɔ̀ seey na ni mun na waa, è ɲɛn à tsɛ, m'a tɔ̀, mun ɲɛɔ̀n nìi rà. Mun si to xɔ à tsɛ, ci à nìi kɛ̀ɛ̀yfaɔ̀ mun mà, à dzi ni à ra è tɔ̀ màrà fɔ è bè suu jisee lataan dzu.

Tsitè 3:3

È ɲɛn à tsɛ, dan ɲe sa na mòdzin akiribɛy ì, mòdzin mabaunma ì, mòdzin firiuma ì. Ɲe na kur'la goo ɲaan ko dzibee goo kaatsià sapɛ re jòn. Ɲe na ni jaamabee rà ɲanbee ɲàn, ɲe jaàn yè bà na boò gèè sapɛ re. Ɲe kinin naà ni mòò rà dɛ, ɲe goo yè bà na xɔ e si mà.

Yàkubà 4:4

Mòdzin terenbɛy ì Ŋaablà ka, ye na à tɔ̀ ci e dziɲaan goo rèè kɛ̀n, tɔ̀ rii yɛ e Ŋaablà goo xɔbe a ma ɔ̀n ? Mòò riì sào ni wò yeè bà dziɲaan dzunwɛynsi, tɔ̀ yeè e yɛrɛ baà Ŋaablà ɲan nì.

Yùxanà jɔ̀naà 3:14

Ɲe y'à tɔ̀ ci ɲe bou saàn ɲàn, ɲe yè dɔ̀n jaamabee ɲàn, è ɲɛn à tsɛ, ɲe yè e neema reè kɛ̀niɔ̀n. Mòò riì na e neemaa kɛ̀niɔ̀n waa, tɔ ni saàn ɲàn.

Yùxanà jɔ̀naà 3:24

Mòò riì y'à dzugooma xɔù rèè màr'la, tɔ ni à ɲan, è bà ni tɔ̀ ɲan. M'à tɔ̀ nìi rà ci à ni mùn ɲan, tɔ̀ rii yɛ, è re Dzi riì sìun mùn na.

Yùxanà jɔ̀naà 5:10

Mòò riì ye ɲɛn Ŋaablà Dzin Kpir'la rà, tɔ̀ shɛɛrɛbee ni tɔ̀ tsìfa ɲan. Ŋà mòò riì ma ɲɛn Ŋaablà ra, tɔ Ŋaablà baà doodebaa, kàtsu è Dzin Kpir'la shɛɛrɛbe riì bou, à na ɲɛɔ̀n tɔ̀ ra waa.

Yùxanà jɔ̀naà 5:13

Ye nìì reè ɲɛun Ŋaablà Dzin Kpir'la tsoò rà, mun nèe sɛbɛn nee fa siɔ̀n ye ra, ye yè bà ni à tɔ̀ ci jaamabe dziù dòbɛɛ ni ye re.

Yùxanà jɔ̀naà 5:15

Mùn ye ba à tɔ̀ ci à mùn lamyɛɛ̀n, mùn nà gè o ge gaa à re, mùn y'à tɔ̀ ci mùn nìi gaaŋ à re, mùn tɔ̀ tàrau.

Yùxanà jɔ̀naà 5:18

M'à tɔ̀ ci mòò moò kere boo Ŋaablà re, tɔ̀ na gooɲaan faa waa. È ɲɛn à tsɛ Dzin nìi kere boo Ŋaablà ɲan, tɔ̀ y'a màraɔ̀, Sùtana na dzia e dzyɛn à ra waa.

Yùxanà jɔ̀naà 5:20

M'à tɔ̀ ci Ŋaablà Dzin Kpir'la nàu sa, è nà akiri sìn mùn na, mìn Ŋaablà takia tɔ̀. Mùn to ni Ŋaablà takia ɲàn, à Dzin Kpiri Yesù Kirisà baraka rɔ̀n. Wò rii Ŋaablà takia, ko jaamabe dziù dòbɛɛ.

Goo kpàdèuma rèè 12:9

Kparan ɲan blaa yè maa bo jìrànxɔɔ̀ doùn tɔ̀un, tɔ̀ niì myɛn bɔrɔɔ, è bà kir'là Sànwɔbaà ko Sùtana, nìi mòdzian sàn fìr'la dzɔ̀nxɔɔ̀ tsɛ. À ko e kpɛyn mɛ̀rɛ̀kɛ rèè sa yeè maa dzɔ̀nxɔɔ̀ tsɛ.

Goo kpàdèuma rèè 20:3

Tɔ̀un, à y'à maa dɔn bè kɔ̀ɔ̀ tsun gbloùntòò doùn, è dziɛ̀ tsyee à mà, è tàànmàshɛɛn tsùù tɔ̀ tsɛ, à mà nà to kun neè mòdzian sàn fìrì dɛ, fɔ jii gbaa soo yeè bè tsyɛn. Tɔ̀ ye tsyɛn gbaa nìi bwèy, à nà foro bàji kɔn, è waatsi dɛɛnin fa.