Yùxanà jɔ̀naà 5:13 - Bible Dzùùngoo Unicode

¹³ Ye nìì reè ɲɛun Ŋaablà Dzin Kpir'la tsoò rà, mun nèe sɛbɛn nee fa siɔ̀n ye ra, ye yè bà ni à tɔ̀ ci jaamabe dziù dòbɛɛ ni ye re.

Yùxanà jɔ̀naà 5:13 ပူးပေါင်းရင်းမြစ်များ

Yùxanà 1:12

Ŋà, swey yè e tsiiŋ à rà, yè ɲɛn à ra. Tà doùn, à y'à tou twɛy sapɛ yeè bà Ŋaablà dzin ì.

Yùxanà 2:23

Àwà, è Yesù to Yerusalɛmùn Geren n tsɛɛ̀ sɛr'là waatsia bwèy, mòò giri yè ɲɛn à ra, à re kabagoo goo reè fakɔɔn kamà.

Yùxanà 20:31

Ŋà, nìì reè gooma deò, twɛy sɛbɛɔ̀n rìì, sànko ye ɲɛn à ra, ci Yesù rìì Ŋaablà Jaara Modzìàn, Ŋaablà Dzin Kpir'la. A to ye ɲɛn à ra, wo jaamabe dziɔ̀ tàrau à tsoò baraka rɔ̀n.

Yùxanà 21:24

Tɔ̀ kàràndzin soo rìì twɛy goo rèè shɛɛrɛbe faa, wò rii to yè sɛbɛɔ̀n. Ɲe sa y'a tɔ̀, ci à re shɛɛrɛbee sààben.

Yùxanà 3:18

Mòò riì ye ɲɛn à ra, kitsi na mɛrɔɔn tɔ̀ tsɛ waa, ŋà, mòò riì ma ɲɛn à ra, kitsia mɛrɔɔn tɔ̀ tsìfa tsɛ nòn, kàtsu à na ɲɛn Ŋaablà Dzin Kpiri soo rà waa.

Yùxanà 5:24

Sààben na, mun nì ci e ra, mòò o moò yè e toro wɔɔ̀ mun ne gooma reè rè, Fà rìi mun ka naɔ è ɲɛn tɔ̀ ra, tɔ̀ tsìfa jaamabe dziù dòbɛɛ tàrau. Kitsi fa kùnùn à tsìfa tsɛ dɛ, à to bou saàn ɲàn, è dɔ̀n jaamabee ɲàn nòn.

Kɛɛradzin neè faadziɛ 3:16

Ye jaa yɛ nèe kpir'liì rà nèe, è bà fù tsìiŋnà, ye y'à tɔ̀. Ɲe ɲɛn niì faɔ̀ Yesù rà, tɔ̀ tsoò baraka rɔ̀n nì, kpir'lee dziu fù è tsiì. Àwà, e ɲɛn Yesù rà, tɔ̀ tsoò barakaà rìì nèe kpir'lee cɛrɛmabeu gbereyn gbereyn nèe tsuru. Tɔ fau ye sapɛ jaa ra.

Kɛɛradzin neè faadziɛ 4:12

À yè dzin kɔn ci: «E tsi, tɔ tàr'la Yesù soo rii ɲàn. Tà boshɔ̀ùn, Ŋaablà na mòò pɛn kpɛrɛ kpàdè dziɲantsiɛ doùn, nìi dzia mòò tsi waa.»

Korɛntsika reè fiiraa 5:1

Àwà m'à tɔ ci dzɔ̀nxɔɔ̀ tsɛ, mùn ni gɔɔ̀n ɲàn a ci gbà, nìi bar'la. Tɔ̀ to kɛ̀nsɛɛn ye bara, gba ni mùn ne jìrànxɔɔ̀ doùn, Ŋaabla nìi lamɔnɔɔ̀n è bà gbà, nìi na do jàa waa. Tɔ̀ na mòdzin ne si ka lamɔnɔunma waa.

Galatsika reè 4:6

Ye Ŋaablà dzin ì nìi fa, tɔ̀ kamà è Dzin Kpir'la rè Dzia ka na mùn dùsùkuan tsɛ, tɔ̀ yeè bà dziàn fààn na ci: «Bàa, mùn fàà»

Piyɛrì jɔ̀naà 5:12

Àwà Silivɛ̀n, mun tɔ̀ niì jàtsikuàn mùn neema è bà vusootsi, mun nèe dzii jaa fii sɛbɛn nee fau tɔ̀ rii ka, min bà ni ye màxɔ̀n, tà ko m'a dè ye ra, ci ye yè shiɔ̀ nìi rà, tɔ̀ rii Ŋaablà ɲanwùɔ takia.

Yùxanà jɔ̀naà 1:4

Ɲe twɛy goo rèè sɛbɛn siàn ye ra, gè riì ni à to mùn ne taamadzibeè yè bà taamadzibe dziitsyɛunma.

Yùxanà jɔ̀naà 2:1

N ne dziniin ì, mun nèe sɛbɛn nee fa siàn ye ra, gè riì ni à to ye mà gooɲaan fa waa. Sɔn to ye gooɲaan fa, dzwɛ̀mabaa ni mùn ne Fà Ŋaablà tɛyn, nìi Yesù Kirisà, tɔ̀ niì tereòn.

Yùxanà jɔ̀naà 2:21

Mun na nèe sɛbɛn nee sìn ye ra ci ye na sààbeen tɔ̀ dɛ, ŋà m'a sìun ye ra ci y'a tɔ̀ rii, ci doò pɛn to na dzia bo sààbeen ɲàn waa.

Yùxanà jɔ̀naà 2:25

À nìi làyiri seòn mùn ne, tɔ̀ rii yɛ jaamabe dziù dòbɛɛ.

Yùxanà jɔ̀naà 2:26

Nìì reè y'à gaa ye yè ye sànfìrì, mun nèe sɛbɛn siun ye ra ye rìì kamà.

Yùxanà jɔ̀naà 3:23

À dzugooma xɔɔ̀ rìì yɛ, mùn ye ɲɛn Yesù Kirisà tsoò rà, à Dzin Kpir'la, tà ko mùn yeè e si kɛ̀n a ci à y'à dèu mùn na nìi tsuru.

Yùxanà jɔ̀naà 4:9

Ŋaablà re kɛ̀nbààbee kpàdèu ɲe kàjaa tsɛ nìi tsuru, tɔ̀ rii siin: È Dzin Kpiri soo bàji nau dziɲantsiɛ doùn, gè riì ni à to tɔ̀ baraka ɲan, mìn jaamabee fa.

Yùxanà jɔ̀naà 5:10

Mòò riì ye ɲɛn Ŋaablà Dzin Kpir'la rà, tɔ̀ shɛɛrɛbee ni tɔ̀ tsìfa ɲan. Ŋà mòò riì ma ɲɛn Ŋaablà ra, tɔ Ŋaablà baà doodebaa, kàtsu è Dzin Kpir'la shɛɛrɛbe riì bou, à na ɲɛɔ̀n tɔ̀ ra waa.

Yùxanà jɔ̀naà 5:11

Tɔ̀ shɛɛrɛbee rìì yɛ, ci Ŋaabla jaamabe dziù dòbɛɛ sìun mùn na, tɔ̀ jaamabee to ni à Dzin Kpir'la rìì ɲàn.

Yùxanà jɔ̀naà 5:20

M'à tɔ̀ ci Ŋaablà Dzin Kpir'la nàu sa, è nà akiri sìn mùn na, mìn Ŋaablà takia tɔ̀. Mùn to ni Ŋaablà takia ɲàn, à Dzin Kpiri Yesù Kirisà baraka rɔ̀n. Wò rii Ŋaablà takia, ko jaamabe dziù dòbɛɛ.