Yùxanà jɔ̀naà 5:10 - Bible Dzùùngoo Unicode

¹⁰ Mòò riì ye ɲɛn Ŋaablà Dzin Kpir'la rà, tɔ̀ shɛɛrɛbee ni tɔ̀ tsìfa ɲan. Ŋà mòò riì ma ɲɛn Ŋaablà ra, tɔ Ŋaablà baà doodebaa, kàtsu è Dzin Kpir'la shɛɛrɛbe riì bou, à na ɲɛɔ̀n tɔ̀ ra waa.

Yùxanà jɔ̀naà 5:10 ပူးပေါင်းရင်းမြစ်များ

Yùxanà 3:16

Ɔ̀ɔn, Ŋaabla dziɲan modzian kɛ̀niun, à yè è kɛ̀n, fɔ è Dzin Kpiri soo sìn saaka, sànko mòò o moò ye ɲɛn tɔ̀ ra, tɔ̀ tsìfa mà bara waa, ŋà, è jaamabe dziù dòbɛɛ tàrà.»

Yùxanà 3:18

Mòò riì ye ɲɛn à ra, kitsi na mɛrɔɔn tɔ̀ tsɛ waa, ŋà, mòò riì ma ɲɛn à ra, kitsia mɛrɔɔn tɔ̀ tsìfa tsɛ nòn, kàtsu à na ɲɛn Ŋaablà Dzin Kpiri soo rà waa.

Yùxanà 3:33

Mòò riì yè e tsiɛ à re shɛɛrɛbee rà, tɔ̀ tsìfa y'à kpàdèe à y'à fyɛ, ci Ŋaabla sààben ni dèe.

Yùxanà 5:38

Nìi to y'à re goomaa, tɔ̀ na ni ye ɲan waa, kàtsu à nìi ka nau ye na ɲɛɔ̀n tɔ̀ ra waa.

Kɛɛradzin neè faadziɛ 8:37

[Fìlipù yè dzin à ra ci: «Wo ye ba ɲɛɔ̀n Ŋaablà ra duungoo soo ka, wo jaara dzia fòò.» Etsiyopika kpir'là yè dzin ci: «Ɔ̀ɔn, mun ɲɛɔ̀n à ra, ci Yesù rìì Ŋaablà Dzin Kpir'la.»]

Ɔ̀rɔ̀mùnka reè 8:16

Tɔ̀ Dzi niì Ŋaablà re Dzia, tɔ̀ yɛ̀r'la y'à shɛɛrɛbee faa ɲe akir'là rè, ci ɲe Ŋaablà dzin ì.

Galatsika reè 4:1

Àwà mun nìi dèe tɔ̀ rii siin: È shɛnsenbaà to dziinkòòmɛ̀yn, à bàu waatsi o waatsi, à to kɛ̀nsɛɛn ye ba gèè sapɛ tsifa, dànfaran pɛn na ni à ko jòn fi waa.

Galatsika reè 4:6

Ye Ŋaablà dzin ì nìi fa, tɔ̀ kamà è Dzin Kpir'la rè Dzia ka na mùn dùsùkuan tsɛ, tɔ̀ yeè bà dziàn fààn na ci: «Bàa, mùn fàà»

Kolosika reè 3:3

È ɲɛn à tsɛ, ye saun, ye re jaamabee yè bà mɛnɛɔn Kirisà rè, Ŋaablà ɲan.

Dzyèèsìbee mòdzin neè 3:12

Tɔ̀ gàneè doùn, n neema ì, ye e yɛrɛ kaàwɔ, mòò mà nà jà e ɲan, akiri ɲaan ni nìi ɲàn, à na ɲɛɔ̀n Ŋaablà ra waa, fɔ è bè bà saabu, è nɔn Ŋaablà jaamaa rè waa.

Piyɛrì fiiraa 1:19

È bà tɔ̀ tɛ̀y, kɛɛra reè rè goomaa sa ni mùn ne, nìi gooma san gbaunma, à dzi yè bà ni ye re, y'a kààwɔ cɛyn. Tɔ ni a ci fìtsìnà vyee, nìi deèn tsitsii gane ɲan è bè suu fɔ dzɔ̀n via dzu, fɔ dzɔ̀nvìdziɛ rè swɛɛ̀n yè nà vyevyeè bo ye dùsùkun neè tsɛ.

Yùxanà jɔ̀naà 1:10

Ŋà mìn dzin ci gooɲaantsii na ni mùn vu ra, mùn y'a bàa doodebaa, à re goomaa to na ni mùn ɲan waa.

Yùxanà jɔ̀naà 5:1

Mòò o moò ɲɛɛn à ra ci Yesù Ŋaablà Jaara Modzìàn, tɔ kere boo Ŋaablà re. Mòò o moò to dzin faà kɛ̀ɛn, tɔ dziàn sa kɛɛn.

Goo kpàdèuma rèè 12:17

Kparan ɲaan vunun yè ta taàn kpɛyn tɔ̀un fɔ è bè geren. È bè taàn tsua dzyee rèè kpɛyn, è kaa fa ko twɛy ka, twɛy nìì reè Ŋaablà dzugooma xɔù rèè shi jiɛ, yè bà ni Yesù rè shɛɛrɛbee tsɛ.

Goo kpàdèuma rèè 2:17

Àwà, Ŋaablà re Dzia nìi dèe ɲɛynamoo kur'lèè rà, toro ì ye ba ni mòò riì rè, è bà è ka myɛ̀yn faa, è toro wɔ cɛyn, à y'à myɛ̀n ! Mòò riì ye ba dzibaa, mun nà manuàn sìn tɔ̀ tsìfa ra, manun mɛnɛunmaà. Min kpàà fyɛ sin à ra, tsoo ye sɛbɛɔ̀n tɔ̀ tsɛ, mòò pɛn na nìi tɔ̀ waa, fɔ à tàràbaà soo.»

Goo kpàdèuma rèè 2:28

Mun nà fààn ree sìn à ra, a ci mun sa y'a tàrau n Fa Ŋaablà re nìi tsuru, tà ko min dzɔ̀n vì dziɛ rè swɛɛ̀n sìn à ra.