Yùxanà jɔ̀naà 5:1 - Bible Dzùùngoo Unicode

¹ Mòò o moò ɲɛɛn à ra ci Yesù Ŋaablà Jaara Modzìàn, tɔ kere boo Ŋaablà re. Mòò o moò to dzin faà kɛ̀ɛn, tɔ dziàn sa kɛɛn.

Yùxanà jɔ̀naà 5:1 ပူးပေါင်းရင်းမြစ်များ

Matsiyù 16:16

Shimɔn Piyɛrì ci: «Wo rìì Ŋaablà Jaara Modzìàn, Ŋaablà jaamaa Dzin Kpir'la.»

Lukì 7:5

À Dzyèèsìbee mòdzin neè kɛ̀n gereon. Wò rii y'à tou wɔ̀ rèe doùn ŋaablabegbaà yè ji.»

Yùxanà 1:3

Goomaa nì baraka ɲan, Ŋaabla gè sapɛ ɲɛun, gèsɔn pɛn na ɲɛn à shɔ̀ùn waa.

Yùxanà 15:23

Mòò riì mun goo xɔbee e yɛrɛ ma, tɔ̀ tsìfa mun Fà Ŋaablà sa goo xɔbee e yɛrɛ ma.

Yùxanà 3:3

Yesù yè dzin à ra ci: «Sààben na, mun nì ci a ra, mòò riì ma seè kere yeu fyeu, tɔ̀ tsìfa na dzia Ŋaablà re Màsàbee ɲɛn e jaara waa.»

Yùxanà 6:69

Ɲe ɲɛɔ̀n à ra, ɲe yè bà à tɔ̀, ci Ŋaabla e re mòdzìn fɛnɛ riì ka naɔ, à wo rìì.»

Yùxanà 8:42

Yesù yè dzin è ra ci: «Ŋaablà rii ye ba na ye Fàà taki, ye na nà mun kɛ̀n, kàtsu, mun daɔn min bo wò rii lè, mun to ni wò rii kamà mìin. Mun na naɔ̀ n yɛrɛma dɛ, ŋà, wò rii mun ka naɔ.

Kɛɛradzin neè faadziɛ 8:36

Tɔ̀un, yè geren e re jìɛ̀ rè yè bè wɔ gàne sɔn ɲan, yu ni mɔn. Etsiyopika kpir'là yè dzin jaa soo ci: «Yuà yɛ nèe, fee y'à toò mun jaara mà fòò Ŋaablà re shia goo rèè rà ?»

Kɛɛradzin neè faadziɛ 8:37

[Fìlipù yè dzin à ra ci: «Wo ye ba ɲɛɔ̀n Ŋaablà ra duungoo soo ka, wo jaara dzia fòò.» Etsiyopika kpir'là yè dzin ci: «Ɔ̀ɔn, mun ɲɛɔ̀n à ra, ci Yesù rìì Ŋaablà Dzin Kpir'la.»]

Yàkubà 1:18

À bàu à sàò, è ɲe ɲɛn e re sààbèn goòmàà baraka rɔ̀n, gè riì ni à to, ɲe yè bà à re gè ɲɛunma rèè sapɛ ɲan kùngɔ̀ jɔna reè sɔn.

Piyɛrì jɔ̀naà 1:3

Arì she, tsoo dzi yeè ɲɛn mùn Tsìfa Yesù Kirisà Fà Ŋaablà tsɛ ! È ɲɛn à tsɛ, à ɲan màtsuru brisià kamà, à mùn sèè kereu yeu, Yesù Kirisà sèè kpunaunmaà baraka ɲan è bo fùn nèè fi, mìn bà ni siɲɛnma tàrà, nìi jaama.

Yùxanà jɔ̀naà 2:10

Mòò riì yè e neemaa kɛ̀niɔ̀n, tɔ ni vyevyeè ɲàn, goo sɔn pɛn to na ni à ɲan, nìi nà à neemaa sàn nà ban è mɛɛy waa.

Yùxanà jɔ̀naà 2:29

Àwà ye ba à tɔ̀ ci à tereòn, y'a tɔ̀ sa ci mòò o moò terenbee shi jiɛ, tɔ kere boo à re.

Yùxanà jɔ̀naà 3:14

Ɲe y'à tɔ̀ ci ɲe bou saàn ɲàn, ɲe yè dɔ̀n jaamabee ɲàn, è ɲɛn à tsɛ, ɲe yè e neema reè kɛ̀niɔ̀n. Mòò riì na e neemaa kɛ̀niɔ̀n waa, tɔ ni saàn ɲàn.

Yùxanà jɔ̀naà 3:17

Dziɲan nafor'la ni mòò riì suun, tɔ̀ ye e neemasia byɛunma jà, à to na matsuru à ra waa, Ŋaablà kɛnbààbe ni tɔ̀ ɲan dzùrù ?

Yùxanà jɔ̀naà 3:9

Mòò o moò kere bou Ŋaablà re, tɔ̀ na gooɲaan faa waa, kàtsu Ŋaablà re gètsua ni à ɲan. À na dzia gooɲaan fa waa kàtsu à kere boo Ŋaablà re.

Yùxanà jɔ̀naà 4:2

Ŋaablà raa Dzia tɔ̀ɔ nìi rà, tɔ̀ rii siin: Dzi o dzi dziàn ci Yesù Kirisà nàu gɔɔ̀n ɲàn, tɔ boo Ŋaablà ɲan.

Yùxanà jɔ̀naà 4:20

Mòò ye dzin ci wo Ŋaablà kɛniɔ̀n, tɔ̀ to y'à tàrà è neemasia kpɛynbee, à doodebaa. È ɲɛn à tsɛ, è neemasi riì jàa à na tɔ̀ kɛ̀niɔ̀n waa, à na Ŋaablà riì jàa, à dzia tɔ̀ kɛ̀n dzùrù ?

Yùxanà jɔ̀naà 4:7

N ne kɛ̀niunma rèè, mùn yeè e si kɛ̀n, è ɲɛn à tsɛ kɛ̀nbààbee boo Ŋaablà rii lè. Kɛ̀nbààbee ni mòò riì ɲàn, tɔ kere boo Ŋaablà re, è bà Ŋaablà tɔ.

Yùxanà jɔ̀naà 5:18

M'à tɔ̀ ci mòò moò kere boo Ŋaablà re, tɔ̀ na gooɲaan faa waa. È ɲɛn à tsɛ Dzin nìi kere boo Ŋaablà ɲan, tɔ̀ y'a màraɔ̀, Sùtana na dzia e dzyɛn à ra waa.

Yùxanà jɔ̀naà 5:4

È ɲɛn à tsɛ, mòò o moò kere boo Ŋaablà re, tɔ dzi tar'la dziɲaan tsɛ. Goo rìi to dzi tarau dziɲaan tsɛ, tɔ mùn ne ɲɛynaà nì.

Yùxanà jɔ̀naà 5:5

Tsì rii dzi taraɔ̀ dziɲaan tsɛ ? Mòò riì ɲɛɔ̀n à ra, ci Yesù Ŋaablà Dzin Kpiri, tɔ tɔ̀ rii.