Yùxanà jɔ̀naà 4:8 - Bible Dzùùngoo Unicode

⁸ Kɛ̀nbààbe na ni mòò riì ɲàn, tɔ̀ na Ŋaablà tɔ waa, kàtsu Ŋaabla kɛ̀nbààbe rii.

Yùxanà jɔ̀naà 4:8 ပူးပေါင်းရင်းမြစ်များ

Korɛntsika reè fiiraa 13:11

Dòònuùn n neema ì, ye taama dzibe, ye fààn wɔ e si ɲan, ye e si màxɔ̀n, ye byɛ̀n soo ma, ye jaamabee fa jaancin doùn. Tɔ̀ tsuru, kɛ̀nbààbee ko jaanciàn Ŋaabla nà bà ni ye ka.

Efɛsika reè 2:4

Ŋà Ŋaablà ɲan màtsur'la blà è bà mùn kɛ̀niɔ̀n kɛ̀nbààbe brisi ka.

Dzyèèsìbee mòdzin neè 12:29

Mìn tɔ̀ fa, kàtsu, ɲe re Ŋaabla ni a ci sà, nìi mòdziìn dzu kpaan boò mɔn.

Yùxanà jɔ̀naà 1:5

Ɲe gooma niì myɛ̀un à re, ɲe yè bà à dèe ye ra, tɔ̀ rii yɛ ci Ŋaabla vyevyee rìì, tsitsiì pɛn na ni à ɲan waa.

Yùxanà jɔ̀naà 2:4

Mòò riì ci wò y'a tɔ̀, à to na à dzugooma xɔù rèè màr'la waa, tɔ doodebaa, sààbeen to na ni à ɲan waa.

Yùxanà jɔ̀naà 2:9

Mòò riì ci wo ni vyevyeè ɲàn, tɔ̀ to y'à tàrà è neemaa kpɛynbee, tɔ ni tsitsiɛ̀ ɲàn arì she.

Yùxanà jɔ̀naà 3:10

Nèe kàjaa ree rìì y'à toò Ŋaablà dzin nèè ko Sànwɔbaà dzin nèè yè tɔ̀ bo e si ɲan: mòò o moò na terenbee shi jiɛ, ko mòò o moò na e neemasia kɛ̀ɛn waa, tɔ̀ na Ŋaablà raa waa.

Yùxanà jɔ̀naà 3:6

Mòò o moò ni à ɲan, tɔ̀ na gooɲaan faa waa. Mòò o moò to gooɲaan faa, tɔ̀ na à jàunà, à to na à tɔ̀.

Yùxanà jɔ̀naà 4:16

Nìi ɲe, kɛ̀nbààbe riì ni Ŋaablà ɲan ɲe kàjaa tsɛ, ɲe tɔ̀ tɔ̀, ɲe to yè bà ɲɛɔ̀n à ra. Ŋaabla kɛ̀nbààbe rii. Kɛ̀nbààbe ni mòò riì ɲàn, tɔ ni Ŋaablà ɲan, Ŋaablà sa yeè bà ni à ɲan.

Yùxanà jɔ̀naà 4:7

N ne kɛ̀niunma rèè, mùn yeè e si kɛ̀n, è ɲɛn à tsɛ kɛ̀nbààbee boo Ŋaablà rii lè. Kɛ̀nbààbee ni mòò riì ɲàn, tɔ kere boo Ŋaablà re, è bà Ŋaablà tɔ.