Yùxanà jɔ̀naà 4:7 - Bible Dzùùngoo Unicode

⁷ N ne kɛ̀niunma rèè, mùn yeè e si kɛ̀n, è ɲɛn à tsɛ kɛ̀nbààbee boo Ŋaablà rii lè. Kɛ̀nbààbee ni mòò riì ɲàn, tɔ kere boo Ŋaablà re, è bà Ŋaablà tɔ.

Yùxanà jɔ̀naà 4:7 ပူးပေါင်းရင်းမြစ်များ

Yùxanà 13:34

Mun nà dzugooma xɔù yeu de ye ra nìi yɛ ci: Ye e si kɛ̀n. Mun ye kɛ̀niun kɛ̀nìùn'n kur'liì rà, e sa yeè e si kɛ̀n tɔ̀ tsuru.

Yùxanà 17:3

A y'a myɛ̀n jaamabe dziù dòbɛɛ, tɔ̀ rii yɛ, e wo Ŋaablà soo takia tɔ̀, tà ko wo mòò riì ka nau, tɔ̀ yeè bà Yesù, wo Jaara Modzìàn e tɔ̀ tɔ̀.

Korɛntsika reè jɔ̀naà 8:3

Ŋà mòdzian sɔn ye ba Ŋaablà kɛniɔ̀n, à tɔ̀ tsìfa tɔ̀.

Korɛntsika reè fiiraa 4:6

È ɲɛn à tsɛ, Ŋaablà riì dziun ci: «Vyevyeè yè den tsitsiɛ̀ fi», wò rii deun ɲe dùsùkun neè tsɛ, gè riì ni à to è bà ni e nɔɔrɔɔ̀ twɛ̀ɛ vyevyeè bo, tɔ̀ niì den deèn Kirisà jaakɔrɔun.

Galatsika reè 4:9

Ŋà dòònuùn, Ŋaablà tɔumaà ye re, mìn dzin Ŋaablà yeè ye tɔ̀ sa kɛ̀, ye bàa dzùrù kɔn ye yè sèè twɛy gè fààn bɛy nafà bɛy reè ma, ye yè bà n'a re ye yè bà kɔn yeu twɛy rè jòn, a ci dan ?

Galatsika reè 5:22

Ŋà Ŋaablà re Dzia, tɔ̀ dziàn nì siin: Kɛ̀nbààbee, taamadzibeè, jaanciàn, mɔ̀ɲɔɔn, wùɔ, duunwubee, ɲɛynaà,

Tsìmotè fiiraa 1:7

È ɲɛn à tsɛ Ŋaabla Dzi riì siɔ̀n ɲe ra, à na shiɲaanbeè Dzi waa, ŋà à dzibaabee Dzi rii, kɛ̀nbààbee Dzi, ko yɛ̀rɛ̀kuan Dzi.

Piyɛrì jɔ̀naà 1:22

Àwà ye tsìiŋmaà sààbeen rà, tɔ ye dùsùkuan fyɛu, ye bà ni neema reè kɛ̀n ko duunfyɛ ka. Tà doùn, ye e si kɛ̀n ko e dusùkuan sapɛ ka.

Yùxanà jɔ̀naà 2:10

Mòò riì yè e neemaa kɛ̀niɔ̀n, tɔ ni vyevyeè ɲàn, goo sɔn pɛn to na ni à ɲan, nìi nà à neemaa sàn nà ban è mɛɛy waa.

Yùxanà jɔ̀naà 2:29

Àwà ye ba à tɔ̀ ci à tereòn, y'a tɔ̀ sa ci mòò o moò terenbee shi jiɛ, tɔ kere boo à re.

Yùxanà jɔ̀naà 2:3

Mìn ba à dzugooma xɔù rèè màr'la, m'à tɔ̀ tɔ̀ rii ɲàn, ci mùn y'a tɔ̀.

Yùxanà jɔ̀naà 2:4

Mòò riì ci wò y'a tɔ̀, à to na à dzugooma xɔù rèè màr'la waa, tɔ doodebaa, sààbeen to na ni à ɲan waa.

Yùxanà jɔ̀naà 2:7

N ne kɛ̀niunma rèè, mun na dzugooma xɔù yeu sɛbɛn siàn ye ra waa, ŋà à bɔrɔɔ rii, nìi na ni ye re fɔ dan. Tɔ̀ dzugooma xɔù bɔrɔɔ, tɔ̀ rii yɛ, ye gooma niì myɛ̀un.

Yùxanà jɔ̀naà 3:9

Mòò o moò kere bou Ŋaablà re, tɔ̀ na gooɲaan faa waa, kàtsu Ŋaablà re gètsua ni à ɲan. À na dzia gooɲaan fa waa kàtsu à kere boo Ŋaablà re.

Yùxanà jɔ̀naà 4:11

Mun ne kɛ̀niunma rèè, Ŋaablà ye ba mùn kɛ̀niun tɔ̀ tsuru, à wù mùn sa yeè e si kɛ̀n !

Yùxanà jɔ̀naà 4:12

Mòò pɛn jaa na ɲɛn ja Ŋaablà ma ŋe waa. Mìn ba e si kɛ̀niɔ̀n, tɔ̀ y'a kpàdèe ci Ŋaabla ni mùn ɲan, à re kɛ̀nbààbee dzii to tsyɛɔ̀n mùn ɲan.

Yùxanà jɔ̀naà 4:16

Nìi ɲe, kɛ̀nbààbe riì ni Ŋaablà ɲan ɲe kàjaa tsɛ, ɲe tɔ̀ tɔ̀, ɲe to yè bà ɲɛɔ̀n à ra. Ŋaabla kɛ̀nbààbe rii. Kɛ̀nbààbe ni mòò riì ɲàn, tɔ ni Ŋaablà ɲan, Ŋaablà sa yeè bà ni à ɲan.

Yùxanà jɔ̀naà 4:20

Mòò ye dzin ci wo Ŋaablà kɛniɔ̀n, tɔ̀ to y'à tàrà è neemasia kpɛynbee, à doodebaa. È ɲɛn à tsɛ, è neemasi riì jàa à na tɔ̀ kɛ̀niɔ̀n waa, à na Ŋaablà riì jàa, à dzia tɔ̀ kɛ̀n dzùrù ?

Yùxanà jɔ̀naà 4:8

Kɛ̀nbààbe na ni mòò riì ɲàn, tɔ̀ na Ŋaablà tɔ waa, kàtsu Ŋaabla kɛ̀nbààbe rii.

Yùxanà jɔ̀naà 5:1

Mòò o moò ɲɛɛn à ra ci Yesù Ŋaablà Jaara Modzìàn, tɔ kere boo Ŋaablà re. Mòò o moò to dzin faà kɛ̀ɛn, tɔ dziàn sa kɛɛn.

Yùxanà fiiraa 1:5

Àwà naà, mun nìi gaa wo re dòònuùn, tɔ̀ rii yɛ ci mùn ye e si kɛ̀n. Mun tɔ̀ niì sɛbɛn kaà wo re, tɔ̀ na dzugooma xɔù yeu waa, ŋà mùn nìi tàrau fɔ dan.