Yùxanà jɔ̀naà 4:21 - Bible Dzùùngoo Unicode

²¹ Mùn dzugooma xɔù rìi tàrau è bo Kirisà rè, tɔ̀ rii siin: Mòò riì ye Ŋaablà kɛn, è neemasia sa kɛn.

Yùxanà jɔ̀naà 4:21 ပူးပေါင်းရင်းမြစ်များ

Matsiyù 5:43

Àwà, y'a myɛ̀un, ci à dèu ci: "A naà a wuɔ kɛ̀n, a ɲaàn goo xɔbe a ma."

Lukì 10:37

Tɔ̀un, Sàrìyà Kaamoo yè dzin Yesù rà ci: «Nìi wùbeu à mà, tɔ̀ rii y'à mòdzìnsia.» Yesù sa yeè dzin à ra ci: «Cɔ, à wù wo sa yeè tɔ̀ soo rìì fa.»

Yùxanà 15:12

Mun nà n dzugooma xɔù nìì reè dè ye ra, tɔ̀ rii siin: Mun ye kɛ̀niun nìi tsuru, e sa yeè e si kɛ̀n tɔ̀ tsuru.

Galatsika reè 5:14

È ɲɛn à tsɛ, sàrìyaa ko e kuru dzii tsyɛɔ̀n nèe gooma ree ɲan: «A modzìnsia kɛ̀n jàci a yɛr'la.»

Galatsika reè 5:6

Àwà Kirisà ɲàn, a shɛun o, a na shɛn ò, nàfa na ni tɔ̀ pɛn ɲan waa. Ŋà nàfa ni nìi ɲàn, tɔ̀ rii yɛ, ɲɛyna nìi faagoò faa kɛ̀nbààbee baraka ɲan.

Tesalonikika reè jɔ̀naà 4:9

Àwà nìi neemasia kɛ̀nbààbee, à na wɔɔ̀ mòò yè sɛbɛn ka ye re tɔ̀ ra dɛ, kàtsu ye yè e si kɛ̀n, ye yɛ̀r'leè tɔ̀ kàraun Ŋaabla re.

Piyɛrì jɔ̀naà 3:8

Àwà tà sapɛ shɔùn, e sapɛ yeè byɛ̀n soo ma, ye e taa to e si re, ye si kɛ̀n neemabe doùn, ye màtsuru e si ra, ye e majàà e si re.

Piyɛrì jɔ̀naà 4:8

Goò sapɛ jɔun, ye e si kɛ̀n cɛyn. È ɲɛn à tsɛ, kɛ̀nbààbee saabu ɲan, gooɲaantsii gir'lì mɛɛ̀.

Yùxanà jɔ̀naà 2:7

N ne kɛ̀niunma rèè, mun na dzugooma xɔù yeu sɛbɛn siàn ye ra waa, ŋà à bɔrɔɔ rii, nìi na ni ye re fɔ dan. Tɔ̀ dzugooma xɔù bɔrɔɔ, tɔ̀ rii yɛ, ye gooma niì myɛ̀un.

Yùxanà jɔ̀naà 3:11

È ɲɛn à tsɛ ye nìi myɛ̀un fɔ dan, tɔ̀ rii yɛ ci mìn si kɛ̀n.

Yùxanà jɔ̀naà 3:14

Ɲe y'à tɔ̀ ci ɲe bou saàn ɲàn, ɲe yè dɔ̀n jaamabee ɲàn, è ɲɛn à tsɛ, ɲe yè e neema reè kɛ̀niɔ̀n. Mòò riì na e neemaa kɛ̀niɔ̀n waa, tɔ ni saàn ɲàn.

Yùxanà jɔ̀naà 3:18

Dziniin ì, n mà kɛ̀nbààbee fa dziira goòmàà ko nɛɛ̀n bàsɔùn ka waa, ŋà faadziɛ ko sààbeen.

Yùxanà jɔ̀naà 3:23

À dzugooma xɔɔ̀ rìì yɛ, mùn ye ɲɛn Yesù Kirisà tsoò rà, à Dzin Kpir'la, tà ko mùn yeè e si kɛ̀n a ci à y'à dèu mùn na nìi tsuru.

Yùxanà jɔ̀naà 4:11

Mun ne kɛ̀niunma rèè, Ŋaablà ye ba mùn kɛ̀niun tɔ̀ tsuru, à wù mùn sa yeè e si kɛ̀n !