Yùxanà jɔ̀naà 4:15 - Bible Dzùùngoo Unicode

¹⁵ Mòo o moò dziàn ci Yesù Ŋaablà Dzin Kpiri, Ŋaabla ni tɔ̀ ɲan, à sa yeè bà ni Ŋaablà ɲan.

Yùxanà jɔ̀naà 4:15 ပူးပေါင်းရင်းမြစ်များ

Matsiyù 10:32

Àwà mòò o moò ye e tsiì è dzin mòdzian jaa ra ci wo mun naa, mun sa nà n tsiì, min dzin n Fa Ŋaablà jaa ra, tɔ̀ riì ni jìrànxɔ rɔ̀n, ci mun tɔ̀ tsìfa raa.

Lukì 12:8

Tà shɔ̀ùn, Yesù yè dzin sa ci: «Mun nì ci e ra, mòò o moò ye e tsiì, è dzin mòdzian jaa ra, ci wo mun naa, Adamà dziàn sa nà e tsiì, è dzin Ŋaablà re mɛ̀rɛ̀kɛ rèè jaa ra, ci wo tɔ̀ tsìfa raa.

Yùxanà 6:56

Mòò riì ye mun gɔɔ̀n shuà ɲɔn, è mun tsìɛn mìn, tɔ̀ tsìfa bàu ni tsuù mun ɲan, mun sa yeè bà ni tsuù à ɲan.

Kɛɛradzin neè faadziɛ 8:37

[Fìlipù yè dzin à ra ci: «Wo ye ba ɲɛɔ̀n Ŋaablà ra duungoo soo ka, wo jaara dzia fòò.» Etsiyopika kpir'là yè dzin ci: «Ɔ̀ɔn, mun ɲɛɔ̀n à ra, ci Yesù rìì Ŋaablà Dzin Kpir'la.»]

Ɔ̀rɔ̀mùnka reè 10:9

Tà doùn, wo ye dzi à dè a dziira, ci Yesù rìì Tsìfaà, wo yè ɲɛn à ra taki ci Ŋaablà y'a sèè kpunan bou fùn nèè fi, wo nà tsi.

Filipika reè 2:11

Nɛɛ̀n sapɛ to y'à dè, ci Yesù Kirisà rìì Tsìfaà, è nɔɔrɔ ɲɛn Fà Ŋaablà tsɛ.

Yùxanà jɔ̀naà 2:23

Mòò riì yè e nɔɔn Dzin Kpirimaa rè, tɔ̀ na Fàmaa tsu taraɔ̀ waa. Mòò riì to yè e tsiɛ Dzin Kpirimaa nà, tɔ Fàmaa sa taraɔ̀.

Yùxanà jɔ̀naà 2:24

Nìi ye, e nìi myɛ̀un fɔ à dziikunma nɔ̀n, tɔ̀ yeè to e ɲan. Ye nìi myɛ̀un fɔ à dziikunma nɔ̀n, tɔ̀ ye to ye ɲan, ye sa nà to Dzin Kpir'la ko Fàà sa ɲan.

Yùxanà jɔ̀naà 3:23

À dzugooma xɔɔ̀ rìì yɛ, mùn ye ɲɛn Yesù Kirisà tsoò rà, à Dzin Kpir'la, tà ko mùn yeè e si kɛ̀n a ci à y'à dèu mùn na nìi tsuru.

Yùxanà jɔ̀naà 3:24

Mòò riì y'à dzugooma xɔù rèè màr'la, tɔ ni à ɲan, è bà ni tɔ̀ ɲan. M'à tɔ̀ nìi rà ci à ni mùn ɲan, tɔ̀ rii yɛ, è re Dzi riì sìun mùn na.

Yùxanà jɔ̀naà 4:12

Mòò pɛn jaa na ɲɛn ja Ŋaablà ma ŋe waa. Mìn ba e si kɛ̀niɔ̀n, tɔ̀ y'a kpàdèe ci Ŋaabla ni mùn ɲan, à re kɛ̀nbààbee dzii to tsyɛɔ̀n mùn ɲan.

Yùxanà jɔ̀naà 4:2

Ŋaablà raa Dzia tɔ̀ɔ nìi rà, tɔ̀ rii siin: Dzi o dzi dziàn ci Yesù Kirisà nàu gɔɔ̀n ɲàn, tɔ boo Ŋaablà ɲan.

Yùxanà jɔ̀naà 5:1

Mòò o moò ɲɛɛn à ra ci Yesù Ŋaablà Jaara Modzìàn, tɔ kere boo Ŋaablà re. Mòò o moò to dzin faà kɛ̀ɛn, tɔ dziàn sa kɛɛn.

Yùxanà jɔ̀naà 5:5

Tsì rii dzi taraɔ̀ dziɲaan tsɛ ? Mòò riì ɲɛɔ̀n à ra, ci Yesù Ŋaablà Dzin Kpiri, tɔ tɔ̀ rii.

Yùxanà fiiraa 1:7

Àwà sànfiribaa giri boo dziɲaan doùn, nìì reè na e tsiɛ à ra ci Yesù Kirisà nàu gɔɔ̀n ɲàn waa. Twɛy rìì kir'là sànfiribaà, ko Kirisà ɲaàn.