Yùxanà jɔ̀naà 4:12 - Bible Dzùùngoo Unicode

¹² Mòò pɛn jaa na ɲɛn ja Ŋaablà ma ŋe waa. Mìn ba e si kɛ̀niɔ̀n, tɔ̀ y'a kpàdèe ci Ŋaabla ni mùn ɲan, à re kɛ̀nbààbee dzii to tsyɛɔ̀n mùn ɲan.

Yùxanà jɔ̀naà 4:12 ပူးပေါင်းရင်းမြစ်များ

Yùxanà 1:18

Mòò pɛn jaa na ɲɛn ja Ŋaablà ma ŋe waa. Ŋà, dzin kpiri soo riì bou Ŋaablà ɲan, à Ŋaablà, è bà ni tsuù Fà Ŋaablà tɛyn, tɔ̀ y'a tou mùn y'a tɔ̀.

Korɛntsika reè jɔ̀naà 13:13

Arì she, nèe gè zhììgi ree ni tsuù: ɲɛynaà, ko sixɔbemaà, ko kɛ̀nbààbee. Ŋà è sapɛ ɲan blàa, tɔ kɛ̀nbààbee rìì.

Tsìmotè jɔ̀naà 1:17

Màsa riì ni tsuù kudɛyn, à na saàn, à na jaà, Ŋaablà soo pee, arì she, blàbee ko nɔɔrɔɔ̀, tɔ̀ yeè ɲɛn à tsɛ, waatsi sen ɲɛn waatsi tsɛ ! Àmiinà !

Tsìmotè jɔ̀naà 6:16

Wò rii soo pe na saàn waa, è bà ni vyevyee ɲan, mòo na dzia e kpɛrɛ̀ nìi rà. Mòò pɛn na à jà jà ŋe, mòò to na dzia à jà. Arì she, blàbee ko dzibaabe dobɛɛ yè bà à raa ! Àmiinà !

Dzyèèsìbee mòdzin neè 11:27

Musà ɲɛunmaà kamà Ŋaablà ra, à bou Misiran jamaan doùn, è dɔ̀n be, arì à na shi siin màsà kpir'là rè vununta brìsià jɔun waa. Mòò na Ŋaablà riì jàa waa, à tou e ŋɛnɛ̀ɲaan tsɛ, a ci à tɔ̀ jàa rìì.

Yùxanà jɔ̀naà 2:5

Ŋà mòò riì y'à re goomaa màr'la, à re kɛ̀nbààbee dziitsyɛunmaà ni tɔ̀ ɲan taki. M'à tɔ̀ tɔ̀ rii ɲàn, ci mùn ni à ɲan.

Yùxanà jɔ̀naà 3:24

Mòò riì y'à dzugooma xɔù rèè màr'la, tɔ ni à ɲan, è bà ni tɔ̀ ɲan. M'à tɔ̀ nìi rà ci à ni mùn ɲan, tɔ̀ rii yɛ, è re Dzi riì sìun mùn na.

Yùxanà jɔ̀naà 4:16

Nìi ɲe, kɛ̀nbààbe riì ni Ŋaablà ɲan ɲe kàjaa tsɛ, ɲe tɔ̀ tɔ̀, ɲe to yè bà ɲɛɔ̀n à ra. Ŋaabla kɛ̀nbààbe rii. Kɛ̀nbààbe ni mòò riì ɲàn, tɔ ni Ŋaablà ɲan, Ŋaablà sa yeè bà ni à ɲan.

Yùxanà jɔ̀naà 4:20

Mòò ye dzin ci wo Ŋaablà kɛniɔ̀n, tɔ̀ to y'à tàrà è neemasia kpɛynbee, à doodebaa. È ɲɛn à tsɛ, è neemasi riì jàa à na tɔ̀ kɛ̀niɔ̀n waa, à na Ŋaablà riì jàa, à dzia tɔ̀ kɛ̀n dzùrù ?

Yùxanà jɔ̀naà 4:6

Nìi kpɛ̀yn ɲe, ɲe Ŋaablà raa ì. Mòò riì Ŋaablà tɔ, tɔ ɲe lamyɛɛ̀n. Ŋà mòò riì na à raa waa, tɔ̀ na ɲe lamyɛɛ̀n waa. Ɲe sààbeen dzia ko sànfir'la dzia tɔ̀ boò e si ɲan tɔ̀ rii tsuru.