Yùxanà jɔ̀naà 4:10 - Bible Dzùùngoo Unicode

¹⁰ Kɛ̀nbààbee rìì siin nèe: À na ni a ci ɲe rìì Ŋaablà kɛniun dɛ, ŋà wò rii ɲe kɛ̀niun, nìi yɛ è Dzin Kpir'la sìun saaka, è bà ni ɲe re gooɲaantsiɛ mɛɛy bo ɲe vu ra.

Yùxanà jɔ̀naà 4:10 ပူးပေါင်းရင်းမြစ်များ

Yùxanà 13:34

Mun nà dzugooma xɔù yeu de ye ra nìi yɛ ci: Ye e si kɛ̀n. Mun ye kɛ̀niun kɛ̀nìùn'n kur'liì rà, e sa yeè e si kɛ̀n tɔ̀ tsuru.

Yùxanà 15:16

E maà à ji e duùn, ci ye rìì mun boo e jaa ra dɛ. À na tɔ̀ tsuru waa, ŋà, mun nì ye boo n jaa ra. Mun tɔ̀ fau nì, sànko, min ye ka bè Ŋaablà re faagoò rà, faagoo nìi nàfa na do jàa waa. Tà tsuru, ye nà gè o ge gaa Fà Ŋaablà re mun tsoo ka, à nà tɔ̀ sìn ye ra.

Yùxanà 3:16

Ɔ̀ɔn, Ŋaabla dziɲan modzian kɛ̀niun, à yè è kɛ̀n, fɔ è Dzin Kpiri soo sìn saaka, sànko mòò o moò ye ɲɛn tɔ̀ ra, tɔ̀ tsìfa mà bara waa, ŋà, è jaamabe dziù dòbɛɛ tàrà.»

Yùxanà 6:51

Ɲwɛyn ge jaama niì boo jìran nɔ̀n, tɔ mun gɔɔ̀n rìì. Mòò riì ye tɔ̀ ɲwɛyn geè sɔn ɲɔn, tɔ nà to tsùù jaamabee rà kudɛyn. Mun nà ɲwɛyn ge nìi sìn, tɔ mun gɔɔ̀n rìì. À sìn kuàn nì, è jaamabee sìn dziɲantsiɛ mòdzian sapɛ ra.»

Dzyèèsìbee mòdzin neè 2:17

Tɔ̀ rii kamà, à na wù, è bà e neema reè tsuru mòdzin kàjaa sapɛ tsɛ, sànko, è bà Saaka Jɔundzin, wùù ni nìi ɲàn, è bà vusootsi Ŋaablà re faagoò doùn. Tɔ̀ na wù è fa, sànko è mòdzian rè gooɲaantsii reè bo è vu ra.

Piyɛrì jɔ̀naà 2:24

À yɛ̀r'la ɲe re gooɲaantsiɛ seun gbaàn gɔɔ̀ rà e gɔɔ̀n ɲàn, gè rii n'a to mùn saunmaà gooɲaan kàjaa tsɛ, mìn jaamabee fa terenbee kàjaa tsɛ. À màà ɲuun neè rìì saabu ɲan, ye cɛrɛmabeu.

Piyɛrì jɔ̀naà 3:18

Àwà Kirisà sa saun jaa soo pe gooɲaantsii reè kamà. Wò riì tereòn, à tɔ̀ fau terenbɛy reè tsɔ̀saan ɲàn, gè riì ni à to è ye wɔ Ŋaablà tsɛ. À saun gɔɔ̀n ɲàn, è sèè bà jaama Ŋaablà re Dzia baraka rɔ̀n.

Yùxanà jɔ̀naà 2:2

Wò rii bàu saaka, è mùn ne gooɲaantsiɛ mɛɛy bo mùn vu ra, à to na ɲe bàsɔùn waa, à dziɲantsiɛ sapɛ rii.

Yùxanà jɔ̀naà 3:1

À siin, Fà Ŋaabla ɲe kɛ̀niun kɛ̀nìùn'n kur'liì rà, è bè wɔ fɔ ɲe yè kiri à dzin ì ! Ɲe to tɔ̀ rii. Tɔ̀ rii kamà dziɲaan na ɲe tɔ̀ waa, kàtsu dziɲaan na à tsu tɔ waa.

Yùxanà jɔ̀naà 4:19

Nìi kpɛ̀yn ɲe, ɲe kɛ̀nbààbee shi jiɛ, kàtsu, wò rii jɔ̀na ɲe kɛ̀niun.

Yùxanà jɔ̀naà 5:11

Tɔ̀ shɛɛrɛbee rìì yɛ, ci Ŋaabla jaamabe dziù dòbɛɛ sìun mùn na, tɔ̀ jaamabee to ni à Dzin Kpir'la rìì ɲàn.