Yùxanà jɔ̀naà 4:1 - Bible Dzùùngoo Unicode

¹ Àwà mun ne kɛ̀niunma rèè, e maà ɲɛn dzia sapɛ ra waa, ŋà ye è ɲansiin nì, ye bà ni à tɔ̀, yè ba boo Ŋaablà ɲan. È ɲɛn à tsɛ kɛɛra doodebaa giri boo dziɲaan doùn.

Yùxanà jɔ̀naà 4:1 ပူးပေါင်းရင်းမြစ်များ

Marikì 13:21

Tà doùn, mòò ye dzin e ra ci: "Ŋaablà Jaara Modzìàn yɛ mìin", tàmafa "à yɛ nuu", e maà ɲɛn tɔ̀ ra waa.

Lukì 12:57

Goo nìì reè tereòn, feera ye jaa na ni twɛy rà ?

Lukì 21:8

Yesù yè dzin ci: «Ye e yɛrɛ kaàwɔ, e maà à to mòò yè e san fìrì waa. A y'a jà min tɔ̀ dè, mòò giri nà nà mun tsoo ka, yè nà dzin, ci ye rìì Ŋaablà Jaara Modzìàn, ci dziɲaan dò bwey to tsyɛnbeu. Ŋà, e maà e gban twɛy kpɛyn dɛ !

Kɛɛradzin neè faadziɛ 17:11

È bèu Dzyèèsìbee mòdzin niì reè jà mɔn, twɛy ka goo na dzi, è geren Tesalonikì wɔ̀ɔ̀ Dzyèèsìbee mòdzin neè raà tsɛ. Twɛy yè e tsiiŋ Ŋaablà re Goomaa nà taamadzibe ko duun fyɛ ka. Jisee sapɛ, twɛy mòdzin neè na Ŋaablà re Goomaa kìtaabuà dzii saàn, y'à siin Polì ì nìi dèe, è ba sààben taki.

Kɛɛradzin neè faadziɛ 20:29

M'a tɔ̀, ci mun ma ba ni waatsi riì bwèy dɛ, kparan ɲan ì tsuru mòdzin ì nà dɔ̀n ye fi, è to fa màtsuru sàà kur'là rà waa.

Korɛntsika reè jɔ̀naà 12:10

À kabagoo goo reè faa dzia sìan sɔn na, è kɛɛrabe gooma rèè dèè dzia sìn sɔn na. À dzi siàn sɔn na è dzi dzi reè tɔ̀ bo e si ɲan, è dzi sin sɔn na, è bà dzia kungoòmà kpɛrɛkuru ì dè. È dzi sin sɔn na kɔn, tɔ̀ yeè bà dzia kungoòmà kpɛrɛkuru ì dzuun de.

Korɛntsika reè jɔ̀naà 14:29

Nìì reè to kɛɛrabee faa, mòkun fii, zhììgi tsuru yè tɔ̀ kɛɛrabe goòmà rèè dè, dzyee rèè y'à ɲansiin.

Tesalonikika reè jɔ̀naà 5:20

E maà kɛɛrabe goòmà rèè ɲanfyanbe waa.

Tesalonikika reè jɔ̀naà 5:21

Ŋà, y'a sapɛ rii ɲansiin cɛyn, nìi wù, ye tɔ̀ kun gban gban.

Tesalonikika reè fiiraa 2:2

Goo sɔn pɛn mà e akiri tabe fu è shiɲaanbe ka e ra, ci Tsìfaà nà waatsi wɔu nòn waa. Kɛɛrabe goòmà màà tɔ̀ fa, gooma kpɛrɛ mà tɔ̀ fa, à to mà bà ci à sɛbɛn daunma è bo ɲe re waa.

Tsìmotè jɔ̀naà 4:1

Ŋaablà re Dzia y'à dè fyɛɛ̀ ci waatsi latan neè ɲan, swey nà sèè bo ɲɛynaà kpɛyn yè gban mòdzìn sànfir'leè, ko kwey kar'nèè kpɛyn.

Tsìmotè fiiraa 3:13

Ŋà nìi mòdzìn ɲan reè, ko mòdzìn sànfir'leè, twɛy nà bèe jɔun ɲaan faa rà, yè dzyee rèè sàn fìrì, è sa yeè bà mòdzin san fìriuma ì.

Piyɛrì fiiraa 2:1

Àwà kɛɛra doo de reè fùu Ŋaablà re mòò rèè fi nìì tsuru dan, tɔ̀ soo tsuru, kààmoo doo de reè sa nà fù ye fi, nìì reè nà karan ì dɔ̀n ye sàn dzuun, nìi reè doò, yè bà baragoò faa. À nà bè wɔ fɔ yè e nɔn Kùntsiɛ̀ rè, tɔ̀ niì yè è kùngɔ màbou, è to nà e bar'la jaa ka e yɛr'la tabe.

Yùxanà jɔ̀naà 2:18

Àwà dziniin ì, waatsi lataan wɔu. Y'a myɛun ci Kirisà ɲaàn nà nà, ŋà dòònuùn, Kirisà ɲan giri ni nòn. M'à tɔ̀ɔ tɔ̀ ra, ci waatsi lataan wɔu.

Yùxanà jɔ̀naà 2:7

N ne kɛ̀niunma rèè, mun na dzugooma xɔù yeu sɛbɛn siàn ye ra waa, ŋà à bɔrɔɔ rii, nìi na ni ye re fɔ dan. Tɔ̀ dzugooma xɔù bɔrɔɔ, tɔ̀ rii yɛ, ye gooma niì myɛ̀un.

Yùxanà fiiraa 1:7

Àwà sànfiribaa giri boo dziɲaan doùn, nìì reè na e tsiɛ à ra ci Yesù Kirisà nàu gɔɔ̀n ɲàn waa. Twɛy rìì kir'là sànfiribaà, ko Kirisà ɲaàn.

Yùxanà zhììgìraa 1:11

Mun ne kɛ̀niunmaà, maà gooɲaan shɔ̀ùnmìnàn waa, ŋà goowùɔ rìì shɔ̀ùnmìnàn. Mòò riì goowùɔ faa, tɔ Ŋaablà raa, ŋà mòò riì gooɲaan faa, tɔ̀ na Ŋaablà jaɔ̀ waa.

Goo kpàdèuma rèè 2:2

Mun wo faadziɛ tɔ̀, min bà wo re faagoo blàa ko wo re mɔ̀ɲɔɔn tɔ̀. M'a tɔ̀ ci wo na mòdzìn ɲan reè raa goò kuà waa. Nìì reè ci ye kɛɛradzin, à to na tɔ̀ tsuru waa, wo twɛy dzuun bou, wo y'à jà ci è doodebaa ì.