Yùxanà jɔ̀naà 3:22 - Bible Dzùùngoo Unicode

²² Tà tsuru mìn gè o ge gaa à re, mùn tɔ̀ tàr'la, kàtsu mùn y'a dzugooma xɔù rèè màraɔ̀, mìn bà à dzibee goo reè faa.

Yùxanà jɔ̀naà 3:22 ပူးပေါင်းရင်းမြစ်များ

Matsiyù 17:5

Piyɛrì ni tɔ̀ goomaa nà, ŋaamunun den denkɔɔn sɔn yeè nà è tsyee, ciàn yè bà ni è tsɛ. Vu sɔn yeè bo ŋaamun'na ɲàn tɔ̀un, tɔ̀ yeè dzin ci: «Nèe mun Dzin Kpir'la rìì yɛ nèe, mun nìi kɛ̀niɔ̀n fɔ è bè geren, è bà dzibeu mun na. Ye e toro wɔ à re !»

Matsiyù 21:22

Àwà, gè o ge, ye y'a gaa màfyɛɛ̀n doùn ko ɲɛyna ka, ye nà à tàrà.»

Marikì 11:24

Tɔ̀ kamà, mun nì ci e ra, e naà gè o ge gaa Ŋaabla mafyɛɛ̀n doùn, ye ɲɛn à ra, ci ye tɔ̀ tàrau, tɔ nà fa e re.

Yùxanà 14:13

Ye to ye gè o ge gaa mun tsoo ka, mun nà tɔ̀ fa, sànko Fà Ŋaablà blabee yè kpàdè, è bo Dzin Kpirimaa ɲàn.

Yùxanà 15:10

Ye ye mun dzugooma xɔù rèè to e duùn, ye nà to tsùù mun ne kɛ̀nbààbee doùn, a ci mun yè n Fa Ŋaablà dzugooma xɔù rèè tou n duùn nìi tsuru, min bà ni tsuù à re kɛ̀nbààbee doùn.

Yùxanà 15:7

Ye ye to tsùù mun ɲan, mun ne gooma reè yè to tsùù ye ɲan, gè o ge ye e dzibe, y'a gaa, tɔ nà fa e re.

Yùxanà 6:29

Yesù yè dzin è ra ci: «Ŋaabla nìi màshua ye re, tɔ̀ rii yɛ, à mòò riì ka nau, ye yè ɲɛn tɔ̀ ra.»

Yùxanà 8:29

Nìi to mun ka naɔ, tɔ ni mun ka. À na mun soo too waa, kàtsu nìi dzi à ra, mun tɔ̀ rii faa kudɛyn.»

Yùxanà 9:31

Mùn sapɛ y'a tɔ̀, ci Ŋaablà na e toro wɔɔ gooɲaan fa reè rè waa. Ŋà, nìì reè rè blàbe n'a tsɛ, yè bà à sàɔ shi jiɛ, è toro wɔɔ̀ twɛy rìì lè.

Kɛɛradzin neè faadziɛ 17:30

Àwà, mòdzian twɛy goo nìì reè sapɛ fa dɔun, è to naà à tɔ̀ ye nìi faa waa, Ŋaablà na è kpɛyn kaà tɔ̀ pɛn ka dɛ. Ŋà dòònuùn, è bè min niì sapɛ, à y'à gaa mòdzian sapɛ re, yè sèè bo twɛy goo kaatsi rèè kpɛyn, yè e re jaamabee fau'n kur'la lakere.

Kɛɛradzin neè faadziɛ 20:21

Dzyèèsìbee mòdzin sen ɲɛn kun kpɛrɛ mòdzin ì tsɛ, min vu bou è sapɛ ra, n ci yè e re jaamabee fau'n kur'la lakere Ŋaablà ka, yè ɲɛn mùn Tsìfa Yesù rà.

Filipika reè 4:18

Mun gèè sapɛ tarau, fɔ mun jaa yè cɛn à ra. Ye gè o ge sìun Epaforodzitsì rà ci è nà sìn mun na, mun y'à sapɛ tarau. Mun jaa cɛun. À bàu a ci wushuna kinin dziù, è bà a ci saaka, Ŋaablà yeè e tsiiŋ nìi rà, è dzibe à ra.

Kolosika reè 1:10

Tà tsuru, e jiì saàn yè bà ni byɛn Tsìfaà sàɔ mà, e goo yè dzibe à ra kàjaa sapɛ tsɛ. E faadzii wuɔ yè dzin ì wɔ, ye bɔɔ bè jɔun Ŋaablà tɔɔ̀ ɲàn.

Dzyèèsìbee mòdzin neè 13:21

Ŋaa yè fààn sin mùn na, mìn dzi wùɔ fa, fau'n kur'la sapɛ ra, m'à sàɔ bo e shi tsɛ. Arì she, nìi dzi Ŋaablà ra, à yè tɔ̀ fa mùn ɲan e Jaara Moo Yesù baraka rɔ̀n, blàbee tɔ̀ niì raa, waatsi sen ɲɛn waatsi tsɛ. Àmiinà !

Yàkubà 1:5

Akiriblabeè to ye e sɔn fɔn, à y'à gaa Ŋaablà re. À nà à sìn à tsìfa ra. À nà tɔ̀ fa, kàtsu Ŋaabla kaarià è mòdzian sapɛ kɔ, à na a sɔn dèe waa.

Yàkubà 4:3

Ye kɛ̀nsɛɛn y'a màfyɛ̀n, ye na à tàr'la waa, kàtsu à màfyɛ̀ùn'n kur'la na wù waa. À màfyɛ̀n kuàn nì yɛ, ye y'à ka e dzibee goo reè jaa bo.

Yàkubà 5:16

Tà doùn, ye e tsiì e re gooɲaan fauma rèè rà, y'a dè e si ra, ye Ŋaablà mafyɛ̀n e si kɔ̀, sànko ye cɛrɛmabe. Fàan ni mòdzin tereonmaà rè màfyɛɛ̀n ɲàn, fɔ è bè geren.

Yùxanà jɔ̀naà 2:3

Mìn ba à dzugooma xɔù rèè màr'la, m'à tɔ̀ tɔ̀ rii ɲàn, ci mùn y'a tɔ̀.

Yùxanà jɔ̀naà 5:14

Mùn si xɔ nìi tsɛ Ŋaablà kajaa tsɛ, tɔ̀ rii yɛ ci mùn ye gè gaa à re è kòrò à sàɔ ka, à mùn lamyɛɛ̀n.