Yùxanà jɔ̀naà 3:20 - Bible Dzùùngoo Unicode

²⁰ È ɲɛn à tsɛ, mùn dùsùkuan ye ba mùn jààkia, Ŋaabla blà mùn dùsùkuan mà, à to goo sapɛ tɔ.

Yùxanà jɔ̀naà 3:20 ပူးပေါင်းရင်းမြစ်များ

Yùxanà 21:17

Yesù y'à tey e jaa zhiigira ɲan kɔn ci: «Yùxanà dzin kpiri Shimɔ̀n, mun goò dzi wo ra ɔ ?» Tɔ̀ goò yè Piyɛrì taama ŋununbe, kàtsu, tɔ̀ na à jaa zhiigiraa rìì, Yesù y'à teè ci: «Mun goò dzi wo ra ɔ ?» Piyɛrì yè dzin à ra ci: «Tsìfaà, wo y'à sapɛ jaa tɔ̀. Wo y'à tɔ̀ cɔ, ci wo goò dzi mun na.» Yesù yè dzin à ra ci: «Tà doùn, n ne sàà rèè kɔ̀ ɲwɛyn.

Yùxanà 8:9

È dziu tɔ̀ goomaa myɛ̀n min niì, è sa yeè geren soo soo, è sen bɔɔ rèè rà, è bè suu fɔ bònè dzin neè rà. È to Yesù soo, taàn tsìiŋma ni à jaaterema.

Kɛɛradzin neè faadziɛ 5:33

Kitsi kunun kur'là mòdzin neè dziu tɔ̀ goomaa myɛ̀n min niì, è vunun yè ta cèè fɔ è bè geren. È sào na ni à re, ye yè kɛɛradzin neè vu.

Ɔ̀rɔ̀mùnka reè 8:34

Tsì rii nà kitsi mɛɛy è tsɛ ? [Yesù] Kirisà rìì na san, è sèè kɔn è kpunan bo fùn nèè fi gbɛ ? Wò rii na tsùuŋnà Ŋaablà sirama si jaa rè, è bà ni màfyɛɛ̀n nà mùn ne o ?

Korɛntsika reè jɔ̀naà 4:4

Àwà mun akir'là kpɛ̀yn na mun jààkia kàjaa pɛn tsɛ waa tɔ sààben, ŋà tɔ̀ na à kpàdèe ci mun tereòn waa. Nìi mun kitsia, tɔ Tsìfaà rìì.

Tsitè 3:11

À tɔ̀ ci tɔ̀ mòdzìn kaatsià shia bàjiu, à ni gooɲaan nà, è bà kitsi mɛrɔɔn e yɛrɛ tsɛ.

Dzyèèsìbee mòdzin neè 4:13

Ŋaabla gè o ge ɲɛun, à jaà ni è sapɛ ra panparapa, è pɛn na mɛnɛɔn à mà waa. Mùn sapɛ nà bè e tsiì wò rii jaaterema, mìn kùn dey fa à ra.

Dzyèèsìbee mòdzin neè 6:13

Àwà, Ŋaabla làyiri sɔn sen dɔun Ibraximà rè. À ci e ye tɔ̀ làyir'là sen, è kɛrɔun e yɛr'la rìì là, kàtsu, gè na ni nìi blà à mà, è bà nà e kɛɛ̀y tɔ̀ ra waa.

Yùxanà jɔ̀naà 3:19

Mùn nà à tɔ̀ tɔ̀ rii tsuru ci mùn ni sààbeen tsɛ, mùn akiri to nà bà tsùuŋnà à bììn.

Yùxanà jɔ̀naà 3:21

Mun ne kɛ̀niunma rèè, mùn dùsùkuan ma ba mùn jààkia fyeu, mùn akiri tsùuŋma bàa ni Ŋaablà biìn.

Yùxanà jɔ̀naà 4:4

Nìi ye, dziniin ì, ye bàu Ŋaablà raa, ye to dzi tarau è tsɛ nòn, è ɲɛn à tsɛ nìi ni ye ɲan, tɔ vùn dziɲaan raà mà.

Goo kpàdèuma rèè 2:23

Mun nà à to à dzin nèè yè vu. Tà tsuru, ɲɛynamoo kur'lèè sapɛ nà à tɔ̀, ci mun nì mòdzian duungoo, ko è kɛ̀sɛmà rèè ɲansiɛ̀n, m'a tɔ̀. Mun to nà ye soo sookɔɔn sapɛ sarà, è kòrò ko ye faadziɛ ka.