Yùxanà jɔ̀naà 3:19 - Bible Dzùùngoo Unicode

¹⁹ Mùn nà à tɔ̀ tɔ̀ rii tsuru ci mùn ni sààbeen tsɛ, mùn akiri to nà bà tsùuŋnà à bììn.

Yùxanà jɔ̀naà 3:19 ပူးပေါင်းရင်းမြစ်များ

Yùxanà 13:35

Ye ye ba e si kɛ̀niɔ̀n, è sapɛ nà à tɔ̀ tɔ̀ rii là, ci ye mun ne kàràndzin ì.»

Yùxanà 18:37

Pilatsì y'à tey tɔ̀un ci: «Tà bwèy, wo màsa rii kɛ̀ ?» Yesù yè dzin à ra ci: «Wo rìì ci mun màsa. Mun kere kùàn nì, min nà dziɲaan doùn, min sààbeen dè. Sààbeen dzi mòò o moò rà, twɛy sapɛ yeè e toro wɔɔ̀ mun ne goomaa rè.»

Ɔ̀rɔ̀mùnka reè 4:21

À si na xɔ à tsɛ taki, ci Ŋaabla nìi làyiri seòn, à dzi ni à rà, à y'à bo e shi tsɛ.

Ɔ̀rɔ̀mùnka reè 8:38

Àwà mun ɲɛɔ̀n à ra, ci goo sɔn pɛn fa dzi ɲe vyɛ̀ bo Ŋaablà re kɛ̀nbààbee rà waa, à tɔ̀ niì kpàdèu Yesù Kirisà ɲàn, mùn Tsìfaà. Ɔ̀ɔn, a ci à saàn ò, jaamabee ò, mɛ̀rɛ̀kɛ rèè ò, kùntsii rèè ò, dòònuùn naa waatsia goo rèè ò, waatsi nakɔɔn raa rèè ò, dzitsi rèè ò, jìran nɔ̀n gè rèè ò, dzɔ̀nxɔɔ̀ dzuun naa rèè ò, gè ɲɛunma kpɛrɛ gè o ge, è pɛn fa dzi ɲe vyɛ̀ bo Ŋaablà re kɛ̀nbààbee rà waa.

Tsìmotè fiiraa 1:12

Twɛy goo rèè rìì kamà min bà byɛɛn. Ŋà tɔ̀ seey na ni mun na waa, è ɲɛn à tsɛ, m'a tɔ̀, mun ɲɛɔ̀n nìi rà. Mun si to xɔ à tsɛ, ci à nìi kɛ̀ɛ̀yfaɔ̀ mun mà, à dzi ni à ra è tɔ̀ màrà fɔ è bè suu jisee lataan dzu.

Dzyèèsìbee mòdzin neè 10:22

Tà sapɛ kamà, y'a to mùn yeè e kpɛrɛ̀ Ŋaablà ra ko duunfyɛ ka, mìn bà ɲɛɔ̀n à ra ɲɛun'n kur'la sapɛ ra, duungoo ɲaan sapɛ yeè fòò bo mùn duun, mùn màà yè fòò yu fɛnɛuma ka.

Dzyèèsìbee mòdzin neè 11:13

Àwà, Ŋaablà na nìi làyiri seòn twɛy mòdzin neè sapɛ re, è ɲɛunma tou Ŋaablà ra è bè suu fɔ è saàn dzu, è na tɔ̀ tàrà waa. È kpɛ̀ynto y'à goò jàu jeenà, y'à taamadzibe fa. Yè e tsiiŋ à ra, ci ye tɔnɔn nauma ì nì dzɔ̀nxɔɔ̀ tsɛ, ye to bèbaa ì rìì.

Yùxanà jɔ̀naà 1:8

Mìn dzin ci gooɲaantsii na ni mùn vu ra, mìn yɛrɛ maniɛ̀n, sààben to na ni mùn ɲan waa.

Yùxanà jɔ̀naà 2:21

Mun na nèe sɛbɛn nee sìn ye ra ci ye na sààbeen tɔ̀ dɛ, ŋà m'a sìun ye ra ci y'a tɔ̀ rii, ci doò pɛn to na dzia bo sààbeen ɲàn waa.

Yùxanà jɔ̀naà 3:14

Ɲe y'à tɔ̀ ci ɲe bou saàn ɲàn, ɲe yè dɔ̀n jaamabee ɲàn, è ɲɛn à tsɛ, ɲe yè e neema reè kɛ̀niɔ̀n. Mòò riì na e neemaa kɛ̀niɔ̀n waa, tɔ ni saàn ɲàn.

Yùxanà jɔ̀naà 3:20

È ɲɛn à tsɛ, mùn dùsùkuan ye ba mùn jààkia, Ŋaabla blà mùn dùsùkuan mà, à to goo sapɛ tɔ.

Yùxanà jɔ̀naà 3:21

Mun ne kɛ̀niunma rèè, mùn dùsùkuan ma ba mùn jààkia fyeu, mùn akiri tsùuŋma bàa ni Ŋaablà biìn.