Yùxanà jɔ̀naà 3:16 - Bible Dzùùngoo Unicode

¹⁶ Ɲe kɛ̀nbààbee tɔ̀ è ɲɛn nìi tsɛ, tɔ̀ rii siin: Kirisà yè e xɔɔn sìun ɲe kamà. Tà doùn, ɲe sa wù ɲe yè e xɔɔn sìn neema reè kamà.

Yùxanà jɔ̀naà 3:16 ပူးပေါင်းရင်းမြစ်များ

Matsiyù 20:28

Tà soo tsuru, Adamà dziàn na naɔ̀ ci mòò yè faagoo fa à re dɛ, ŋà à naɔ̀ nì ci è faagoo fa mòdzian rè. È xɔɔn sìn, à y'à ka mòò giri kùngɔ màbo.»

Yùxanà 10:11

Yesù yè dzin kɔn ci: «Mun nì dzwɛka kplatsuubaa wùɔ. Dzwɛka kplatsuubaa wùɔ yè e xɔɔn sìan e re sàà rèè kamà.

Yùxanà 10:15

Tɔ ni a ci Fà Ŋaablà mun tɔ̀ nìi tsuru, mun sa yeè bà à tɔ̀. Mun yè n xɔɔn sìan n ne sàà rèè kamà.

Yùxanà 13:34

Mun nà dzugooma xɔù yeu de ye ra nìi yɛ ci: Ye e si kɛ̀n. Mun ye kɛ̀niun kɛ̀nìùn'n kur'liì rà, e sa yeè e si kɛ̀n tɔ̀ tsuru.

Yùxanà 3:16

Ɔ̀ɔn, Ŋaabla dziɲan modzian kɛ̀niun, à yè è kɛ̀n, fɔ è Dzin Kpiri soo sìn saaka, sànko mòò o moò ye ɲɛn tɔ̀ ra, tɔ̀ tsìfa mà bara waa, ŋà, è jaamabe dziù dòbɛɛ tàrà.»

Kɛɛradzin neè faadziɛ 20:28

Tà doùn, ye e yɛrɛ kaàwɔ, ye Ŋaablà re sàà kur'là sa kaàwɔ, à re Dzi Fɛnɛɛ twɛy nìì reè kɛ̀ɛ̀yfau ye mà, ye yè bà è kààwɔbaa, ye yè è kuru kun. À yɛ̀r'la tsìɛn nì baraka ɲan, à yè è tàrà bàu e raa.

Ɔ̀rɔ̀mùnka reè 16:4

Ye tswɛ̀y sin è ra, è ɲɛn à tsɛ, yè e xɔɔn sìun, yè bà ni mun xɔɔn tsi. À na mun soo re tswɛ̀y sinkɔɔn è ra waa, kun kpɛrɛ mòdzin neè fi ɲɛynamoo kur'lèè sapɛ rii yè tswàa.

Ɔ̀rɔ̀mùnka reè 5:8

Ŋà Ŋaablà, tɔ mùn kɛ̀niɔ̀n nìi tsuru, à tɔ̀ kpàdèu mùn na. È ɲɛn à tsɛ, è mùn to gooɲaan ɲàn, Kirisà saun mùn kamà.

Korɛntsika reè fiiraa 4:12

Tà tsuru saàn ni faagoò rà ɲe ɲan, jaamabee yè bà ni faagoò rà ye ɲan.

Efɛsika reè 5:2

Ye e re jaamabee fa kɛ̀nbààbee tsɛ, a ci Kirisà sa mùn kɛ̀niun nìi tsuru, è yɛrɛ sin mùn kamà kwɛ̀yge ko saaka, nìi kinìn dzi Ŋaablà ra.

Efɛsika reè 5:25

Kpir'leè, ye e re tààn rèè kɛ̀n a ci Kirisà sa ɲɛynamoo kur'là kɛ̀niun nìi tsuru, è yɛrɛ sin à kamà.

Filipika reè 2:17

Ŋà, arì mun kɛ̀nsɛɛn ye ba nà kon a ci mììngè saaka rìì è ɲɛn ye re ɲɛynaà saakaà ko a faagoò tsɛ, mun taama dzi, mun taama to yè bà dzi ye sapɛ ka.

Filipika reè 2:30

È ɲɛn à tsɛ, Kirisà rè faagoò rìì kamà, à na gaa san. È xɔɔn sìun, gè riì ni à to ye fa ni dzi nìi fa mun ne waa, è tɔ̀ fa ye tsɔ̀saan ɲàn.

Tesalonikika reè jɔ̀naà 2:8

ye goojaa na ni ɲe vunun tsɛ tà tsuru. À na ni niu'n kur'la, fɔ ɲe naà n'a re ɲe yè dàn Ŋaablà re Kùnàgoo Dziɔ̀ bàsɔùn dèè mà ye ra waa, ŋà ɲe yè e re jaamabee sìn sìùn'n kur'la sapɛ ra ye kamà, kàtsu ɲe ye kɛ̀niun fɔ è be geren.

Tsitè 2:13

Mìn tɔ̀ fa, mùn si xɔ nìi tsɛ, mìn bà ni tɔ̀ goo blàa màshua rà, ko mùn Tsibaa Yesù Kirisà, mùn ne Ŋaablà blaa nɔɔrɔ nìi nà kpàdè.

Piyɛrì jɔ̀naà 1:18

Y'a tɔ̀ ci ye jaamabee fau'n kuru nafà bɛy riì seun shɛn e fa rèè rè, ye kùngɔ mà na bo tɔ suun gè bar'lama ì ka nìi yɛ war'là ko sɛn'na waa.

Piyɛrì jɔ̀naà 2:24

À yɛ̀r'la ɲe re gooɲaantsiɛ seun gbaàn gɔɔ̀ rà e gɔɔ̀n ɲàn, gè rii n'a to mùn saunmaà gooɲaan kàjaa tsɛ, mìn jaamabee fa terenbee kàjaa tsɛ. À màà ɲuun neè rìì saabu ɲan, ye cɛrɛmabeu.

Piyɛrì jɔ̀naà 3:18

Àwà Kirisà sa saun jaa soo pe gooɲaantsii reè kamà. Wò riì tereòn, à tɔ̀ fau terenbɛy reè tsɔ̀saan ɲàn, gè riì ni à to è ye wɔ Ŋaablà tsɛ. À saun gɔɔ̀n ɲàn, è sèè bà jaama Ŋaablà re Dzia baraka rɔ̀n.

Yùxanà jɔ̀naà 2:6

Mòò riì ci wo ni Kirisà ɲàn, à wù à sa yeè jìì, a ci Kirisà jìiŋ nìi tsuru.

Yùxanà jɔ̀naà 2:9

Mòò riì ci wo ni vyevyeè ɲàn, tɔ̀ to y'à tàrà è neemaa kpɛynbee, tɔ ni tsitsiɛ̀ ɲàn arì she.

Goo kpàdèuma rèè 1:5

ko Yesù Kirisà, Shɛɛrɛ vusootsià, fùn jɔna kpunaunmaà, dzɔ̀nxɔɔ̀ tsɛ màsa reè raa Màsaa, twɛy sa yeè tɔ̀ fa e re. Àwà, Ŋaablà Jaara Moo Yesù rìi mùn kɛ̀niɔ̀n, è bà mùn tsi bou e re gooɲaantsiɛ ɲàn e tsiɛn baraka rɔ̀n,

Goo kpàdèuma rèè 5:9

È na ye yeu sɔn cee ci: «Ɔ̀ɔn, wo rìì dzia sɛbɛn nee tsi, wo y'à tàànmàshɛn neè waraka, kàtsu, wo vuu, wo yè bà saaka, mòdzin neè swey kùngɔ mà yè bo wo tsìɛn ka, yè bà Ŋaablà raa. Dziɲantsiɛ tsua sapɛ mòdzin ì ni è ɲan, kungoòmà rèè sapɛ modzin ì ni è ɲan, jàmàan rèè sapɛ modzin ì ni è ɲan, kuan sapɛ modzin ì yè bà ni è ɲan.