Yùxanà jɔ̀naà 3:14 - Bible Dzùùngoo Unicode

¹⁴ Ɲe y'à tɔ̀ ci ɲe bou saàn ɲàn, ɲe yè dɔ̀n jaamabee ɲàn, è ɲɛn à tsɛ, ɲe yè e neema reè kɛ̀niɔ̀n. Mòò riì na e neemaa kɛ̀niɔ̀n waa, tɔ ni saàn ɲàn.

Yùxanà jɔ̀naà 3:14 ပူးပေါင်းရင်းမြစ်များ

Matsiyù 25:40

Màsà kpir'là nà dzin è ra tɔ̀un ci: "Sààben na, mun nì ci e ra, ye twɛy tsuru fau mun neema kiɲaanin nèe rèè mòò sɔn ne min niì, ye y'à fau mun nì nè."

Lukì 15:24

Mun dzin nìi yɛ nèe, mun ne à na saɔn rìì, ŋà, dòònuùn, mun y'à jàu ci à sèè bàu jaama. À na fìriɔ̀, ŋà, à sèè jàu she." Tɔ̀un, è taama dzibeuma yè fù jaaravi brìsi re.

Lukì 15:32

Mun kpɛ̀yn jaa ra, à wù, mùn yeè jaaravi fa she, mìn taama dzibe. Wo tseyn kpir'liì yɛ nèe, à na saɔn rìì, ŋà, dòònuùn, à sèè bàu jaama. À na fìriunà, ŋà, à sèè jàu she."»

Lukì 7:5

À Dzyèèsìbee mòdzin neè kɛ̀n gereon. Wò rii y'à tou wɔ̀ rèe doùn ŋaablabegbaà yè ji.»

Yùxanà 13:35

Ye ye ba e si kɛ̀niɔ̀n, è sapɛ nà à tɔ̀ tɔ̀ rii là, ci ye mun ne kàràndzin ì.»

Yùxanà 15:12

Mun nà n dzugooma xɔù nìì reè dè ye ra, tɔ̀ rii siin: Mun ye kɛ̀niun nìi tsuru, e sa yeè e si kɛ̀n tɔ̀ tsuru.

Yùxanà 15:17

Tà doùn, mun ci ye yè nìi fa, tɔ̀ rii yɛ, ye e si kɛ̀n.»

Yùxanà 5:24

Sààben na, mun nì ci e ra, mòò o moò yè e toro wɔɔ̀ mun ne gooma reè rè, Fà rìi mun ka naɔ è ɲɛn tɔ̀ ra, tɔ̀ tsìfa jaamabe dziù dòbɛɛ tàrau. Kitsi fa kùnùn à tsìfa tsɛ dɛ, à to bou saàn ɲàn, è dɔ̀n jaamabee ɲàn nòn.

Korɛntsika reè fiiraa 5:1

Àwà m'à tɔ ci dzɔ̀nxɔɔ̀ tsɛ, mùn ni gɔɔ̀n ɲàn a ci gbà, nìi bar'la. Tɔ̀ to kɛ̀nsɛɛn ye bara, gba ni mùn ne jìrànxɔɔ̀ doùn, Ŋaabla nìi lamɔnɔɔ̀n è bà gbà, nìi na do jàa waa. Tɔ̀ na mòdzin ne si ka lamɔnɔunma waa.

Galatsika reè 5:22

Ŋà Ŋaablà re Dzia, tɔ̀ dziàn nì siin: Kɛ̀nbààbee, taamadzibeè, jaanciàn, mɔ̀ɲɔɔn, wùɔ, duunwubee, ɲɛynaà,

Efɛsika reè 1:15

Tɔ̀ kamà, ye ɲɛɔ̀n Tsìfa Yesù Kirisà rà ɲɛun'n kur'liì rà, ko ye Ŋaablà re mòò rèè sapɛ kɛniɔ̀n kɛ̀nìùn'n kur'liì rà, mun toro jiumaà tɔ̀ goomaa ɲàn,

Efɛsika reè 2:1

Àwà, è kòrò ye re fìrìgoo rèè ko ye re gooɲaan neè ka, ye na saɔn.

Efɛsika reè 2:5

Tɔ̀ kamà, ɲe nìì reè na saɔn è ɲɛn ɲe re fìrìgoo rèè tsɛ, à ɲe bàu jaama ko Kirisà ka. À ɲanwùɔ rìì baraka ɲan, ye tsiɔ.

Kolosika reè 1:4

È ɲɛn à tsɛ, ye ɲɛɔ̀n Yesù Kirisà rà ɲɛun'n kur'liì rà, ko ye Ŋaablà re mòò rèè sapɛ kɛniɔ̀n kɛ̀nìùn'n kur'liì rà, ɲe torò jiu tɔ̀ ɲan.

Tesalonikika reè jɔ̀naà 4:9

Àwà nìi neemasia kɛ̀nbààbee, à na wɔɔ̀ mòò yè sɛbɛn ka ye re tɔ̀ ra dɛ, kàtsu ye yè e si kɛ̀n, ye yɛ̀r'leè tɔ̀ kàraun Ŋaabla re.

Dzyèèsìbee mòdzin neè 13:1

Àwà, e re neemabee doùn, y'a to kɛ̀nbààbee yè bà ni e ko e si fi kudɛyn.

Piyɛrì jɔ̀naà 1:22

Àwà ye tsìiŋmaà sààbeen rà, tɔ ye dùsùkuan fyɛu, ye bà ni neema reè kɛ̀n ko duunfyɛ ka. Tà doùn, ye e si kɛ̀n ko e dusùkuan sapɛ ka.

Piyɛrì jɔ̀naà 3:8

Àwà tà sapɛ shɔùn, e sapɛ yeè byɛ̀n soo ma, ye e taa to e si re, ye si kɛ̀n neemabe doùn, ye màtsuru e si ra, ye e majàà e si re.

Piyɛrì fiiraa 1:7

ye neemabee bà Ŋaablà jɔun shiɲaanbeè tɛ̀y, ye kɛ̀nbààbee bà neemabee tɛ̀y.

Yùxanà jɔ̀naà 2:3

Mìn ba à dzugooma xɔù rèè màr'la, m'à tɔ̀ tɔ̀ rii ɲàn, ci mùn y'a tɔ̀.

Yùxanà jɔ̀naà 3:23

À dzugooma xɔɔ̀ rìì yɛ, mùn ye ɲɛn Yesù Kirisà tsoò rà, à Dzin Kpir'la, tà ko mùn yeè e si kɛ̀n a ci à y'à dèu mùn na nìi tsuru.

Yùxanà jɔ̀naà 4:12

Mòò pɛn jaa na ɲɛn ja Ŋaablà ma ŋe waa. Mìn ba e si kɛ̀niɔ̀n, tɔ̀ y'a kpàdèe ci Ŋaabla ni mùn ɲan, à re kɛ̀nbààbee dzii to tsyɛɔ̀n mùn ɲan.

Yùxanà jɔ̀naà 5:13

Ye nìì reè ɲɛun Ŋaablà Dzin Kpir'la tsoò rà, mun nèe sɛbɛn nee fa siɔ̀n ye ra, ye yè bà ni à tɔ̀ ci jaamabe dziù dòbɛɛ ni ye re.

Yùxanà jɔ̀naà 5:2

Mìn ba Ŋaablà kɛniɔ̀n, mìn bà à dzugooma xɔù rèè shi jiɛ, m'a tɔ̀ tɔ̀ rii là, ci mùn y'a dzin nèè kɛ̀niɔ̀n.