Yùxanà jɔ̀naà 3:10 - Bible Dzùùngoo Unicode

¹⁰ Nèe kàjaa ree rìì y'à toò Ŋaablà dzin nèè ko Sànwɔbaà dzin nèè yè tɔ̀ bo e si ɲan: mòò o moò na terenbee shi jiɛ, ko mòò o moò na e neemasia kɛ̀ɛn waa, tɔ̀ na Ŋaablà raa waa.

Yùxanà jɔ̀naà 3:10 ပူးပေါင်းရင်းမြစ်များ

Matsiyù 13:38

Dzùà, tɔ dziɲantsiɛ. Shìmàndzin wuɔ, tɔ Jìrànxɔɔ̀ Màsà ganee dzin nèè. Vun ɲaan, tɔ Sùtan'naa mòò rèè.

Lukì 6:35

È ba ye, ye e ɲan rèè kɛ̀n, ye goowùɔ fa. Ye tsìì wɔ mòò rà, e maà e ɲɛyn ji tsuù tɔ̀ tsɛ waa. E ye tɔ̀ fa, e naà bàràji bla tarà. Tɔ nà à kpàdè mòdzian nà sa, ci Ŋaablà riì ni jìran nɔ̀n, ye tɔ̀ dzin ì. Wò rii wù mùn sapɛ dzyeèmaa ka, goowuu tɔ bɛy sen ɲɛn mòdzìn ɲan tsɛ.

Yùxanà 1:12

Ŋà, swey yè e tsiiŋ à rà, yè ɲɛn à ra. Tà doùn, à y'à tou twɛy sapɛ yeè bà Ŋaablà dzin ì.

Yùxanà 11:52

À to fa san Dzyèèsìbee mòdzin neè tsua bàsɔùn kamà waa, ŋà, Ŋaablà dzin nìì reè jee jiɔ̀ min niì sapɛ, à nà twɛy sa dzyeè soo.

Yùxanà 8:44

Ye fàà rìì Sànwɔbaà, nìi to y'à sàɔ, ye sa sao ni, ye yè tɔ̀ rii fa. Sùtana, tɔ bàu vuifabaa fɔ goo rèè dzunjɔn bwèy, à na to sààbeen tsɛ waa, kàtsu, sààben soo, tɔ̀ na ni à ɲan waa. À ye ba doò dèe, à yɛ̀r'la juɔ nìi, à tɔ̀ rii dèe, kàtsu, à doodebaa, è ba doò fàà.

Yùxanà 8:47

Mòò riì Ŋaablà re mòdzin, tɔ̀ yeè e toro wɔɔ̀ Ŋaablà re goomaa rè, à y'à myɛ̀n. A y'a jà ye na tɔ̀ faa, ye na à re mòdzin ì nì waa.»

Kɛɛradzin neè faadziɛ 13:10

«Mòdzìn ɲan, nanmaramoo ! Sànwɔbaà dzin, goowuubarabaa. A fa mùn Tsìfaà rè shi tereonma rèè nwɛɛ̀n dziibà ɔ̀ ?

Ɔ̀rɔ̀mùnka reè 13:8

Mòò pɛn ne tsìi mà bà ni e ra, fɔ kɛ̀nbààbee tsìɛ̀ e ko e si fi, kàtsu, mòò riì dzyee rèè kɛ̀ɛn, tɔ sàrìyaa ko e kuru dzii tsyɛun.

Efɛsika reè 5:1

Tà doùn, Ŋaabla ye nìì reè kɛ̀niɔ̀n e dzin, ye bà à shɔ̀ùnminanbaa ì.

Kolosika reè 3:14

È geren tɔ̀ sapɛ tsɛ, ye kɛ̀nbààbee ji e ma, tɔ̀ niì ye shìù'n kuru wubee e si ra cɛyn.

Tsìmotè jɔ̀naà 1:5

Tɔ̀ goo dèumaà kùàn na pɛn waa, à kɛ̀nbààbee rìì, kɛ̀nbààbe riì ni duun fyɛ tsɛ, ko kɛ̀sɛmà wùù, ko ɲɛyna fyɛuma.

Yùxanà jɔ̀naà 2:29

Àwà ye ba à tɔ̀ ci à tereòn, y'a tɔ̀ sa ci mòò o moò terenbee shi jiɛ, tɔ kere boo à re.

Yùxanà jɔ̀naà 3:1

À siin, Fà Ŋaabla ɲe kɛ̀niun kɛ̀nìùn'n kur'liì rà, è bè wɔ fɔ ɲe yè kiri à dzin ì ! Ɲe to tɔ̀ rii. Tɔ̀ rii kamà dziɲaan na ɲe tɔ̀ waa, kàtsu dziɲaan na à tsu tɔ waa.

Yùxanà jɔ̀naà 3:2

Mun ne kɛ̀niunma rèè, ɲe kpɛ̀yn Ŋaablà dzin ì dòònuùn, ŋà ɲe nà nà bà nìi, tɔ̀ na kpadè ŋe waa. M'à tɔ̀ ci Kirisà ye na e kpadè, ɲe nà bà à bosi ì, kàtsu, ɲe nà à jà a ci à ni nìi tsuru.

Yùxanà jɔ̀naà 4:21

Mùn dzugooma xɔù rìi tàrau è bo Kirisà rè, tɔ̀ rii siin: Mòò riì ye Ŋaablà kɛn, è neemasia sa kɛn.

Yùxanà jɔ̀naà 4:6

Nìi kpɛ̀yn ɲe, ɲe Ŋaablà raa ì. Mòò riì Ŋaablà tɔ, tɔ ɲe lamyɛɛ̀n. Ŋà mòò riì na à raa waa, tɔ̀ na ɲe lamyɛɛ̀n waa. Ɲe sààbeen dzia ko sànfir'la dzia tɔ̀ boò e si ɲan tɔ̀ rii tsuru.

Yùxanà jɔ̀naà 4:8

Kɛ̀nbààbe na ni mòò riì ɲàn, tɔ̀ na Ŋaablà tɔ waa, kàtsu Ŋaabla kɛ̀nbààbe rii.

Yùxanà jɔ̀naà 5:19

Ɲe y'à tɔ̀ ci ɲe Ŋaablà raa, dziɲan ko e kur'la, tɔ̀ sapɛ ye bà ni Sùtana suun.

Yùxanà jɔ̀naà 5:2

Mìn ba Ŋaablà kɛniɔ̀n, mìn bà à dzugooma xɔù rèè shi jiɛ, m'a tɔ̀ tɔ̀ rii là, ci mùn y'a dzin nèè kɛ̀niɔ̀n.

Yùxanà zhììgìraa 1:11

Mun ne kɛ̀niunmaà, maà gooɲaan shɔ̀ùnmìnàn waa, ŋà goowùɔ rìì shɔ̀ùnmìnàn. Mòò riì goowùɔ faa, tɔ Ŋaablà raa, ŋà mòò riì gooɲaan faa, tɔ̀ na Ŋaablà jaɔ̀ waa.