Yùxanà jɔ̀naà 2:8 - Bible Dzùùngoo Unicode

⁸ Kàjaa sɔn tsɛ, à dzugooma xɔù yeu rii, mun nìi sɛbɛn siàn ye ra, è bà sààbèn goo Kirisà ko ye sa ɲan. È ɲɛn à tsɛ tsitsiɛ̀ dɔ̀n boò, vyevyee taki takìà yè bà deèn nòn.

Yùxanà jɔ̀naà 2:8 ပူးပေါင်းရင်းမြစ်များ

Matsiyù 4:16

mòdzin niì reè na tsùuŋnà tsitsiì rɔ̀n, twɛy vyevyee brìsi jàu. Nìì reè to na tsùuŋnà jàmaàn doùn, yè bà ni saàn tsitsiì rɔ̀n, vyevyee bou twɛy rè.»

Lukì 1:79

Tɔ nà fa, sànko nìì reè ni tsitsiì rɔ̀n, ko nìì reè ni saàn shiɲaanbeè ɲàn, twɛy yè dzi jɛ̀y fa. À nà ɲe jaa ji jaanciàn shia rà.»

Yùxanà 1:9

Vyevyee taki takìà tɔ̀ vyevyee soo rìì, nìi nàu dziɲantsiɛ doùn, è bà mòdzian sapɛ ɲan via.

Yùxanà 12:35

Yesù yè dzin è ra tɔ̀un ci: «Vyevyeè kpɛ̀yn ni ye fi ŋe, ŋà, tɔ̀ na waatsi gbaan goo dɛ. Vyevyeè ni waatsi riì bwèy, ye jìɛ̀ fa tɔ̀ bwèy, sànko, tsitsiɛ̀ mà nà bàràma e ɲan waa, kàtsu mòò riì jìɛ tsitsiɛ̀ ɲàn, tɔ̀ na à tɔ̀ wo bèe min niì waa.

Yùxanà 12:46

Mun naɔ̀ vyevyee rìì dziɲantsiɛ doùn, sànko mòò riì ye ɲɛn mun na, tɔ mà to tsùù tsitsiɛ̀ ɲàn waa.

Yùxanà 13:34

Mun nà dzugooma xɔù yeu de ye ra nìi yɛ ci: Ye e si kɛ̀n. Mun ye kɛ̀niun kɛ̀nìùn'n kur'liì rà, e sa yeè e si kɛ̀n tɔ̀ tsuru.

Yùxanà 8:12

Tà shɔ̀ùn, Yesù yè e vu bo jàmaà nà kɔn ci: «Mun nì dziɲantsiɛ vyevyeè, mòò riì ye e gban mun kpɛyn, tɔ̀ fa jìì tsitsiɛ̀ ɲàn dɛ, ŋà, à tsìfa nà jaamabee vyevyeè tàrà.»

Kɛɛradzin neè faadziɛ 17:30

Àwà, mòdzian twɛy goo nìì reè sapɛ fa dɔun, è to naà à tɔ̀ ye nìi faa waa, Ŋaablà na è kpɛyn kaà tɔ̀ pɛn ka dɛ. Ŋà dòònuùn, è bè min niì sapɛ, à y'à gaa mòdzian sapɛ re, yè sèè bo twɛy goo kaatsi rèè kpɛyn, yè e re jaamabee fau'n kur'la lakere.

Kɛɛradzin neè faadziɛ 26:18

Mun wo ka bèe è re, sànko wo yè bè è jaa dzii san, yè bo tsitsiì rɔ̀n, yè nà vyevyeè ɲàn. Sùtana fààn niì ɲinaɔn è mà, yè bo tɔ̀ ɲan, yè nà Ŋaablà ra, sànko yè ɲɛn mun na, è re gooɲaan tsìɛ̀ yè mɛɛy bo vu ra. Nìì reè to Ŋaablà raa, tɔ shɛn nìi kuru, è sa yeè tɔ̀ tàrà, nìi yɛ, yè bà Ŋaablà raa."»

Ɔ̀rɔ̀mùnka reè 13:12

Feèn gbànmaun, jisee yè bà tsyɛnbeò. Mìn tsitsii dzuun goo sapɛ bo e ra, mìn vyevyeè kaa faa gè rèè ji e ma.

Korɛntsika reè fiiraa 8:9

Mùn Tsìfa Yesù Kirisà yè e ɲanwùɔ kpàdèu nìi tsuru ye tɔ̀ tɔ̀. Tɔ̀ niì na gètsi, ye kamà, è bau gbakɔɔn gè rii ni à to ye yè bà gètsi à re gbaa saabu rɔ̀n.

Efɛsika reè 5:8

Dan, ye na ni tsitsiɛ̀ ɲàn, ŋà dòònuùn, Tsìfaà ɲàn, ye bàu ni vyevyeè ɲàn. Tà doùn, ye e re jaamabee fa a ci vyevyee dzin ì.

Tsìmotè fiiraa 1:10

Tɔ̀ wùù ree kpàdèu dòònuùn, mùn Tsibaa Yesù Kirisà rè e yɛrɛ kpadèumaà doùn. Wò rii saàn fààn barau, è vyevyeè bo jaamabee ko gè bara bɛɛ tsɛ, Kùnàgoo Dziɔ̀ baraka rɔ̀n.

Piyɛrì jɔ̀naà 1:21

Wò rii baraka ɲan, ye ɲɛɔ̀n Ŋaablà ra, wò riì y'à kpunan bou saàn ɲàn è nɔɔrɔɔ̀ sìn à ra, ye yè bà ni ɲɛn Ŋaablà ra, ye si yè bà xɔ à tsɛ.

Yùxanà jɔ̀naà 3:23

À dzugooma xɔɔ̀ rìì yɛ, mùn ye ɲɛn Yesù Kirisà tsoò rà, à Dzin Kpir'la, tà ko mùn yeè e si kɛ̀n a ci à y'à dèu mùn na nìi tsuru.

Yùxanà jɔ̀naà 4:11

Mun ne kɛ̀niunma rèè, Ŋaablà ye ba mùn kɛ̀niun tɔ̀ tsuru, à wù mùn sa yeè e si kɛ̀n !

Yùxanà jɔ̀naà 4:21

Mùn dzugooma xɔù rìi tàrau è bo Kirisà rè, tɔ̀ rii siin: Mòò riì ye Ŋaablà kɛn, è neemasia sa kɛn.