Yùxanà jɔ̀naà 2:5 - Bible Dzùùngoo Unicode

⁵ Ŋà mòò riì y'à re goomaa màr'la, à re kɛ̀nbààbee dziitsyɛunmaà ni tɔ̀ ɲan taki. M'à tɔ̀ tɔ̀ rii ɲàn, ci mùn ni à ɲan.

Yùxanà jɔ̀naà 2:5 ပူးပေါင်းရင်းမြစ်များ

Lukì 11:28

Yesù sa yeè dzin à ra tɔ̀un ci: «À kpɛ̀yn tɔ̀ tsuru, ŋà, nìì reè yè e toro wɔɔ̀ Ŋaablà re goomaa rè, y'à bo e shi tsɛ, twɛy rìì laa wùbeu Ŋaablà re è geren kɔn.»

Yùxanà 14:21

Mòò riì mun kɛ̀niɔ̀n, tɔ̀ rii mun dzugooma xɔù rèè toò e duùn, à yè è shi jiì. Mòò riì to mun kɛ̀niɔ̀n, mun Fà Ŋaablà sa nà tɔ̀ tsìfa kɛ̀n, mun nà à tsìfa kɛ̀n, mun yè n yɛrɛ kpadè à ra.»

Yùxanà 14:23

Yesù yè dzin à ra ci: «Mòò riì mun kɛ̀niɔ̀n, tɔ nà mun dzugoomaa to e duùn, à y'à shi jiì. Mun Fà Ŋaablà sa to nà à tsìfa kɛ̀n. Mun ko n Faà, ɲe fiɛ̀ sa nà nà à tsìfa mà, ɲe yè e tsuùma bo à re.

Yùxanà 15:5

Mun nì ɛ̀rɛ̀nzhɛ̀nkuà, ye yè bà à sààn neè. Mòò riì to tsùuŋnà mun ɲan, min bà ni à tsìfa ɲan, tɔ nà dzin cɛyn, kàtsu ye na dzia gèsɔn pɛn fa mun shɔ̀ùn waa.

Yùxanà 6:56

Mòò riì ye mun gɔɔ̀n shuà ɲɔn, è mun tsìɛn mìn, tɔ̀ tsìfa bàu ni tsuù mun ɲan, mun sa yeè bà ni tsuù à ɲan.

Ɔ̀rɔ̀mùnka reè 8:1

Dòònuùn kpɛ̀yn, nìì reè ni Yesù Kirisà ɲàn, kitsi pɛn na mɛɛ̀ twɛy tsɛ dɛ.

Korɛntsika reè jɔ̀naà 1:30

Ŋaabla rii baraka ɲan, ye ni Yesù Kirisà ɲàn, tɔ̀ niì bàu ɲe re akiritsifabe è bo Ŋaablà re, è bà ɲe re terenbe. À bàu ɲe fɛnɛbee ko ɲe kùngɔ̀ màboo saabu,

Korɛntsika reè fiiraa 5:17

Tà tsuru, mòdzian sɔn ye ba ni Kirisà ɲàn, à bàu gè ɲɛunma yeu. Goo bɔrɔɔ sapɛ dɔ̀n bou, goò sapɛ yeè siin è bà yeu.

Korɛntsika reè fiiraa 5:21

Kirisà na gooɲaan fa ja waa, ŋà mùn kamà, Ŋaabla gooɲaan ɲɛun à tsɛ, gè riì ni à to mìn bà mòdzin tereonma ì Ŋaablà re.

Yàkubà 2:22

W'a jàa kɛ̀, tɔ̀ raa ɲɛynaà ko à faadziɛ sa na ni faagoò rà esire. Faadziɛ rìì baraka ɲan, à re ɲɛynaà bàu goo dziitsyɛunma.

Yùxanà jɔ̀naà 3:24

Mòò riì y'à dzugooma xɔù rèè màr'la, tɔ ni à ɲan, è bà ni tɔ̀ ɲan. M'à tɔ̀ nìi rà ci à ni mùn ɲan, tɔ̀ rii yɛ, è re Dzi riì sìun mùn na.

Yùxanà jɔ̀naà 4:17

Nìi kɛ̀nbààbee bàa goo dziitsyɛunma ɲe ɲan, tɔ̀ rii yɛ ci kitsia sii sèè, ɲe akiri tsùuŋma nà bà ni, è ɲɛn à tsɛ, Yesù ni nìi tsuru, ɲe sa ni tɔ̀ rii tsuru dziɲan ree doùn.

Yùxanà jɔ̀naà 4:18

Shiɲaanbe na ni kɛ̀nbààbee ɲàn waa. Ŋà kɛ̀nbààbee dziitsyɛunmaà, tɔ shiɲaanbeè kaà rìì, kàtsu, shiɲaanbeè ye ba ni, tɔ byɛnbe kpadèe. Mòò riì shia, tɔ̀ dzii na tsyɛɔ̀n kɛ̀nbààbee ɲàn waa.

Yùxanà jɔ̀naà 5:2

Mìn ba Ŋaablà kɛniɔ̀n, mìn bà à dzugooma xɔù rèè shi jiɛ, m'a tɔ̀ tɔ̀ rii là, ci mùn y'a dzin nèè kɛ̀niɔ̀n.

Yùxanà jɔ̀naà 5:20

M'à tɔ̀ ci Ŋaablà Dzin Kpir'la nàu sa, è nà akiri sìn mùn na, mìn Ŋaablà takia tɔ̀. Mùn to ni Ŋaablà takia ɲàn, à Dzin Kpiri Yesù Kirisà baraka rɔ̀n. Wò rii Ŋaablà takia, ko jaamabe dziù dòbɛɛ.

Yùxanà fiiraa 1:6

Kɛ̀nbààbee rìì yɛ, mùn y'a dzugooma xɔù rèè shi jiì. Ye dzugooma xɔù rìi myɛ̀un fɔ dan, ye yè bà ni à shi jiì, tɔ tɔ̀ rii.

Goo kpàdèuma rèè 12:17

Kparan ɲaan vunun yè ta taàn kpɛyn tɔ̀un fɔ è bè geren. È bè taàn tsua dzyee rèè kpɛyn, è kaa fa ko twɛy ka, twɛy nìì reè Ŋaablà dzugooma xɔù rèè shi jiɛ, yè bà ni Yesù rè shɛɛrɛbee tsɛ.

Goo kpàdèuma rèè 14:12

Nèe nìi kpàdèe mìin, tɔ̀ rii yɛ Ŋaa re mòdzin neè yè e mɔnɲɔn. Ɔ̀ɔn, twɛy nìì reè Ŋaablà dzugooma xɔù rèè shi jiɛ, yè bà ɲɛɔ̀n Yesù rà.