Yùxanà jɔ̀naà 2:20 - Bible Dzùùngoo Unicode

²⁰ Ŋà nìi ye, ye Ŋaablà fɛnɛɛ rè Dzi fɛnɛɛ tàrau, twɛ̀ɛ yè bà ni ye sapɛ ɲan.

Yùxanà jɔ̀naà 2:20 ပူးပေါင်းရင်းမြစ်များ

Matsiyù 13:11

Yesù ci è ra ci: «Mun tɔ̀ faa, kàtsu e Ŋaablà re Màsàbee gòndoo tɔ̀, tɔ̀ twɛ̀ɛ siɔ̀n ye rìì là. Ŋà dzyee rèè, à na siɔ̀n twɛy rà waa.

Marikì 1:24

È dzin ci: «Nazarɛtsika kpiri Yesù, fee rìì ni mùn fi ? Wo naɔ̀ ɲe bar'li gbɛ ? Wo mòò riì kuru, mun y'à tɔ̀. Wo Ŋaablà re Mòdzìn fɛnɛ ka naumaà nì.»

Lukì 4:18

«Mùn Tsìfa Ŋaablà re Dzia ni mun ɲan. Tɔ̀ rii y'à to è mun bo, ci mun yè nà gbakɔɔn reè toro kɔ̀ Kùnàgoo Dziɔ̀ rà. À mun ka naɔ, ci min nà byɛnkɔɔn reè laba goòmà dè è ra, min jaana reè jaa dzii san goòmà dè twɛy rà, nìì reè xɔn bìiŋnà, min twɛy bo vi ra.

Lukì 4:34

«Nazarɛtsika kpiri Yesù, fee rìì ni mùn fi ? Wo naɔ̀ ɲe bar'li gbɛ ? Wo mòò riì kuru, mun y'à tɔ̀. Wo Ŋaablà re Mòdzìn fɛnɛ ka naumaà nì.»

Yùxanà 14:26

Ŋà, Fà Ŋaablà nà Dzwɛ̀mabaa nìi ka na mun tsoo ka, Ŋaablà re Dzi Fɛnɛɛ, tɔ nà ye kàràn goò sapɛ ra. Mun to nìi dèu ye ra, à nà ye taa to tɔ̀ re.

Yùxanà 16:13

Àwà, Ŋaablà re Dzi saàbèntsià ye na nà waatsi riì bwèy, à nà ye jaa ji sààbeen ko e kur'la sapɛ ra. À re goomaa pɛn na naà bo à yɛ̀r'la ɲàn waa. Ŋà, à nà bà nìi myɛɔ̀n, à nà tɔ̀ rii dè, è ye toro kɔ̀ goo nànàma rèè sa ra.

Kɛɛradzin neè faadziɛ 10:38

Ŋaablà to yè e re Dzi Fɛnɛɛ jàaŋ Nazarɛtsika kpiri Yesù tsɛ nìi tsuru, è fààn sin à ra, ye tɔ tɔ̀. Ye yè bà à tɔ̀ sa, ci Yesù fùu tɔ̀un, è tsyeeree beè jàmaàn min niì sapɛ, è goowùɔ fa beè. Sànwɔbaà byɛnbe jiɔ̀ nìì reè sapɛ tsɛ, è twɛy sa cɛrɛmabeè, kàtsu Ŋaablà na ni à re.

Kɛɛradzin neè faadziɛ 3:14

Ɔ̀ɔn, ye yè e nɔun mòdzìn fɛnɛ tereonmaà rè, ye y'à gaa ci yè mòdzìnvubaà rìì bo bàji.

Korɛntsika reè jɔ̀naà 2:15

Ŋaablà re Dzia ni mòò riì ɲàn, tɔ goò sapɛ tɔ bo e si ɲan, ŋà mòò pɛn na à raa rèè tɔ̀ bo e si ɲan waa.

Dzyèèsìbee mòdzin neè 1:9

Goo nìi tereòn, tɔ̀ rii dzi wo ra, gooɲaan yè bà xɔ wo mà. Tɔ̀ rii y'à to, Ŋaablà, wo re Ŋaabla wo bou e si, è ɲinin kon wo kùùn, wo yè bà blà a dzyeèsi rèè sapɛ ma, tɔ̀ yeè bà taamadzibe brìsi wo re.»

Dzyèèsìbee mòdzin neè 8:11

Sɔn yeè bà ni e fadzìnsi tàmafa e neema karàn è ɲan kɔn, ci è mun tɔ̀, tɔ gooma fa bà ni à ɲan dɛ, kàtsu mòdzin kiɲaanin sen ɲɛn modzin bla tsɛ, è sapɛ nà mun tɔ̀.

Yùxanà jɔ̀naà 2:27

Àwà nìi ye, ye Dzi niì tàrau è bo Kirisà rè, tɔ ni tsuù ye ɲan, à na wɔɔ̀ mòò yè ye kàràn dɛ. À na wɔɔ̀ mòò yè ye kàràn dɛ, è ɲɛn à tsɛ ye tɔ̀ Dzi riì tàrau, tɔ̀ ye kàr'na goò sapɛ ra. À re kàr'nà sààben, à na doò waa. Tà doùn ye to tsùù à ɲan, a ci à y'à kàraun ye ra nìi tsuru.

Yùxanà jɔ̀naà 4:13

M'à tɔ̀ nìi rà ci à ni mùn ɲan, mùn sa yeè bà ni à ɲan, tɔ̀ rii yɛ, è re Dzia sɔn siun mùn na.

Yudè 1:5

Àwà mun sào ni min ye taa to goo sɔn ne, ye to kɛ̀nsɛɛn ye ba à sapɛ tɔ nòn. Nìi yɛ, ci Tsìfaà rè e re mòò rèè tsi boumaà shɔ̀ùn Misiran jamaan doùn, nìì reè na ɲɛn à ra waa, à twɛy vuu.

Goo kpàdèuma rèè 3:7

Àwà, ɲɛynamoo kur'lìi ni Filadɛlifì wɔ̀ rɔ̀n, sɛbɛn ka tɔ̀ mɛ̀rɛ̀kɛɛ̀ rè, a dè ci: «Nìi fɛnɛɔ̀, è bà taki takià, màsà kpiri Dawudà rè nèèdzian ni nìi suun, à ye dziɛ̀ san mòò pɛn na dzia à tsyee, à to y'a tsyee, mòò pɛn na dzia à san, tɔ nìi dèe, tɔ̀ rii siin:

Goo kpàdèuma rèè 4:8

Tànman tsùnmɛn tsunmɛn ni gè ree reè soo sookɔɔn sapɛ re, jaadzin neè yè bà ni twɛy lagur'la min niì sapɛ, ko è dzuun. Ɲànwɔ na ni gè ree reè mà waa, feèn ko bwèè sa, è dziàn nì ci: «Mùn Tsìfa, Dzitsi Ŋaabla fɛnɛɔ̀, à fɛnɛɔ̀, à fɛnɛɔ̀. Wò rii na ni tsuù, à ni, è bà nàa.»