Yùxanà jɔ̀naà 2:19 - Bible Dzùùngoo Unicode

¹⁹ È bou ɲe fi, ŋà è naà ɲe kuru waa. Yè ba na ɲe kuru, è na nà to ɲe ka. Ŋà à faumaà tà tsuru, à kpàdè fyɛu, ci è pɛn na ɲe kuru waa.

Yùxanà jɔ̀naà 2:19 ပူးပေါင်းရင်းမြစ်များ

Matsiyù 24:24

E maà ɲɛn tɔ̀ ra waa, kàtsu doodebaa ì nà fù, ci ye rìì Ŋaablà Jaara Modzìàn, doodebaa ì yè fù, ci ye kɛɛra ì. È nà tàànmàshɛn bla bla ì, ko kabagoo goo ì fa, yè bà ni mòdzian sàn fìrì. Arì Ŋaabla nìì reè boo e jaara, yè ba na dzia twɛy sa san fìrì, è na nà tɔ̀ fa.

Marikì 13:22

E maà ɲɛn tɔ̀ ra waa, kàtsu doodebaa ì nà fù, ci ye rìì Ŋaablà Jaara modzìàn, doodebaa ì yè fù, ci ye kɛɛra ì. È nà tàànmàshɛn ì ko kabagoo goo ì fa, yè bà ni mòdzian sàn fìrì. Arì Ŋaabla nìì reè boo e jaara, yè ba na dzia twɛy sa san fìrì, è na nà tɔ̀ fa.

Lukì 8:13

Shìmàndzin neè tɔrɔnmàà bèu kòrò faa gane riì ka, mòdzin neè swey ni tɔ̀ faa ganee rìì tsuru. Yè e toro wɔɔ̀ Ŋaablà re Goomaa rè yè e tsiì à ra ko taamadzibe ka. Tɔ̀ to y'à tàrà à na dɔɔ̀n è ɲan cɛyn waa. È dzia ɲɛn Ŋaablà ra tà tsuru waatsi dɛɛnin bàsɔùn doùn. Ŋà, kùùngoo ye è ji nìi tsuru, tɔ̀ yeè è sèè bouma Ŋaablà kpɛyn.

Yùxanà 15:2

Sààn ge o ge ni mun na, è mà bà dzin wɔɔ̀, à twɛy sapɛ kunùn boò. Nìì reè to dzin wɔɔ̀, è twɛy kùùn baran, sànko yè dzin cɛyn.

Yùxanà 4:14

Ŋà, mun ye n naa yuà sìn mòò o moò rà, à y'à mìn, mìnoo na tɔ̀ tsìfa kun jàa dɛ. Mun nà yu rìi sìn à tsìfa ra, tɔ nà bà don kungɔ à ɲan, nìi biri boò è bè suu fɔ jaamabe dziù dòbɛɛ dzu.»

Kɛɛradzin neè faadziɛ 15:24

Ɲe y'à myɛ̀un, ci ɲe kòòsi kàràndzin neè swey bou ɲe re mìin nɔn, yè bè gooma ì dè ye ra, nìi ye akir'lèè gbiimaun, è ye bo e taa tsɛ. Tà to y'à tàrà, ɲe naà è kaɔ waa.

Kɛɛradzin neè faadziɛ 20:30

Arì ye ɲan, mòdzin ì nà jà, yè doò dèe, fɔ yè kàràndzin neè sàn fìrì, yè è gban e kpɛyn.

Ɔ̀rɔ̀mùnka reè 9:6

À na ni a ci Ŋaablà re goomaa nì bàu gè nàfà bɛy dɛ ! Ɔ̀ɔɔn ! Nìì reè sapɛ Isirayɛlì tsua mòdzin, twɛy sapɛ rii na Isirayɛlì waa !

Korɛntsika reè jɔ̀naà 11:19

Fɔ ye vu to yè tar'li, ɲɛynamoo dziitsyɛunma rèè yè bà ni kpadè ye fi.

Tsìmotè fiiraa 2:10

Tɔ̀ rii y'à to mun goò sapɛ ladzyèèmaa tsià n ma, Ŋaablà jaara moo rèè kamà, gè riì ni à to Yesù Kirisà baraka ɲan, twɛy sa yeè tsiuma tàrà, yè nɔɔrɔ dòbɛɛ tàrà.

Tsìmotè fiiraa 2:19

Tɔ̀ ko e sa ra Ŋaabla dzunbama nìi tsùuŋnà, tɔ ni e shɔùn kpan, nèe gooma ree reè yè bà sɛbɛɔ̀n à tsɛ tàànmàshɛn, nìi yɛ ci: «Tsìfaà yè e raa rèè tɔ̀.» Tà ko «Mòò o moò Tsìfaà tsoo kir'là, è dan gbànbe terenbɛybee rà.»

Tsìmotè fiiraa 3:9

Ŋà, bèma na ni è ra jɔun dɛ. È re akiribɛybeè dzuun nà bo mòdzian sapɛ jaa ra, a ci nèe mòkun fii rèe raà tsuru.

Dzyèèsìbee mòdzin neè 10:39

Nìi ɲe, nìi reè sèe e dzun ne, yè bè fìrì dɔn bè, ɲe na twɛy sɔn waa. Ŋà, nìì reè ɲɛɔ̀n Ŋaablà ra, yè bà ni tsi, ɲe ni twɛy rìì ka.

Yùxanà fiiraa 1:7

Àwà sànfiribaa giri boo dziɲaan doùn, nìì reè na e tsiɛ à ra ci Yesù Kirisà nàu gɔɔ̀n ɲàn waa. Twɛy rìì kir'là sànfiribaà, ko Kirisà ɲaàn.

Yudè 1:1

Mun Yudè, Yesù Kirisà rè jòn kpir'la, ko Yàkubà keresia, nèe mun ne sɛbɛn, è sìn Fà Ŋaablà re mòdzin kiriuma rèè rà, à twɛ̀y nìì reè kɛ̀niɔ̀n, è bà è màrà tsùuŋnà Yesù Kirisà rè.

Yudè 1:19

À ye rìì. È mòdzian fi vyɛɛ̀, è adamàdzin mòdzin maana ì, Ŋaablà re Dzia na ni è ɲan.