Yùxanà jɔ̀naà 1:9 - Bible Dzùùngoo Unicode

⁹ Mìn ba e tsiɛ à ra ci gooɲaantsiɛ ni mùn vu ra, à vusootsi è bà tereòn. À nà e yɛrɛ to mùn ne, è mùn fòò bo e re terenbɛy goo sapɛ ɲan.

Yùxanà jɔ̀naà 1:9 ပူးပေါင်းရင်းမြစ်များ

Matsiyù 3:6

È na e tsiɛ e re gooɲaan fauma rèè rà y'à dè. Y'à to, Yùxanà yè è jaara foò Ŋaablà re shia goo rèè rà Yuridɛn ba rɔn.

Marikì 1:5

Tà doùn, Yude mar'la mòdzian sapɛ, ko Yerusalɛmùn wɔ̀ùndzin neè sapɛ na bèe Yùxanà rè. È na e tsiɛ e re gooɲaan fauma rèè rà y'à dè. Y'à to Yùxanà yè è jaara foò Ŋaablà re shia goo rèè rà Yuridɛn ba rɔn.

Lukì 22:57

Ŋà, Piyɛrì yè e sɔswɛy, è dzin ci: «Tàan, mun na nèe kpir'lee tɔ̀ dɛ.»

Yùxanà 17:25

Fà Ŋaablà, wo rìi tereòn, dziɲan modzin neè na wo tɔ̀ waa, ŋà nìi mun, mun wo tɔ̀u. Mun ne kàràndzin neè to y'à fàànmuun, ci wo rìì mun ka naɔ.

Kɛɛradzin neè faadziɛ 19:18

Nìì reè sapɛ na baɔ̀ kàràndzin, twɛy giri na nàa e yɛrɛ ma tɔ̀un, yè nà bo e faadzii ɲaan neè mà, y'à dè fyɛ jàmaà jaa ra.

Ɔ̀rɔ̀mùnka reè 3:26

È mɔɲɔun tɔ̀ tsuru è tɔ̀ fa, è tɔ̀ ka à kpàdè ci arì she wò re terenbee ni e nima nɔ̀n. Wò tereonmaà doùn, mòò riì ɲɛɛn Yesù rà, wò y'a kpàdèe ci tɔ tereòn.

Korɛntsika reè jɔ̀naà 1:9

Ŋaablà riì ye kiriu, è ye ko e Dzin Kpiri Yesù Kirisà, mùn Tsìfaà bà gè soo, tɔ vusootsi.

Korɛntsika reè jɔ̀naà 6:11

Àwà ye swey na ni tɔ̀ rii tsuru. Ŋà ye fòoŋ, ye yè fɛnɛbe ye bà Ŋaablà raa, è kpàdè ci ye tereòn Tsìfa Yesù Kirisà tsoò baraka rɔ̀n, ko mùn ne Ŋaablà re Dzia baraka rɔ̀n.

Efɛsika reè 5:26

À tɔ̀ fau, è bà ni à fɛnɛbe, à fòoŋmaà shɔ̀ùn è fyɛ, yuà ko Ŋaablà re goomaa baraka rɔ̀n.

Tsìmotè jɔ̀naà 1:15

Nèe gooma, mòo dzia ɲɛn nìi rà, è tsiì à sapɛ ra. Tɔ̀ rii yɛ, ci Yesù Kirisà nàu dziɲantsiɛ doùn, è nà gooɲaan fa reè tsi, min bà è sapɛ jɔna.

Tsitè 2:14

È yɛrɛ siun mùn kamà, è bà ni mùn kùngɔ màbo gooɲaan sapɛ suun, tà ko è mùn fyɛ, mìn bà à tsoo ra modzìn ì, nìì reè ni goowuu faa ɲan tsuù ɲàn.

Dzyèèsìbee mòdzin neè 10:23

Mùn ci mùn si xɔ nìi tsɛ, mùn mà bo tɔ̀ tsɛ waa, kàtsu, Ŋaablà riì làyir'là seòn mùn ne, tɔ vusootsi.

Dzyèèsìbee mòdzin neè 11:11

Nìi Saràn, tɔ̀ sa ɲɛunmaà kamà Ŋaablà ra, à ko e re dzin kerebɛybeè sa, à dziu don sen, è dzin kere, tɔ̀ to y'à tàrà, à sìà na gereon dzin kere ma. Àwà, Saràn na à tɔ̀, mòò riì làyir'lèe seòn, tɔ̀ yeè bà Ŋaablà, tɔ vusootsi.

Dzyèèsìbee mòdzin neè 6:10

Mòdzin niì reè Ŋaablà raa, ye goo faa twɛy rè, ye yè bà tɔ̀ faa arì she. Twɛy goo rèè y'à kpàdèe, ci ye y'à kɛ̀niɔ̀n. Àwà, Ŋaabla tereòn, à taa fa myɛ̀n twɛy goo fauma rèè rè waa.

Yùxanà jɔ̀naà 1:7

Ŋà mìn ba jìɛ vyevyeè ɲàn a ci à sa ni vyevyeè ɲàn nìi tsuru, mùn bàa e si dzyèèsi ì, à Dzin Kpiri Yesù tsìɛn yè bà mùn fòò boò e re gooɲaantsiɛ ɲàn.

Goo kpàdèuma rèè 15:3

È na Ŋaablà re faagoofadzin Musà rè yee cèe, ko sààtòmòìriɛ rè yee, nìi yɛ ci: «Tsìfaà, Dzitsi Ŋaablà, wo re goo fauma rèè blà bla, yè bà kabagoo goo ! Wo re shi reè tereòn, yè bà sààben, kun neè Màsaa !