Yùxanà jɔ̀naà 1:7 - Bible Dzùùngoo Unicode

⁷ Ŋà mìn ba jìɛ vyevyeè ɲàn a ci à sa ni vyevyeè ɲàn nìi tsuru, mùn bàa e si dzyèèsi ì, à Dzin Kpiri Yesù tsìɛn yè bà mùn fòò boò e re gooɲaantsiɛ ɲàn.

Yùxanà jɔ̀naà 1:7 ပူးပေါင်းရင်းမြစ်များ

Matsiyù 6:12

Mùn ne fìrìgoo rèè tsìɛ̀ mɛɛy bo mùn vu ra, a ci nìì reè goo faa ɲe ra, ɲe sa tɔ̀ tsìɛ̀ mɛɛy boò twɛy mà nìi tsuru.

Yùxanà 1:29

Àyìwà, tɔ̀ raa gbey rɔn, Yùxanà yè Yesù nàkɔɔn ja e kpakèrè. Yùxanà yè dzin ci: «Ŋaablà re Sààtòmòìriɛ yɛ nèe, wò rii dziɲantsiɛ gooɲaan tsìɛ̀ mɛɛybobaà.

Yùxanà 12:35

Yesù yè dzin è ra tɔ̀un ci: «Vyevyeè kpɛ̀yn ni ye fi ŋe, ŋà, tɔ̀ na waatsi gbaan goo dɛ. Vyevyeè ni waatsi riì bwèy, ye jìɛ̀ fa tɔ̀ bwèy, sànko, tsitsiɛ̀ mà nà bàràma e ɲan waa, kàtsu mòò riì jìɛ tsitsiɛ̀ ɲàn, tɔ̀ na à tɔ̀ wo bèe min niì waa.

Yùxanà 5:4

È na tɔ̀ màshua, kàtsu, Tsìfaà rè mɛ̀rɛ̀kɛ sɔn na ni, tɔ jàa yu rɔ̀n waatsi reè swey ɲàn, à y'à bùùbuɔ̀. Yuà bùùbuuŋmaà shɔ̀ùn, ɲìnìnkɔɔn niì jɔ̀na ye jaà à ɲan, ɲìnìn kun o kun ni n'a na, tɔ̀ y'a cɛrɛmabeuma.]

Ɔ̀rɔ̀mùnka reè 13:12

Feèn gbànmaun, jisee yè bà tsyɛnbeò. Mìn tsitsii dzuun goo sapɛ bo e ra, mìn vyevyeè kaa faa gè rèè ji e ma.

Korɛntsika reè jɔ̀naà 6:11

Àwà ye swey na ni tɔ̀ rii tsuru. Ŋà ye fòoŋ, ye yè fɛnɛbe ye bà Ŋaablà raa, è kpàdè ci ye tereòn Tsìfa Yesù Kirisà tsoò baraka rɔ̀n, ko mùn ne Ŋaablà re Dzia baraka rɔ̀n.

Efɛsika reè 1:7

À ɲan, mùn kùngɔ mabou à tsìɛn baraka rɔ̀n, mùn ne gooɲaantsii reè yè mɛɛy bo mùn vu ra è kòrò à ɲanwùù brisià ka.

Efɛsika reè 5:8

Dan, ye na ni tsitsiɛ̀ ɲàn, ŋà dòònuùn, Tsìfaà ɲàn, ye bàu ni vyevyeè ɲàn. Tà doùn, ye e re jaamabee fa a ci vyevyee dzin ì.

Tsìmotè jɔ̀naà 6:16

Wò rii soo pe na saàn waa, è bà ni vyevyee ɲan, mòo na dzia e kpɛrɛ̀ nìi rà. Mòò pɛn na à jà jà ŋe, mòò to na dzia à jà. Arì she, blàbee ko dzibaabe dobɛɛ yè bà à raa ! Àmiinà !

Tsitè 2:14

È yɛrɛ siun mùn kamà, è bà ni mùn kùngɔ màbo gooɲaan sapɛ suun, tà ko è mùn fyɛ, mìn bà à tsoo ra modzìn ì, nìì reè ni goowuu faa ɲan tsuù ɲàn.

Dzyèèsìbee mòdzin neè 9:14

Twɛy gè rèè ye ba dzia mòdzian fɛnɛbe tɔ̀ tsuru, Ŋaablà Jaara Modzìàn raa tsììn niì vùn tɔ̀ sapɛ ma do, tɔ̀ fa mùn duɔ̀n fòò fyɛ bo fabɛy goo reè ɲàn, à to mìn faagoò fa Ŋaablà jaamaa rè ò ? Ŋaablà re Dzi dobɛɛ baraka rɔ̀n, wò rii yè e yɛrɛ siun Ŋaablà ra a ci dzwɛka saaka, fyɛ̀ na ni nìi rà waa.

Yàkubà 1:17

Gè wùù niì reè sìan mùn na, ko kwɛ̀yge dziitsyɛunmaà sapɛ, à sapɛ daàn è bo jìran nɔ̀n. À sapɛ daàn è bo Ŋaablà re, tɔ̀ niì vyevyee kungɔ reè ɲɛnbaà. Ŋaablà na e lakere jaà, à to vyevyee rìì kudɛyn.

Piyɛrì jɔ̀naà 1:19

Ŋà Kirisà tsììn niì kpaxɔ, ye kùngɔ mabou tɔ̀ rii ka, tɔ̀ riì bàu a ci sààtòmòìrii, noo ko fyɛ̀ na ni nìi rà waa.

Yùxanà jɔ̀naà 1:3

Ɲe nìi jàu, tà ko ɲe y'à myɛ̀n, ɲe tɔ̀ gooma deè ye sa ra gè riì ni à to ye yè bà ni ɲe re dzyèè doùn, tɔ̀ dzyèè rìi, ɲe ko Fà Ŋaabla ni à ra ko à Dzin Kpiri Yesù Kirisà.

Yùxanà jɔ̀naà 1:5

Ɲe gooma niì myɛ̀un à re, ɲe yè bà à dèe ye ra, tɔ̀ rii yɛ ci Ŋaabla vyevyee rìì, tsitsiì pɛn na ni à ɲan waa.

Yùxanà jɔ̀naà 5:6

Àwà mòò riì nàu yuà ko tsìɛn baraka ɲan, tɔ Yesù Kirisà rìì. À na yuà bàsɔùn waa, ŋà à yuà ko tsìɛn sa rii. Ŋaablà re Dzia tɔ̀ shɛɛrɛbe boò, kàtsu Ŋaabla re Dzia sààben.

Yùxanà jɔ̀naà 5:8

nìi yɛ Ŋaablà re Dzia, yuà ko tsìɛn, è zhììgia sapɛ devuà yè bà soo.

Yùxanà fiiraa 1:4

Mun taama dzibeu cɛyn m'a jà, ci mùn Fà Ŋaablà dzugooma xɔù nìi tàrau, è kòrò tɔ̀ ka, wo dzin nèè swey jìɛ sààbeen shia tsɛ.

Yùxanà zhììgìraa 1:4

Taamadzibe pɛn na blà taamadzibe rìi mà mun ne, tɔ̀ rii yɛ m'a myɛ̀n ci mun dzin nèè jìɛ sààbeen shia tsɛ.

Goo kpàdèuma rèè 1:5

ko Yesù Kirisà, Shɛɛrɛ vusootsià, fùn jɔna kpunaunmaà, dzɔ̀nxɔɔ̀ tsɛ màsa reè raa Màsaa, twɛy sa yeè tɔ̀ fa e re. Àwà, Ŋaablà Jaara Moo Yesù rìi mùn kɛ̀niɔ̀n, è bà mùn tsi bou e re gooɲaantsiɛ ɲàn e tsiɛn baraka rɔ̀n,

Goo kpàdèuma rèè 12:11

Mùn neema reè dzi tarau à tsɛ, sààtòmòìriɛ tsìɛn baraka rɔ̀n, ko e re shɛɛrɛbee goomaa baraka rɔ̀n. È na e xɔɔn kɛ̀n yè shi saàn jɔun waa.

Goo kpàdèuma rèè 7:14

Min dzin à ra ci: «Mun Tsìfaà, wo rìì y'à tɔ̀.» À ci mun na ci: «Nìì reè bo naɔ byɛnbe brisi rɔ̀n, yè bà e re mɛ̀yɛ bla reè fòoŋnà, y'à fyɛ Sààtòmòìriɛ tsììn nɔn, à ye rìì.