Yùxanà jɔ̀naà 1:4 - Bible Dzùùngoo Unicode

⁴ Ɲe twɛy goo rèè sɛbɛn siàn ye ra, gè riì ni à to mùn ne taamadzibeè yè bà taamadzibe dziitsyɛunma.

Yùxanà jɔ̀naà 1:4 ပူးပေါင်းရင်းမြစ်များ

Yùxanà 15:11

Mun tɔ̀ sapɛ deu ye ra, sànko mun ɲan taamadzibeè yè ye sa ɲantsyɛn, tɔ̀ tsuru, ye re taamadzibeè yè bà taamadzibe dziitsyɛunma.

Yùxanà 16:24

Arì she, ye na gèsɔn pɛn gaa mun tsoo ka ŋe waa. Y'a gaa, ye nà à tàrà. Tà tsuru e re taamadzibeè yè bà taamadzibe dziitsyɛunma.

Yùxanà 3:29

Kɔnɲɔn taàn kɔnɲɔn kpir'là rìì laa. Ŋà, kɔnɲɔn kpir'là dzunwɛynsia, tɔ ni kɔnɲɔn kpir'là tààkuùn nì, è toro wɔ tsùù à re. À y'a gooma vuà myɛ̀n, à taama dzibe cɛyn. Tɔ̀ taamadzibe rèe ni a ci mun naa taamadzibeè rìì, à dzii to tsyɛun dòònuùn.

Korɛntsika reè fiiraa 1:24

À na ni a ci ɲe ye kùntsii ì rìì ye re ɲɛynaà kàjaa tsɛ dɛ. À na tà tsuru waa, ŋà ɲe ye re taamadzibeè rìì faa ye ka. È ɲɛn à tsɛ, ɲɛynaà doùn, ye san gbaɔn.

Efɛsika reè 3:19

Ɔ̀ɔn, ye yè Kirisà rè kɛ̀nbààbee tɔ̀, tɔ̀ niì gereon mòdzin tɔmaà sapɛ tsɛ, ye ɲan yeè bà ni tsyɛn Ŋaablà ɲan, tsyɛun'n kur'la sapɛ ra.

Yùxanà jɔ̀naà 2:1

N ne dziniin ì, mun nèe sɛbɛn nee fa siàn ye ra, gè riì ni à to ye mà gooɲaan fa waa. Sɔn to ye gooɲaan fa, dzwɛ̀mabaa ni mùn ne Fà Ŋaablà tɛyn, nìi Yesù Kirisà, tɔ̀ niì tereòn.

Yùxanà fiiraa 1:12

Goo giri sɛbɛnama ni mun ne m'a sìn ye ra, ŋà mun na ni à re m'a sa ba sɛbɛn na goo waa. À ni mun duùn nì min bè ye kpà mìn bè gooma dzii ko dzii, mùn ne taamadzibeè dzii yè bà ni tsyɛn.