Yùxanà jɔ̀naà 1:3 - Bible Dzùùngoo Unicode

³ Ɲe nìi jàu, tà ko ɲe y'à myɛ̀n, ɲe tɔ̀ gooma deè ye sa ra gè riì ni à to ye yè bà ni ɲe re dzyèè doùn, tɔ̀ dzyèè rìi, ɲe ko Fà Ŋaabla ni à ra ko à Dzin Kpiri Yesù Kirisà.

Yùxanà jɔ̀naà 1:3 ပူးပေါင်းရင်းမြစ်များ

Yùxanà 17:11

Sani dɛyn, mun fa bà ni dziɲan doùn dɛ, kàtsu mun bèe wo re. Ŋà nìi ye, ye nà to dziɲan doùn. Fà Ŋaablà, wo rìi ni a si, è màrà a tsoò baraka rɔ̀n, wo tɔ̀ niì sìun mun na. Tɔ̀ fa, è sa yeè bà soo, a ci mun ko wo soo nìi tsuru.

Yùxanà 17:21

M'a gaa wo re, è sa yeè bà soo. Wo Fà Ŋaabla ni mun ɲan nìi tsuru, mun sa yeè bà ni wo ɲan, m'a gaa a re, yè bà ni mùn ɲan tɔ̀ tsuru, sànko dziɲan modzin neè yè ɲɛn à ra, ci wo rìì mun ka naɔ.

Yùxanà 17:25

Fà Ŋaablà, wo rìi tereòn, dziɲan modzin neè na wo tɔ̀ waa, ŋà nìi mun, mun wo tɔ̀u. Mun ne kàràndzin neè to y'à fàànmuun, ci wo rìì mun ka naɔ.

Yùxanà 17:3

A y'a myɛ̀n jaamabe dziù dòbɛɛ, tɔ̀ rii yɛ, e wo Ŋaablà soo takia tɔ̀, tà ko wo mòò riì ka nau, tɔ̀ yeè bà Yesù, wo Jaara Modzìàn e tɔ̀ tɔ̀.

Yùxanà 19:35

Mòò riì twɛy goo fauma rèè lakɛɛ, à yɛ̀r'la jaadzin ni yè è jàu. À to nìi dèe, tɔ sààben taki rii. À yɛ̀r'la y'à tɔ̀, ci wo sààbeen rìì dèe. À y'à lakɛɛ rìì, sànko ye sa yeè ɲɛn à ra.

Kɛɛradzin neè faadziɛ 13:32

Àwà, ɲe sa naɔ̀ ye toro kɔ̀ tɔ̀ Kùnàgoo Dziɔ̀ rìì là, nìi yɛ, ci Ŋaabla làyir'lìi seun ɲe fàbɔɔ rèè rè, ɲe nìì reè twɛy dzin nèè, à tɔ̀ bou e shi tsɛ ɲe re.

Kɛɛradzin neè faadziɛ 13:41

"Ye nìì reè Ŋaablà ɲanfyɛnbee, ye siin fa. È bà jiɔ̀ e dzii tsɛ, ye bara bo mɔn. Mun nà goò sɔn fa ye jaa ra, è kɛ̀nsɛɛn ye ba na nìi lakɛrɔun ye ra, ye fa ɲɛn à ra waa."»

Kɛɛradzin neè faadziɛ 2:42

È sen tɔ̀ jisee rà, twɛy yè e jaa tsùù kɛɛradzin neè rè kàr'nà rè. Yè dzyèè, yè e re jaamabee faa esire, a ci tseyn ko tsìnà tsuru. È bur'la tan'nà e ko e si fi, a ci Yesù y'à dèu nìi tsuru, yè bà Ŋaablà mafyɛ̀ɛn esire.

Kɛɛradzin neè faadziɛ 20:27

À na mun ne goo waa, kàtsu, nìi Ŋaablà saɔ, mun ye toro kɔ̀u tɔ̀ ra, mun na à gàne pɛn mɛnɛn ye mà waa.

Kɛɛradzin neè faadziɛ 4:20

Nìi kpɛ̀yn ɲe, ɲe goo nìì reè jàu, tà ko ɲe yè è myɛ̀n, ɲe fa dzi e ŋɔn nìn tɔ̀ tsɛ waa.»

Ɔ̀rɔ̀mùnka reè 15:27

À kpɛ̀yn sààben y'à ŋɛ̀nɛ̀ɲaun, ŋà è na wù y'à fa sa, kàtsu è re tsìi ni è ra. È ɲɛn à tsɛ, kun kpɛrɛ mòdzin neè ye ba e ninma jau xɔn raa goo rèè ɲàn è bo è re, à wù è sa yeè e ninma ja suun ge reè ɲàn, è bo kun kpɛrɛ mòdzin neè rè.

Korɛntsika reè jɔ̀naà 1:30

Ŋaabla rii baraka ɲan, ye ni Yesù Kirisà ɲàn, tɔ̀ niì bàu ɲe re akiritsifabe è bo Ŋaablà re, è bà ɲe re terenbe. À bàu ɲe fɛnɛbee ko ɲe kùngɔ̀ màboo saabu,

Korɛntsika reè jɔ̀naà 1:9

Ŋaablà riì ye kiriu, è ye ko e Dzin Kpiri Yesù Kirisà, mùn Tsìfaà bà gè soo, tɔ vusootsi.

Korɛntsika reè jɔ̀naà 15:1

Àwà neema reè, mun ye toro kɔ̀u Kùnàgoo Dziù rìi rà, ye yè bà e tsiiŋ à ra ye to yè bà e shiɔ̀ à ra, mun ye taa toò tɔ̀ rii lè.

Efɛsika reè 3:6

Tɔ̀ gòndoo rìì yɛ, Yesù Kirisà ɲàn, kun kpɛrɛ mòdzin neè, ko Dzyèèsìbee mòdzin sapɛ bàu e si shɛnsensi. È sa bàu gɔnkungɔ soo, è sa nin yè jà Ŋaablà re làyiri seunmaà ɲàn, Kùnàgoo Dziɔ̀ baraka rɔ̀n.

Filipika reè 1:7

Min bà n kɛsɛɛ̀ tɔ̀ tsuru ye sapɛ ra, tɔ tereòn, è ɲɛn à tsɛ, ye goojaa ni mun duùn. È mun to jɔ̀rɔ̀kɔ reè dzu, min bà Kùnàgoo Dziɔ̀ sààbeen dèe m'a sàn gban, ye sapɛ nin ni tà doùn Ŋaablà ɲanwùɔ ɲàn, mun ka.

Filipika reè 2:1

Àwà mòò màxɔn ye ba ni Kirisà ɲàn, fààn ye bà tàr'la kɛ̀nbààbee ɲàn, dzyèèsìbe yeè bà ni Ŋaablà re Dzia ɲàn, vununmadzibe ko màtsuru yeè bà ni,

Filipika reè 3:10

Tà tsuru min bà ni à tɔ̀, dzibaabe riì to y'à kpunan bou saàn ɲàn, mun yè tɔ̀ sa tɔ. Mun yè dzyèè à ka e re byɛnbee doùn, mun sa to yè san, a ci à saun nìi tsuru.

Kolosika reè 1:13

À mùn tsi bou tsitsiɛ̀ fàan suun, è bè mùn ka e Dzin Kpiri kɛniunmaà rè màsàbee gàne rɔ̀n,

Tesalonikika reè jɔ̀naà 1:10

Ye tɔ̀ fau, ye yè bà ni à Dzin Kpir'la sèè naà màshu è bo jìrànxɔɔ̀ doùn, nìi Yesù, à tɔ̀ niì kpunan bou fùn nèè fi, è bà mùn tsià Ŋaablà re vununta nàkɔɔn nà.

Tsìmotè jɔ̀naà 6:2

Nìì reè kùntsii ɲɛynamoo ì, twɛy mà to e kuntsii rèè blàbe bɛy kàtsu yè e si neema ì waa. Ŋà, yè sɔn ni bà e re faagoò tɛ̀y fau'n kuru wuu ra è re, è ɲɛn à tsɛ, è ɲɛynamoo ì rìì ko neema kɛniunma ì, nìì reè yè è re faagoò nàfa tàr'la. A naà goo nìì reè kàràn mòdzian nà e màxɔ̀n à ra, twɛy rìì yɛ.

Dzyèèsìbee mòdzin neè 2:12

Tà doùn, è dzin Ŋaablà ra ci: «Wo Ŋaablà riì kuru, mun nà tɔ̀ gooma de n neema reè rà, min tsoo dzi ɲɛn wo tsɛ è ladzyeeŋmaà kur'la fi.»

Dzyèèsìbee mòdzin neè 3:1

Tɔ̀ rii kamà n neema ì, Ŋaabla ye nìì reè kiriɔ è ye bà e raa, m'a gaa, ye e akiri to Yesù tsɛ, wò rii Ŋaablà re kɛɛraa è bà Saaka Jɔundzin, Ŋaablà re shia doùn, mùn tɔ̀ niì goo dèe.

Dzyèèsìbee mòdzin neè 3:14

Àwà, mùn ɲɛun Ŋaablà ra nìi tsuru fɔ à dziikuan, mùn ye to tɔ̀ tsɛ è bè suu fɔ à lataan dzu, mùn kpɛ̀yn Ŋaablà Jaara Modzìàn dzyèèsi rèè.

Piyɛrì jɔ̀naà 5:1

Àwà bɔɔ nìì reè ni ye fi, min vu boò twɛy rìì là dòònuùn, min màxɔ̀n. Mun sa yeè è tsuru bɔɔ, nìi Kirisà rè byɛnbe goo reè shɛɛrɛ. Nɔɔrɔ nìi nà nà e kpadè, mun sa nin ni tɔ̀ ɲan.

Piyɛrì fiiraa 1:16

Ɲe na e gban mòdzin ì kɛ̀sɛmà raa sina cee goòmà ì kpɛyn ɲe yè mùn Tsìfa Yesù Kirisà rè dzibaabee ko à nàa gooma de ye ra dɛ, ŋà, ɲe yɛ̀r'la jaadzin ni ɲɛun à blàbee mà.

Yùxanà jɔ̀naà 1:1

Àwà fɔ dan dan, nìi na ni, tɔ̀ yeè bà jaamabee Goomaa, ɲe tɔ̀ gooma myɛun, ɲe y'à jà e jaa ra, ɲe y'à lafyɛ, ɲe yè e si dzyɛn à ra.

Yùxanà jɔ̀naà 1:5

Ɲe gooma niì myɛ̀un à re, ɲe yè bà à dèe ye ra, tɔ̀ rii yɛ ci Ŋaabla vyevyee rìì, tsitsiì pɛn na ni à ɲan waa.

Yùxanà jɔ̀naà 1:7

Ŋà mìn ba jìɛ vyevyeè ɲàn a ci à sa ni vyevyeè ɲàn nìi tsuru, mùn bàa e si dzyèèsi ì, à Dzin Kpiri Yesù tsìɛn yè bà mùn fòò boò e re gooɲaantsiɛ ɲàn.