Yùxanà jɔ̀naà 1:1 - Bible Dzùùngoo Unicode

¹ Àwà fɔ dan dan, nìi na ni, tɔ̀ yeè bà jaamabee Goomaa, ɲe tɔ̀ gooma myɛun, ɲe y'à jà e jaa ra, ɲe y'à lafyɛ, ɲe yè e si dzyɛn à ra.

Yùxanà jɔ̀naà 1:1 ပူးပေါင်းရင်းမြစ်များ

Lukì 24:39

Ye n si rèè ko n san nèè siin: À mun yɛ̀r'la rìì. Ye dzyɛn siin n na kɛ̀ ! Shutswɛy ko xɔ bàa ni fùn ɲɛyn ɲan ɔ ? N ci ye jaa to yɛ twɛy rà mun ɲan kɛ !»

Yùxanà 19:35

Mòò riì twɛy goo fauma rèè lakɛɛ, à yɛ̀r'la jaadzin ni yè è jàu. À to nìi dèe, tɔ sààben taki rii. À yɛ̀r'la y'à tɔ̀, ci wo sààbeen rìì dèe. À y'à lakɛɛ rìì, sànko ye sa yeè ɲɛn à ra.

Yùxanà 20:27

Tà shɔ̀ùn, è dzin Tomà nà ci: «Tomà, nà a siiniɛn ka, e nà à wɔ n sià kɔ̀ɔ̀ rè a siin. Nà a sià ka, e nà à wɔ n gaakaa rè. Maà bà mòdzin, nìi na ɲɛɔ̀n Ŋaablà ra waa, to e bà ɲɛɔ̀n à ra.»

Yùxanà 5:26

Jaamabee ni Fàà ɲàn nìi tsuru, à y'à sìun Dzin Kpirimaa nà, è bà ni tà sa ɲan tɔ̀ tsuru.

Yùxanà 8:58

Yesù yè dzin è ra ci: «Sààben na, mun nì ci e ra, sani Ibraximà yè nà dziɲaun, tɔ̀ y'a tàrà mun ni.»

Kɛɛradzin neè faadziɛ 1:3

Àwà, à saunmaà shɔ̀ùn, è nà e yɛrɛ kpadè e re kɛɛradzin neè rà, è goo giri ka à kpàdè è ra, ci wò rii sèè bàuma yɛ jaama. È bè tàrà fɔ bwèy dzyèè, è yɛrɛ kpadèe è ra tà tsuru, è Ŋaablà re Màsàbee gooma deè è ra.

Kɛɛradzin neè faadziɛ 4:20

Nìi kpɛ̀yn ɲe, ɲe goo nìì reè jàu, tà ko ɲe yè è myɛ̀n, ɲe fa dzi e ŋɔn nìn tɔ̀ tsɛ waa.»

Dzyèèsìbee mòdzin neè 2:3

Àyìwà, tɔ̀ ye ba fau tɔ̀ tsuru ɔ, nìi mùn tsià goomaa, mùn tɔ̀ niì myɛ̀un mùn ye tɔ̀ bo e si bònè, nìi na wù è mùn tarà mùn ni dzi e tsi tɔ̀ ra ɔ ? Tsìfaà yɛ̀r'la rìì jɔ̀na tɔ̀ goò gooma deu. Nìì reè y'à myɛ̀un, twɛy yè kòmànà à dè kpàdè mùn na ci à sààben.

Yùxanà jɔ̀naà 4:14

Nìi ɲe, ɲe y'à jàu, ɲe to y'à shɛɛrɛbe faa, ci Fà Ŋaablà yeè e Dzin Kpir'la ka nau, è nà bà dziɲantsiɛ Tsibaa.

Yùxanà jɔ̀naà 5:7

È ɲɛn tɔ̀ tsɛ, tɔ̀ goò bàu shɛɛrɛ zhììgi:

Goo kpàdèuma rèè 1:11

À ci: «Wo nìi jàa, tɔ̀ sɛbɛn sɛbɛn doùn, a sìn be nèe wɔ̀ ɲɛ̀ɛ̀nun nèe ɲɛynamoo kur'lèè rà, nìi yɛ Efɛsì, ko Simirinìn, ko Pɛrigamùn, ko Tsiyatsirì, ko Saridzì, ko Filadɛlifì, ko Lawodzisè.»

Goo kpàdèuma rèè 1:8

Mùn Tsìfa Ŋaablà ci: «A y'a myɛ̀n Alifà ko Omegà, nìi dzuɔn Jɔ̀naà ko Lataan, tɔ mun nì. Nìi ni, à na ni tsuù, è bà nàa, dzia sapɛ dzyeèma tsifaà.»

Goo kpàdèuma rèè 19:13

Mɛ̀yɛ bla sɔn na ni à mà, tɔ wɔɔ tsììn ɲan, à yɛ̀r'la tsoo yè bà ci, Ŋaablà re Goomaa.

Goo kpàdèuma rèè 2:8

Àwà, ɲɛynamoo kur'lìi ni Simirinìn wɔ̀ rɔ̀n, sɛbɛn ka tɔ̀ mɛ̀rɛ̀kɛɛ̀ rè, a dè ci: «Mòo riì Jɔ̀naà è bà Lataan, nìi saun è sèè è jaamabe fa kɔn, tɔ nìi dèe, tɔ̀ rii siin: