Korɛntsika reè jɔ̀naà 9:5 - Bible Dzùùngoo Unicode

⁵ Ɲe yè neema taan sɔn ba e re tààn ɲe yè b'a ka a ci kɛɛradzin dzyee reè, ko Tsìfaà tseyn nèè ko Piyɛr'laà tsuru, tɔ̀ shi na ni ɲe suun ɔn ?

Korɛntsika reè jɔ̀naà 9:5 ပူးပေါင်းရင်းမြစ်များ

Matsiyù 13:55

À na gɔ̀ɔ̀kpaabaà dzin kpir'la dɛ ? Wò rii naà tsoo na Mariyamùn ɔ̀n ? À tseyn nèè rìì na Yàkubà, ko Yusufù, ko Shimɔ̀n, ko Yudà ɔ̀ ?

Matsiyù 8:14

Tà shɔ̀ùn, Yesù yè dɔ̀n be Piyɛr'lè tsii. À wɔu mɔn, è Piyɛrì blantaàn jà à na cɛrɛma waa, màta brìsi y'à ɲɛɔ̀n.

Marikì 1:30

Tɔ̀ y'a tàrà, màta brìsi na Shimɔ̀n blantaàn ɲɛɔ̀n. È bèu wɔ mɔn, tɔ̀ nɔ̀nkɔɔrɔn y'à gooma de Yesù rà.

Marikì 6:3

À na gɔ̀ɔ̀kpaabaà dɛ ? Mariyamùn dzin kpir'la kɛ̀ ? À keresi reè rìì na Yàkubà, ko Yosè, ko Yudà ko Shimɔ̀n gbɛ ? À tseyn taan ree rìì na tsùuŋnà ɲe ka mìin dɛ ?» Tɔ̀ kɛ̀sɛmà nìi na ni è ɲan, tɔ bàu saabu, è na ɲɛn Yesù rà waa.

Lukì 6:15

Matsiyù yè gban tɔ̀ ra. Tomà yè gban tɔ̀ ra. Àlifù raa dzin kpiri Yàkubà yè gban tɔ̀ ra. Shimɔn tsoo kpɛrɛ yè gban tɔ̀ ra, yè bà tɔ̀ kir'là ci Zhèlɔtsì nìi dzuɔn ci, fàtsiɛ kùùnkààfabaà.

Lukì 8:20

Tɔ̀un, mòdzian yè è goo dè Yesù rà. È ci: «Wo naà ko wo tseyn kpir'leè tsìiŋnà da rɔ̀n. È ni à re, yè wo jà.»

Yùxanà 1:42

Tɔ̀un, Andère yeè bè Shimɔ̀n ka Yesù rè. Yesù y'à siin, è dzin ci: «Wo Shimɔ̀n nì, Yùxanà dzin kpir'la. Wo nà kiri Sefasì.» 'Sefasì', tɔ̀ dzuɔn Piyɛrì. 'Piyɛrì', tɔ̀ dzuɔn kpàa.

Yùxanà 2:12

Tà shɔ̀ùn, Yesù ko e naà, ko à tseyn nèè ko à re kàràndzin neè yè jàà dɔn bè Kapɛrinaxumùn wɔ̀ rɔ̀n. Yè bwèy dan bàsɔùn nì fa mɔn.

Kɛɛradzin neè faadziɛ 1:14

È sapɛ na byɛɔ̀n à mà, yè e si ladzyee kudɛyn, yè Ŋaablà mafyɛ̀ɛn ko duungoo soo ka. Tàan dànman na ni è ka, tɔ̀ yeè ɲɛn Yesù na Mariyamùn tsɛ, ko Yesù tseyn nèè.

Ɔ̀rɔ̀mùnka reè 16:1

Mun mùn neema taan Foyɛbɛ̀ goojaa wɔɔ̀ e suun, tɔ̀ niì Sankère ɲɛynamoo kur'là rè faagoofabaa.

Korɛntsika reè jɔ̀naà 1:12

Mun tɔ̀ dèe kàtsu ye ɲan, sɔn ci wo Pol'laa, sɔn ci wo Apolɔsì raa, sɔn ci wo Piyɛr'laa, sɔn yeè bà ci wo Kirisà raa.

Korɛntsika reè jɔ̀naà 7:15

Ŋà ɲɛynabɛɛ sàò ye ba n'a re wò yeè tsùɔ̀ dzii bà, à y'à fa. Neema kpir'la, tàmafa taàn, twɛy na shiɔ̀ tɔ̀ goò doùn waa, è ɲɛn à tsɛ, Ŋaabla ye kiriɔ rìì ye yè jaamabee fa jaancin na.

Korɛntsika reè jɔ̀naà 7:39

Àwà, è kpir'la jaama to, taàn shiɔ̀ à ra. Ŋà è dzi san nòn, taàn labàu è furu kpiri kpɛrɛ mà nìi dzi à ra. Ŋà, fɔ è bà ɲɛynamoo.

Korɛntsika reè jɔ̀naà 7:7

À kpɛ̀yn na mun sàò mòdzian sapɛ yeè bà ni mun tsuru, ŋà à mòdzian sapɛ ko e re kwɛ̀yge rìì Ŋaablà re. Sɔn naa nèe, kpɛr'laa yè bà kpɛrɛkuru.

Korɛntsika reè jɔ̀naà 7:8

Mun nìi dèe kpiri bla rèè ko fùn shɔ̀ùn taan rèè rà, tɔ̀ rii yɛ ci nìi wù è mà, yè to nèe tsuru a ci mun.

Galatsika reè 1:19

Ŋà mun na kɛɛradzin kpɛrɛ jà mɔn Tsìfaà tseyn kpiri Yàkubà tɛ̀y waa.

Tsìmotè jɔ̀naà 3:2

Ŋà, fɔ ɲɛynamoo kur'là kààwɔbaà yè bà mòdzin, jààma na ni nìi rà waa, è bà tààn dzìn sòòtsi, è bà e yɛrɛ kuàn, è bà akiritsi, à sɔ̀bɛ̀n modzìn, à tɔnɔnladɔnbaa, è bà dzia mòdzian kàràn.

Tsìmotè jɔ̀naà 4:3

Twɛy rìì dziàn ci furu mà fa waa, ci ɲwɛyn nèè swey to mà ɲɔn waa. Tɔ̀ to y'à tàrà Ŋaablà twɛy gè rèè sapɛ ɲɛun, gè riì n'a to ɲɛynamoo rèè yè bà ni à ɲɔn baraka sin doùn Ŋaablà ra, twɛy nìì reè sààbeen tɔ̀.

Tsìmotè jɔ̀naà 5:2

Tàànbɔɔ reè màxɔn a ci a na ì, nìì reè to na bɔrɔɔ waa e twɛy màxɔ̀n a ci a tseyn taan ì, duunfyɛ ka.

Tsitè 1:6

Twɛy bɔɔ rèè wù yè bà mòdzin ì, jààma na ni nìì reè rà waa, è tààn dzìn sòòtsi ì, è dzin nèè ɲɛynamoo ì, jààma na ni è ra kɛ̀kɛ̀ɛ̀y goo kajaa tsɛ, è to na mòdzin mabaunma ì waa.

Dzyèèsìbee mòdzin neè 13:4

Mòdzian sapɛ yeè blà wɔ fur'la ɲàn. Kpir'la ko taàn pɛn na wù yè ɲànmɔ̀ɔ̀be fa waa, kàtsu, Ŋaabla nà kitsia kunun kɛ̀kɛ̀ɛ̀yra reè ko ɲànmɔ̀ɔ̀bè fa reè tsɛ.