Korɛntsika reè jɔ̀naà 9:18 - Bible Dzùùngoo Unicode

¹⁸ Mun sàr'là kɛ̀nma ni tɔ̀un ? Tɔ̀ rii yɛ, mun Kùnàgoo Dziù rìi dèe min tɔ̀ dè maana, mun mà sɔ̀ɔ̀n à sàrà kpɛyn waa, à wù è tɔ̀ niì wɔ mun tsɛ.

Korɛntsika reè jɔ̀naà 9:18 ပူးပေါင်းရင်းမြစ်များ

Yùxanà 4:36

Mòò riì shìmaan gaa, tɔ̀ yeè e raa sàr'là tàr'la nòn. Àwà, à shìmàndzian nì ladzyeè tsùɔ jaamabe dziù dòbɛɛ kamà. Tɔ̀ tsuru, mòò riì shìmaan sìa, ko mòò riì y'à gaa, twɛy fiɛ̀ sa taama dzibee e si re.

Kɛɛradzin neè faadziɛ 18:3

È sa na faagoo soo faa nìi fa, nìi bùù gba vyamaa vya lamɔn'na, Polì yè e jaà è re tɔ̀un, yè faagoò faa e si re.

Ɔ̀rɔ̀mùnka reè 14:15

Àwà, ɲwɛyn goo ye ba saabu wo neemasia yè taamaŋununbe tàrà, tɔ̀ y'a kpàdèe ci wo na jiɛ kɛ̀nbààbee shia tsɛ dɛ. A yɛrɛ kaàwɔ ɲwɛyn goo mà nà bà saabu, Kirisà saun mòò riì kamà, tɔ̀ yeè bara waa.

Korɛntsika reè jɔ̀naà 10:33

Mun sa tɔ̀ rii faa, nìì yɛ goò sapɛ doùn, min dzibe mòdzian sapɛ ra. Mun na n yɛrɛ nafa gaa waa, fɔ mòò giri nàfa, gè riì ni à to yè tsi.

Korɛntsika reè jɔ̀naà 3:8

Gèè sìbaà, ko à kɔ̀baà, è sapɛ soo, è soo soo sapɛ to nà sàrà è kòrò è re faagoò rìì ka.

Korɛntsika reè jɔ̀naà 7:31

Nìì reè dziɲan ree dzibe boò, y'à bà a ci è na à dzibe boò waa. È ɲɛn à tsɛ dziɲan ree ni niu'n kur'liì rà, tɔ nà dɔ̀n bo.

Korɛntsika reè jɔ̀naà 8:9

Ŋà ye e yɛrɛ kaàwɔ, ye xɔrɔnbeu nìi fa, tɔ mà nà bà fààn bɛy reè mɛɛ̀ saabu waa.

Korɛntsika reè jɔ̀naà 9:12

À shi ye ba ni swey suun yè tɔ̀ goò shi jiì ye tsɛ, ɲe do, à shi na ni ɲe suun è geren twɛy tsɛ fyeu ɔ ? Tà ko e sa ra, ɲe na tɔ̀ shi jiiŋnà ye tsɛ waa, ŋà ɲe goò sapɛ rii tsiɔ e ma gè riì ni à to goo sɔn pɛn mà Kirisà rè Kùnàgoo Dziɔ̀ jɔun shu waa.

Korɛntsika reè jɔ̀naà 9:15

Ŋà nìi mun, mun na twɛy goo rèè pɛn shi jiì m'a ka n dzi gaa waa, mun to na nèe sɛbɛn nee faa, m'a ka è tey fa waa. Min san, tɔ fyan, sani mòò yè tɔ̀ yɛ̀rɛ̀blàbè kuàn bo mun ɲan.

Korɛntsika reè jɔ̀naà 9:17

Min ba na à faa n yɛr'la sàò tsɛ, mun na nà bà sàrà tàr'la à ɲan, ŋà è ba mun mà fààn ni, à faagoo, nìi kɛ̀ɛ̀yfaɔ̀ mun mà.

Korɛntsika reè fiiraa 4:5

Àwà ɲe na e yɛrɛ gooma deè waa, fɔ Yesù Kirisà, Tsìfaà. Ŋà nìi ɲe, ɲe ci ɲe ye re faagoofadzin ì nì, Yesù kamà.

Tesalonikika reè jɔ̀naà 2:6

Ɲe na blàbe gaa è bo mòdzin ì nè. Ɲe na à gaa ye re, ɲe to na à gaa mòò kpɛrɛ ì rè.