Korɛntsika reè jɔ̀naà 9:12 - Bible Dzùùngoo Unicode

¹² À shi ye ba ni swey suun yè tɔ̀ goò shi jiì ye tsɛ, ɲe do, à shi na ni ɲe suun è geren twɛy tsɛ fyeu ɔ ? Tà ko e sa ra, ɲe na tɔ̀ shi jiiŋnà ye tsɛ waa, ŋà ɲe goò sapɛ rii tsiɔ e ma gè riì ni à to goo sɔn pɛn mà Kirisà rè Kùnàgoo Dziɔ̀ jɔun shu waa.

Korɛntsika reè jɔ̀naà 9:12 ပူးပေါင်းရင်းမြစ်များ

Lukì 11:52

Sàrìyà Kaamoo reè, byɛnbe ye nìn ! Ye twɛ̀ɛ gbàà dzii sòoŋ, y'a nèèdzian ji e kpɛyn. Ye fa dɔ̀n, dɔ̀n kuru to ni nìì reè rà, e fa à to twɛy yè dɔ̀n.»

Kɛɛradzin neè faadziɛ 18:3

È sa na faagoo soo faa nìi fa, nìi bùù gba vyamaa vya lamɔn'na, Polì yè e jaà è re tɔ̀un, yè faagoò faa e si re.

Ɔ̀rɔ̀mùnka reè 15:22

Àwà min bà ni be bo ye kpà, tɔ̀ rii mun jɔun shu jaa giri fau.

Korɛntsika reè jɔ̀naà 13:7

È yɛrɛ toò goo sapɛ ra, à ɲɛɛn goo sapɛ ra, à si xɔ goo sapɛ tsɛ à to goo sapɛ tsià e ma.

Korɛntsika reè jɔ̀naà 6:7

À kɛ̀nsɛɛn ma ba goo kpɛ̀rɛ̀, kitsi jauma ye ko e si fi nòn, tɔ ye re mɛɛy. Fee to y'à toò tɔ̀un ye fa e tsiì terenbɛy goo rà ? Feera ye fa e tsiì mòo yè bà ni ye suun gee tsi ye ra ?

Korɛntsika reè jɔ̀naà 9:14

Tɔ̀ soo tsuru, nìì reè Kùnàgoo Dziɔ̀ dèe, Tsìfaà ci twɛy sa ɲwɛyn dzii ye bo Kùnàgoo Dziɔ̀ ɲàn.

Korɛntsika reè jɔ̀naà 9:15

Ŋà nìi mun, mun na twɛy goo rèè pɛn shi jiì m'a ka n dzi gaa waa, mun to na nèe sɛbɛn nee faa, m'a ka è tey fa waa. Min san, tɔ fyan, sani mòò yè tɔ̀ yɛ̀rɛ̀blàbè kuàn bo mun ɲan.

Korɛntsika reè jɔ̀naà 9:16

Àwà min Kùnàgoo Dziɔ̀ dè, tɔ̀ na yɛ̀rɛ̀blàbè goo mun ne waa, ŋà à goo rìì, nìi mun mà fààn. Mun ma Kùnàgoo Dziɔ̀ dè fyeu, mun naà barau !

Korɛntsika reè jɔ̀naà 9:18

Mun sàr'là kɛ̀nma ni tɔ̀un ? Tɔ̀ rii yɛ, mun Kùnàgoo Dziù rìi dèe min tɔ̀ dè maana, mun mà sɔ̀ɔ̀n à sàrà kpɛyn waa, à wù è tɔ̀ niì wɔ mun tsɛ.

Korɛntsika reè jɔ̀naà 9:2

Mun kɛ̀nsɛɛn ma ba kɛɛradzin dzyee rèè rè, ye re kpɛyn, mun kɛɛradzin. È ɲɛn à tsɛ, ye rìì mun ne kɛɛradzinbee tàànmàshɛn tsuuŋma Tsìfaà ɲàn.

Korɛntsika reè fiiraa 11:12

Mun nìi faa, arì she, mun nà bè tɔ̀ faa ka jɔun. Tɔ̀ tsuru nìì reè kùn gaa yè bà ni e yɛrɛ blabe tɔ̀ ka, y'à kpàdè ci ye ko ɲe sa soo faagoò doùn, mun nà tɔ̀ kùnùn.

Korɛntsika reè fiiraa 11:20

Mòdzian yè ye bà jon ì, yè ye ɲɔn, yè ye suɔn kongon, yè e yɛrɛ blabe ye mà, yè ye zhɛ e taàkuùn, ye tɔ̀ sapɛ mɔnɲɔɔ̀n.

Korɛntsika reè fiiraa 2:12

Àyìwà, min bè wɔ Torowasì wɔ̀ rɔ̀n tɔ̀un, ci mun nà Kirisà rè Kùnàgoo Dziɔ̀ dè. Mun wɔu mɔn, min b'a jà Tsìfaà dziɛ san jiɔ̀ mun ne mɔn.

Korɛntsika reè fiiraa 6:3

Ɲe na à gaa ɲe yè bà mòò sàn nà baan kpàà fau'n kuru pɛn na, tɔ̀ yeè nà tsoo bara ka ɲe re faagoò mà waa.