Korɛntsika reè jɔ̀naà 8:6 - Bible Dzùùngoo Unicode

⁶ Ŋà ɲe re, Ŋaablà soo pe rii ni, nìi Fàà, gè sapɛ boo tɔ̀ niì ɲan, mùn yeè bà à raa, ko Tsìfa soo pe, nìi Yesù Kirisà, gè sapɛ ni tɔ̀ niì baraka ɲan, ɲe sa ni nìi baraka ɲan.

Korɛntsika reè jɔ̀naà 8:6 ပူးပေါင်းရင်းမြစ်များ

Matsiyù 11:27

Yesù yè dzin kɔn ci: «Mun Fàà gè sapɛ wɔu mun suun. Àwà Fàà soo boshɔ̀ùn, mòò pɛn na à tɔ̀ Dzin Kpirimaa mòò riì waa. Mòò pɛn tsu to na Fàà tɔ̀ à mòò riì waa, Dzin Kpirimaa soo boshɔ̀ùn, ko Dzin Kpirimaa sào ni, à y'à kpàdè mòò riì rà.

Matsiyù 28:18

Yesù yè e kpɛrɛ̀ tɔ̀un, è gooma è ka. À ci: «Dzia sapɛ dzyeèma sìun mun na, jìrànxɔɔ̀ doùn ko dzɔ̀nxɔɔ̀ tsɛ.

Yùxanà 1:10

Goomaa na ni dziɲan na. Wò rii baraka ɲan, Ŋaabla dziɲan ɲɛun, tà ko e sa ra, dziɲan na à tɔ̀ waa.

Yùxanà 1:3

Goomaa nì baraka ɲan, Ŋaabla gè sapɛ ɲɛun, gèsɔn pɛn na ɲɛn à shɔ̀ùn waa.

Yùxanà 10:30

Mun ko n Fa Ŋaablà, ɲe sa wò soo rìì.»

Yùxanà 13:13

Ye mun kiri nìi faa "kàrànfaà" ko "Tsìfaà" tɔ ni e shi tsɛ, kàtsu mun tɔ̀ rii.

Yùxanà 14:20

Tɔ̀ sii sèè ye wɔ, ye nà à tɔ̀, ci mun ni n Faà ɲàn, mun ni ye ɲan, ye yè bà ni mun ɲan.

Yùxanà 17:3

A y'a myɛ̀n jaamabe dziù dòbɛɛ, tɔ̀ rii yɛ, e wo Ŋaablà soo takia tɔ̀, tà ko wo mòò riì ka nau, tɔ̀ yeè bà Yesù, wo Jaara Modzìàn e tɔ̀ tɔ̀.

Yùxanà 20:17

Yesù yè dzin à ra ci: «Maà n kun tsìì to waa, kàtsu mun na teyn be Fà Ŋaablà kpakèrè ŋe waa. Bè neema karàndzin neè rìì kpɛyn, e bè dzin è ra, ci mun ci mun tèyn beè n Faà rè, è bà ye sa Fa. Ɔ̀ɔn, ci mun tèyn beè n ne Ŋaablà re, ye sa re Ŋaablà.»

Kɛɛradzin neè faadziɛ 17:28

Wò rii baraka ɲan, mùn ni jaamabee rà, mùn dzia e ɲankwey, xɔɔn yè bà ni mùn na. Ye re ye cee reè swey tɔ̀ rii dèu nèe tsuru ci: "Mùn y'a dzin ì nì."

Kɛɛradzin neè faadziɛ 2:36

Piyɛrì yè geren goomaa ka kɔn ci: «Tà doùn, ye Dzyèèsìbee Mòdzin neè sapɛ wù y'a tɔ̀, ye yè ɲɛn à ra cɛyn, ci ye tɔ̀ Yesù nìi gbaun gɔɔ̀ rà, Ŋaablà wò rii bou e Jaara Modzìn, à y'à bà Tsìfaà.»

Kɛɛradzin neè faadziɛ 5:31

Ŋaablà y'a sen teyn bèu, è bè à tsùù fɔ e sirama si jaa rè. À y'à bàu mùn kùntsii, à y'à bà mùn Tsibaa, gè riì ni à to Isirayɛlì mòdzin neè yè dzi e re jaamabee fau'n kur'la lakere, è re gooɲaantsiɛ̀ yè mɛɛy bo è vu ra.

Ɔ̀rɔ̀mùnka reè 11:36

È ɲɛn à tsɛ, gè sapɛ boo wò rii ɲàn, gè sapɛ ni wò rii baraka ɲan, gè sapɛ to wò rii laa. Nɔɔrɔ yè ɲɛn à tsɛ waatsi sen ɲɛn waatsi tsɛ. Àmiinà !

Korɛntsika reè jɔ̀naà 1:2

nèe sɛbɛn nee sìan ye Ŋaablà re ɲɛynamoo kur'là rà Korɛntsì wɔ̀ rɔ̀n. Nìì reè fɛnɛbeu Yesù Kirisà ɲàn, yè bà kiriɔ yè bà Ŋaablà raa, tà ko nìì reè sapɛ mùn Tsìfa Yesù Kirisà tsoò kir'là min niì sapɛ, è Tsìfaà è bà ɲe sa Tsifa.

Korɛntsika reè jɔ̀naà 12:3

Tɔ̀ rii y'à to mun n'a re y'a tɔ̀ ci mòò pɛn na dzia dzin Ŋaablà re Dzia baraka ɲan, ci Yesù yè bà dangaɔ̀ waa. Mòò pɛn to na dzia dzin ci Yesù Tsìfa, à mà bà Ŋaablà re Dzi Fɛnɛɛ baraka rɔ̀n waa.»

Korɛntsika reè jɔ̀naà 6:13

Ɲwɛyn ge rèè, twɛy doòn raa, doòn tɔ̀ yeè bà ɲwɛyn ge rèè raa. Ŋaablà to nà twɛy fiɛ̀ sa bara bo mɔn. Ŋà gɔɔ̀n, tɔ̀ na kɛ̀kɛ̀ɛ̀ybee raa waa. À Tsìfaà raa rìì, Tsìfaà yè bà à raa.

Korɛntsika reè jɔ̀naà 8:4

Tà doùn, nìi ɲɔ̀n saaka rèè shuà raa ɲɔn goo, mùn y'a tɔ̀ ci ɲɔ̀n pɛn na ni dziɲaan doùn waa, ŋaablà kpɛrɛ to na ni Ŋaablà soo tɛ̀y waa.

Efɛsika reè 1:3

Tsoo dzi yeè ɲɛn Ŋaa tsɛ, mùn Tsìfa Yesù Kirisà Fàà, wò riì yè e re Dzia dzwɛɛ̀ sapɛ ladzyèèmaa kuun mùn mà jìrànxɔɔ̀ doùn, Kirisà ɲàn.

Efɛsika reè 3:14

Tɔ̀ kamà, min kunun gbaàn Fà Ŋaablà biìn,

Kolosika reè 1:6

Tɔ̀ Kùnàgoo Dziɔ̀ dziu ye sa tsɛ a ci à dziu dziɲaan min niì sapɛ nìi tsuru è bà dzin bèe jɔun. À tɔ̀ soo sa faa ye fi, fɔ jisee riì ye Ŋaablà ɲanwùɔ gooma myɛun, y'a tɔ̀ sààben na.

Piyɛrì jɔ̀naà 1:21

Wò rii baraka ɲan, ye ɲɛɔ̀n Ŋaablà ra, wò riì y'à kpunan bou saàn ɲàn è nɔɔrɔɔ̀ sìn à ra, ye yè bà ni ɲɛn Ŋaablà ra, ye si yè bà xɔ à tsɛ.

Goo kpàdèuma rèè 1:18

Mun jaama. Mun saun, ŋà mun yɛ jaama, waatsi sen ɲɛn waatsi tsɛ. Saàn ko fùn nèè tàà sa neèdzian ni mun suun.