Korɛntsika reè jɔ̀naà 8:4 - Bible Dzùùngoo Unicode

⁴ Tà doùn, nìi ɲɔ̀n saaka rèè shuà raa ɲɔn goo, mùn y'a tɔ̀ ci ɲɔ̀n pɛn na ni dziɲaan doùn waa, ŋaablà kpɛrɛ to na ni Ŋaablà soo tɛ̀y waa.

Korɛntsika reè jɔ̀naà 8:4 ပူးပေါင်းရင်းမြစ်များ

Marikì 12:29

Yesù yè dzin à ra ci: «Ŋaablà dzugooma xɔù rìi ni dzyee rèè sapɛ jɔun, tɔ̀ rii siin. "A toro wɔ Isirayɛlì, mùn Tsìfa Ŋaablà rii Tsìfa soo pee.

Kɛɛradzin neè faadziɛ 14:15

«Mùn neema ì, ye fee rìì faa mìin nèe tsuru ? Ɲe sa mòdzin ì nì, a ci ye yɛ nìi tsuru. Ɲe naɔ̀ Kùnàgoo Dziɔ̀ rìì dè ye ra, gè riì ni à to, ye yè sèè bo nèe ɲɔ̀n nàfà bɛy ree rèè kpɛyn, ye yè e gban Ŋaablà jaamaa kpɛyn, tɔ̀ riì ŋaablaxɔɔ̀ ko dzɔ̀nxɔɔ̀ sa ɲɛun, è kòòyua ɲɛn, ko gè o ge ni twɛy sapɛ ɲan.

Kɛɛradzin neè faadziɛ 15:20

Ŋà, mùn yeè sɛbɛn ni ka è re, mùn y'a dè è ra tà doùn, ci è mà ɲɔ̀n kɔɔ shu tàà waa. Ci yè dzi e re saaniin fɛɛ̀ rà. Ci è mà shu còrò vuuma tàà waa, è to mà shu tsiin ɲɔn waa.

Kɛɛradzin neè faadziɛ 19:26

Àwà, nìi to fakɔɔn yɛ nèe, ye jaà ni à ra, y'a dèkɔɔn myɛɛ̀n. Poli tsoo ree y'à dèe, ci mòdzian rè gè maana lamɔ̀nɔ̀nkɔɔn reè, ci è ɲɔ̀n, twɛy na gèsɔn pɛn waa. À dziɔ̀ mòò giri dzuun tɔ̀ goomaa ka nòn. À goò na daɔ̀n mìin Efɛsì dànmaùn dɛ, à Azhi jamaan gàne giri kaa kuɔn nòn.

Korɛntsika reè jɔ̀naà 8:1

Àwà nìi ɲɔ̀n saaka rèè shuà raa kàjaa, à sààben, mùn y'a tɔ̀ ci twɛ̀ɛ ni mùn sapɛ ɲan. Ŋà twɛ̀ɛ gè riì, tɔ mòdziìn blàbee e yɛr'le. Kɛ̀nbààbee rìì fààn wɔɔ̀ mòò ɲàn.

Korɛntsika reè jɔ̀naà 8:10

È ɲɛn à tsɛ, twɛ̀ɛ ni wo rìi ɲàn, mòò riì akir'là fàan dzyɛ̀n, tɔ̀ ye wo tsùuŋma jà ɲɔ̀n gba doùn ɲwɛyn na, tɔ̀ fa bà saabu tɔ̀ kùùn yè xɔbe ɲɔ̀n sààkà shù ɲɔɔn nà ɔ̀ ?

Korɛntsika reè jɔ̀naà 8:11

Tà tsuru, Kirisà saun tɔ̀ neema faàn bɛy riì kamà, wo raa twɛ̀ɛ nà tɔ̀ bara.

Galatsika reè 4:8

Dan, ye naà Ŋaablà tɔ waa, ye to na ge ì rè jòn, nìì reè naà Ŋaablà takia waa.

Efɛsika reè 4:6

Ŋaablà soo pe rii ni, tɔ̀ riì mùn sapɛ Fa, à ni mùn sapɛ kuùn, à faagoò faa mùn sapɛ ka, è bà ni mùn sapɛ ɲan.

Tsìmotè jɔ̀naà 1:17

Màsa riì ni tsuù kudɛyn, à na saàn, à na jaà, Ŋaablà soo pee, arì she, blàbee ko nɔɔrɔɔ̀, tɔ̀ yeè ɲɛn à tsɛ, waatsi sen ɲɛn waatsi tsɛ ! Àmiinà !

Tsìmotè jɔ̀naà 2:5

È ɲɛn à tsɛ, Ŋaablà soo pe rii ni, ko sòrònfabaa soo à ko adamàdzin mòdzin neè fi, nìi Yesù Kirisà, adamàdzin mòdzin.

Yudè 1:25

Ŋaablà soo pee, mùn Tsibaà, Yesù Kirisà, mùn Tsìfaà, tɔ̀ baraka ɲan, nɔɔrɔɔ̀, ko màsàbee, ko dzibaabee, ko kùntsììbee, twɛy yè ɲɛn à tsɛ è sen fɔ dan, è nà dòònuùn nà, è be suu fɔ waatsia sapɛ dzu. Àmiinà !