Korɛntsika reè jɔ̀naà 7:34 - Bible Dzùùngoo Unicode

³⁴ Tà doùn, à taraɔ̀ kàjaa fii rèe fi. Tɔ̀ soo tsuru, tàan nìi na kpiri seòn waa, ko canguru kpiri tɔ bɛɛ, twɛy vyɛ̀ɛ̀ymaà Tsìfaà raa goo rèè rìì, gè riì ni à to yè fɛnɛbe gɔɔ̀n ko akir'là kàjaa tsɛ. Ŋà tàan nìi furuɔ̀, tɔ vyɛ̀ɛ dziɲaan raa goò rìì ka. È ɲɛn à tsɛ, à y'à gaa wò goo yè dzibe e re kpir'la rà.

Korɛntsika reè jɔ̀naà 7:34 ပူးပေါင်းရင်းမြစ်များ

Yùxanà 10:13

À vwɛ̀ɛ tà tsuru, kàtsu à faagoo rèe faa sàr'lì kpɛyn, sàà rèè, twɛy na à vyɛ̀ɛ goo waa.

Ɔ̀rɔ̀mùnka reè 6:13

E maà e gɔɔ̀n min sɔn pɛn to gooɲaan suun, è bà terenbɛybeè rè faagoo faa gè waa. Ŋà ye e yɛrɛ sin Ŋaablà ra a ci mòdzin ì, nìì reè sèè kpunan bou saàn ɲàn, yè bà jaama, è gɔɔ̀n min niì sapɛ yeè bà ni terenbee faagoo rà Ŋaablà re.

Korɛntsika reè jɔ̀naà 6:20

È ɲɛn à tsɛ, ye kùngɔ mabou kpàxɔù rà. Tà doùn, ye nɔɔrɔ ɲɛn Ŋaablà tsɛ e gɔn nɔ̀n !

Korɛntsika reè jɔ̀naà 7:33

Ŋà mòò riì furu faɔ̀, tɔ vyɛ̀ɛ dziɲaan raa goo rèè rìì ka, è ɲɛn à tsɛ à y'à gaa wò goo yè dzibe e re tààn nà.

Korɛntsika reè jɔ̀naà 7:35

Àwà ye nàfa rìì kamà, mun tɔ̀ dèe ye ra. À na ni a ci m'a bàa ye mà fààn waa, ŋà ye bà ni goo fa nìi wù, ye yè bà shiɔ̀ Tsìfaà rà, ye mà tara waa.

Korɛntsika reè fiiraa 11:28

gooma na ni goo dzyee reè mà. Mun ne màan ji o ji seroun vyɛ̀ɛ̀ymaà yè ɲɛn tɔ̀ sapɛ tsɛ, nìi ɲɛynamoo kur'lèè raa goò kɛ̀sɛɛ̀.

Korɛntsika reè fiiraa 8:16

Tswɛy Ŋaablà raa, è ɲɛn à tsɛ, à tɔ̀ goò sɔ̀bɛ̀nbe wɔu Tsitè ɲàn ye kàjaa tsɛ, a ci à ni mun sa duùn nìi tsuru.

Filipika reè 1:20

È kòrò mun kɔɔtɔuma nìi màshua, mun si yè bà xɔ à tsɛ, mun fa seey goo sɔn pɛn na waa. Ŋà mun akiri tsùuŋnà, ci dòònuùn ko waatsi sapɛ, Kirisà blàbee nà kpàdè mun gɔn nɔ̀n, è mun to jaama tàmafa min bà saɔn.

Tesalonikika reè jɔ̀naà 5:23

Arì she, jaanciàn tsìfa Ŋaablà yeè e ko e kur'la fɛnɛbe. À yè e akir'là, ko e xɔɔn, ko e gɔɔ̀n sapɛ ladzyèèmaa màrà, jààma mà jà è ra, mùn Tsìfa Yesù Kirisà nà sii sèè waa.

Tsìmotè jɔ̀naà 3:5

È ɲɛn à tsɛ, mòò riì na dziɔ̀ e yɛr'la rè tsun'nà nà, tɔ nà dzi Ŋaablà re ɲɛynamoo kur'là ladɔn dzùrù ?

Tsìmotè jɔ̀naà 5:5

Fùnshɔ̀ùntaan takia, nìi too e soone, tɔ̀ yeè e sixɔbeò Ŋaablà tsɛ è bà à màfyɛ̀ɛn fyɛ̀ùn'n kur'la sapɛ, feèn ko bwèè sa.

Tsitè 3:8

Nèe gooma, mòo dzia ɲɛn nìi rà, mun to y'à gaa wo y'à dè, wo y'à tsi à tsɛ. Tà tsuru, nìì reè sapɛ ɲɛɔ̀n Ŋaabla ra, yè bà ni e maxɔbe, yè bè jɔun goowuu faa rà. Nìi wù, nàfa yè bà ni à ɲan adamàdzin nèè rè, tɔ tɔ̀ rii.