Korɛntsika reè jɔ̀naà 7:25 - Bible Dzùùngoo Unicode

²⁵ Àwà nìì reè na furu ŋe, pɛn na ni mun ne m'a dè twɛy rà Tsìfaà rè dè ɲàn waa. Ŋà min n naa akir'la rii sìan, nìi mòdzin naa, mòo dzia ɲɛn nìi rà è ɲɛn Tsìfaà màtsuruumaà tsɛ mun na.

Korɛntsika reè jɔ̀naà 7:25 ပူးပေါင်းရင်းမြစ်များ

Korɛntsika reè jɔ̀naà 15:10

Ŋà, mun nìi she, mun bàu tɔ̀, Ŋaablà ɲanwùɔ rìì baraka ɲan. À ɲanwùɔ to na ba goo maana mun kàjaa tsɛ waa, è ɲɛn à tsɛ, mun faagoò fau è geren è sapɛ tsɛ. À to na mun yɛ̀r'la waa, fɔ Ŋaablà ɲanwùù riì ni mun ka.

Korɛntsika reè jɔ̀naà 4:2

Tɔ̀ to y'à tàrà, nìi gaa goojaabobaà rè, tɔ̀ rii yɛ, mòò yè ɲɛn à ra.

Korɛntsika reè jɔ̀naà 7:10

Nìì reè furuɔ̀, mun nìi dèe twɛy ra, à to na mun dèvu waa, à Tsìfaà rìì dèvu, tɔ̀ rii yɛ, ci taàn mà bo e re kpir'la rè waa.

Korɛntsika reè jɔ̀naà 7:12

Nìi dzyee rèè, mun nìi dèe twɛy rà, à to na Tsìfaà dèvu waa, tɔ̀ rii yɛ ci ɲɛynabɛy taàn sɔn ye ba ni mùn neema kpir'la sɔn ne, à to y'à jà ci wo dzia tsùɔ̀ fa à re, à mà à bàji waa.

Korɛntsika reè jɔ̀naà 7:28

Ŋà e furu fa, a na gooɲaan faɔ̀ waa. Cangur'liì na kpiri tɔ, tɔ̀ sa ye furu, à na gooɲaan faɔ̀ waa. Ŋà furu fa reè nà byɛnbe riì jà e re jaamabee ɲàn, mun n'a re min ye tààn tɔ̀ rii mà.

Korɛntsika reè jɔ̀naà 7:34

Tà doùn, à taraɔ̀ kàjaa fii rèe fi. Tɔ̀ soo tsuru, tàan nìi na kpiri seòn waa, ko canguru kpiri tɔ bɛɛ, twɛy vyɛ̀ɛ̀ymaà Tsìfaà raa goo rèè rìì, gè riì ni à to yè fɛnɛbe gɔɔ̀n ko akir'là kàjaa tsɛ. Ŋà tàan nìi furuɔ̀, tɔ vyɛ̀ɛ dziɲaan raa goò rìì ka. È ɲɛn à tsɛ, à y'à gaa wò goo yè dzibe e re kpir'la rà.

Korɛntsika reè jɔ̀naà 7:40

Ŋà mun nìi jàa ci à fyan à mà, tɔ̀ rii yɛ è to a ci à ni nìi tsuru. Mun sa kpɛyn akir'là rà, Ŋaablà re Dzia ni mun ɲan.

Korɛntsika reè jɔ̀naà 7:6

Mun nèe dèe m'a ka shi rii kpàdè ye ra, à na goo jikɔɔn ye jɔun waa.

Korɛntsika reè fiiraa 11:17

Mun nà nìi dè, mun na tɔ̀ dèe è bo Tsìfaà ɲàn waa, ŋà m'a dèe rìì a ci akiribɛy, min bà ɲɛɔ̀n à ra ci kun ni mun ne, m'a ka n yɛrɛ blabe.

Korɛntsika reè fiiraa 2:17

Mòò giri ni, twɛy Ŋaablà re Goomaa baɔ̀ durukun. Ɲe na ni a ci twɛy waa. Ɲe goomaa fyɛɔ rìì tsɛ. Ɲe tɔ̀ faa è bo Ŋaablà rii lè, Ŋaablà jaa ra, ko Kirisà ɲàn.