Korɛntsika reè jɔ̀naà 7:19 - Bible Dzùùngoo Unicode

¹⁹ A shɛun o, a na shɛn ò, tɔ̀ sɔn na pɛn waa. Nàfa ni nìi ɲàn, tɔ̀ rii yɛ, e Ŋaablà dzugooma xɔù rèè shi jiì.

Korɛntsika reè jɔ̀naà 7:19 ပူးပေါင်းရင်းမြစ်များ

Matsiyù 5:19

Tà doùn, mòò o moò ye to Ŋaablà dzugooma xɔù rèè soo latsùù bɛy, arì è ɲan kiɲaaniàn, è mòdzian kàràn ci è sa y'a fa tà tsuru, tà tsìfa sa nà kiri Jìrànxɔɔ̀ Màsàbee doùn mòdzin kiɲaaniàn. Mòò o moò to nà è shi jiì, à yè è kàràn dzyee rèè sa ra, tɔ nà kiri Jìrànxɔɔ̀ Màsàbee doùn mòdzin blaa.

Yùxanà 15:14

Mun ci ye yè nìi fa, e kpɛynto ye tɔ̀ shi jiì, e mun dzunwɛynsi ì.

Ɔ̀rɔ̀mùnka reè 3:30

À tɔ̀ tsuru, è ɲɛn à tsɛ, Ŋaabla soo rii, è bà à kpàdèe ci mòdzin shɛunma ko shɛnbɛy sa tereòn ɲɛynaà baraka rɔ̀n.

Korɛntsika reè jɔ̀naà 8:8

Àwà ɲwɛyn nì fa mùn kpɛ̀rɛ̀ Ŋaablà ra waa. Mùn y'a ɲɔun o tɔ̀ fa gè bà mùn tɛ̀y, mùn to na à ɲɔn ò tɔ̀ fa gè bo mùn na.

Galatsika reè 3:28

Tà doùn, Dzyèèsìbee mòdzin na ni dɛ, kun kpɛrɛ mòdzin to na ni dɛ. Jòn na ni dɛ, xɔrɔn to na ni dɛ. Kpiri na ni dɛ, tàan to na ni dɛ. È ɲɛn à tsɛ Yesù Kirisà ɲàn, è sapɛ bàu soo.

Galatsika reè 5:6

Àwà Kirisà ɲàn, a shɛun o, a na shɛn ò, nàfa na ni tɔ̀ pɛn ɲan waa. Ŋà nàfa ni nìi ɲàn, tɔ̀ rii yɛ, ɲɛyna nìi faagoò faa kɛ̀nbààbee baraka ɲan.

Galatsika reè 6:15

È ɲɛn à tsɛ, a shɛun o, a na shɛn ò, tɔ̀ pɛn na kùn waa. Nàfa ni nìi ɲàn, e bà gè ɲɛunma yeu.

Kolosika reè 3:11

È ɲɛn tɔ̀ tsɛ, kun kpɛrɛ mòdzin na ni dɛ, Dzyèèsìbee mòdzin to na ni dɛ. Mòdzin shɛunma na ni dɛ, shɛnbɛy to na ni dɛ. Jòòndzin na ni dɛ, mòdzin jaadzii san bɛy to na ni dɛ. Jòn na ni dɛ, xɔrɔn to na ni dɛ. Kirisà rìì gè sapɛ sa, è bà ni mùn sapɛ ɲan.

Goo kpàdèuma rèè 22:14

Nìì reè yè e re vya rèè fòò fyɛɛ̀, yè bà ni dzi jaamabee gɔɔ̀ dzian sɔn tarà ɲɔn, yè dɔ̀n wɔ̀ɔ̀ doùn à dɔ̀nmàdzii reè rà, twɛy raa wùbeu !