Korɛntsika reè jɔ̀naà 6:9 - Bible Dzùùngoo Unicode

⁹ Ye na à tɔ̀ ci terenbɛy goo fa reè nìn na ni Ŋaablà re màsàbee ɲàn ɔ̀n ? E maà e yɛrɛ maniin dɛ ! Kɛ̀kɛ̀ɛ̀y gòò fa reè, ko ɲɔ̀n kɔ reè, ko ɲànmɔ̀ɔ̀bè fa reè, ko kpiri ì bàuma tàan ì, ko kpiri ko kpiri gaa reè,

Korɛntsika reè jɔ̀naà 6:9 ပူးပေါင်းရင်းမြစ်များ

Matsiyù 19:29

Àwà, mòò o moò to nà kaari e re gbà rèè shɔ̀ùn, è kaari e tseyn nèè, tàmafa e tsinà rèè, tàmafa e naà, tàmafa e faà, tàmafa e dzin nèè, tàmafa e re dzù rèè shɔ̀ùn mun tsoò kamà, tɔ nà twɛy tsuru càànmoò tàrà, è sèè kɔn è jaamabe dziù dòbɛɛ tàrà shɛn.

Matsiyù 25:34

Tà doùn, nìì reè ni màsà kpir'là sirama sia rè, à nà dzin twɛy rà ci: "Mun Fà Ŋaabla dzwɛ kuɔn ye nìì reè mà, ye nà. Màsà gane riì mabyɛ̀n tsùuŋnà ye re fɔ dziɲaan jɔ̀n bwey, ye nà dɔ̀n mɔn, y'a bà e re shɛn.

Lukì 21:8

Yesù yè dzin ci: «Ye e yɛrɛ kaàwɔ, e maà à to mòò yè e san fìrì waa. A y'a jà min tɔ̀ dè, mòò giri nà nà mun tsoo ka, yè nà dzin, ci ye rìì Ŋaablà Jaara Modzìàn, ci dziɲaan dò bwey to tsyɛnbeu. Ŋà, e maà e gban twɛy kpɛyn dɛ !

Kɛɛradzin neè faadziɛ 20:32

Àwà dòònuùn, à tou min ye kɛ̀ɛ̀yfa Ŋaablà ma, min ye kɛ̀ɛ̀yfa à ɲan wùɔ goomaa mà. Ye ɲɛn niì faɔ̀ à ra, à dzi n'a na, è fààn wɔ ye ɲan tà doùn. À nìì reè bo jiɔ̀ e si, yè bà à raa, à goo wùù wuu niì reè ŋɛ̀nɛ̀ɲaɔ̀n twɛy ka, è tɔ̀ sa sin ye ra.

Kɛɛradzin neè faadziɛ 24:25

Ŋà, tɔ̀ goomaa doùn, mòo wù è re jaamabee fa fau'n kur'liì rà, è bà jaamabe wùù Ŋaablà re, mòo wù è dzi e yɛrɛ dzuun nìi tsuru, ko Ŋaabla nà kitsi riì kùnùn mòdzian sapɛ dzyeèma tsɛ sii sɔn see, Polì dzii yè wɔ tɔ̀ sapɛ tsɛ. Àwà, Fèlisì dziu twɛy gooma reè myɛ̀n min niì, è shi, è dzin Pol'là ci: «Ke raà wù nèe tsuru, a dzia a kpɛyn sèè. Min na waatsi kpɛrɛ tàrà, mun nà wo kiri kɔn.»

Ɔ̀rɔ̀mùnka reè 1:18

Àwà, mòdzian shibɛybeè Ŋaablà jɔun ko è re terenbɛybeè kamà, Ŋaablà re vununtaà yè e kpadeò è bo jìran nɔ̀n. È re terenbɛy goo reè saabu rɔ̀n, è sààbeen màmɛnɛɔn.

Korɛntsika reè jɔ̀naà 15:33

E maà e san fìrì waa, dzyèèsi ɲaan neè dɛ̀ɛ̀y goo wùù reè bar'la.

Korɛntsika reè jɔ̀naà 15:50

Neema reè, mun nìi dèe, tɔ̀ rii siin: Shutswɛɛ ko tsìɛn na dzia Ŋaablà re màsàbee tàrà shɛn waa, fyeekɔɔnbeè to na dzia fyeebɛybeè tàrà shɛn waa.

Korɛntsika reè jɔ̀naà 3:16

Àwà ye na à tɔ̀ ci ye Ŋaablà re gbà blàa rìì, à re Dzia yè bà e tsuuŋnà ye ɲan ɔn ?

Korɛntsika reè jɔ̀naà 5:1

Àwà mùn y'a myɛ̀ɛn min niì sapɛ, ci kɛ̀kɛ̀ɛ̀ybe ni ye fi, arì nìi kaatsi na ni ɲɛynabɛy reè tsu fi waa. À dèe ci ye ɲan, sɔn ni e fa rè tààn ka.

Korɛntsika reè jɔ̀naà 5:10

Ŋà, à na dziɲaan kɛ̀kɛ̀ɛ̀y gòò fa reè ko e kuru gooma dekɔɔn waa, à to na à wàsà bɛy reè ko jàànfà moo rèè, ko à ɲɔ̀n kɔ reè gooma dekɔɔn waa. È ɲɛn à tsɛ, è ba na twɛy rìì, fɔ ye yè bo dziɲaan doùn nì.

Korɛntsika reè jɔ̀naà 5:11

Ayi, à na twɛy gooma dekɔɔn waa, ŋà mun ye sɛbɛun ci ye mà dzyèè mòò riì ka, tɔ nìi ci wo ye neema, à to ni kɛ̀kɛ̀ɛ̀y goo fyɛ̀ùn, tàmafa à na wasaa, tàmafa à ɲɔ̀nkɔbaa, tàmafa à ni ɲɛ̀ɛn nì fyɛ̀ùn, tàmafa à dɔ̀ɔ̀kɔɔn, tàmafa à jàànfà moo. E maà ɲwɛyn tsu rii ɲɔn tɔ̀ mòdzìn kaatsià ka waa.

Korɛntsika reè jɔ̀naà 6:10

ko shɔn rèè, ko wàsà bɛy reè, ko dɔ̀ɔ̀kɔɔn reè, ko ɲɛ̀yn fa reè, ko jàànfà moo rèè, twɛy nìn na ni Ŋaablà re màsàbee ɲàn waa.

Korɛntsika reè jɔ̀naà 6:18

Ye vwɛ̀yn kɛ̀kɛ̀ɛ̀ybee jɔun ! Mòdzin gooɲaan dzyee niì reè sapɛ faa, à sapɛ gɔɔ̀n dà kèrè goo, ŋà kɛ̀kɛ̀ɛ̀ybee, tɔ gooɲaan, à nìi faa e yɛr'la gɔɔ̀n rà.

Korɛntsika reè jɔ̀naà 6:19

Tàà ye na à tɔ̀ ci ye gɔɔ̀n Ŋaablà re Dzi Fɛnɛɛ rè gbà blàa rìì ɔ̀, Ŋaabla tɔ̀ niì siɔ̀n ye ra, è bà ni ye ɲan ? Tà doùn, ye na e yɛr'laa dɛ !

Korɛntsika reè jɔ̀naà 9:24

Ye na à tɔ̀ ci nìì reè vwɛ̀ɛ vwɛ̀ynfama nɔ̀n, ci è sapɛ kpɛyn vwɛ̀ɛ, ŋà mòò sɔn nì blàbè geè tàr'la ɔ ? E sa yeè vwɛ̀yn, ye bà ni tɔ̀ blàbè geè tàrà.

Korɛntsika reè fiiraa 12:21

Mun shiɔ̀ ci mun nà nà dɔ̀n bo rìi fa ye re mɔn kɔn, mun ne Ŋaabla mà nà bè mun màjàà ye kamà waa. Mun mà nà gɛyn mòò giri kamà, twɛy nìì reè sapɛ gooɲaan fa dɔun è to na e tsiiŋnà yè e re jaamabee fau'n kur'la lakere, yè sèè bo e re nookɔɔn goo reè, ko e re kɛ̀kɛ̀ɛ̀ybè goo reè, ko e re seeybɛybe goo reè kpɛyn waa.

Galatsika reè 6:7

E maà e yɛrɛ maniin dɛ, mòò na jiraàn Ŋaablà ma waa. E gèdzin niì sì, a tɔ̀ shìmàndzian nì gaa.

Kolosika reè 3:5

Tà doùn, dzɔ̀nxɔɔ̀ tsɛ raa juu riì ni e ɲan, ye tɔ̀ vu bo e ɲan nìi yɛ kɛ̀kɛ̀ɛ̀ybeè, noo, gɔɔ̀n dzibee goo, kur'la goo ɲaan, jaacɛnbɛybeè, tɔ̀ niì ko ɲɔ̀n kɔ sa soo.

Dzyèèsìbee mòdzin neè 12:14

Ye e maxɔbe, jaancin yè bà ni e ko mòdzian sapɛ fi. Ye e yɛrɛ fɛnɛbe, ye bà Ŋaablà raa. Tɔ̀ ma fa fyeu, mòò pɛn jaa fa ɲɛn Tsìfaà mà waa.

Dzyèèsìbee mòdzin neè 12:16

Ye e yɛrɛ kaàwɔ sa, mòò pɛn mà nà bà mòdzin kɛkɛ̀ɛ̀yra waa. Mòò pɛn to mà bà goo fɛnɛɛ noobaa, a ci Isawù waa, tɔ̀ niì yè e re dzin jɔna shɛɛn ɲancinaun, ɲwɛyn ɲɔn soo ka.

Dzyèèsìbee mòdzin neè 13:4

Mòdzian sapɛ yeè blà wɔ fur'la ɲàn. Kpir'la ko taàn pɛn na wù yè ɲànmɔ̀ɔ̀be fa waa, kàtsu, Ŋaabla nà kitsia kunun kɛ̀kɛ̀ɛ̀yra reè ko ɲànmɔ̀ɔ̀bè fa reè tsɛ.

Yàkubà 1:16

N neema ì, mun ye nìì reè kɛ̀niɔ̀n fɔ è bè geren, e maà e san fìrì waa.

Yùxanà jɔ̀naà 3:7

N ne dziniin ì, e maà à to mòò pɛn yè e san fìrì. Mòò riì terenbee goo rèè shi jiɛ, tɔ tereòn a ci Kirisà sa tereòn nìi tsuru.

Goo kpàdèuma rèè 21:8

Ŋà nìi shiɲaàn nèè, ko ɲɛynabɛy reè, ko Ŋaablà cɛn goo fa reè, ko mòdzìn vu reè, ko ɲànmɔ̀ɔ̀bè fa reè, ko tɔ̀gòòtsi rèè, ko ɲɔ̀n kɔ reè, ko doo de reè sapɛ, twɛy nà bè sà blàa ko gìrìbià ɲàn, tɔ̀ niì saàn fiiraa.»

Goo kpàdèuma rèè 22:15

Nìì reè nà to da rɔn, twɛy rìì siin: Kɛ̀kɛ̀ɛ̀y gòò fa reè, tɔ̀ gòò fa reè, goo nooŋma fa reè, vui fa reè, ɲɔ̀n gòò fa reè ko nìì reè sapɛ ni doò fyɛ̀ùn.