Korɛntsika reè jɔ̀naà 5:8 - Bible Dzùùngoo Unicode

⁸ Tɔ̀ kamà mìn sɛr'là fa, mùn mà à fa ko buru fua gè bɔrɔɔ ka waa, mùn to mà à fa ɲaan ko ɲanbee buru fua gè ka waa. Ŋà mùn y'a fa buru ka, buru fua gè na ni nìi ɲan waa, nìi yɛ e fyɛ, ko sààbeen.

Korɛntsika reè jɔ̀naà 5:8 ပူးပေါင်းရင်းမြစ်များ

Matsiyù 16:12

Tɔ̀un y'à tɔ̀, ci à na dziàn ye ra ci ye yè e yɛrɛ kaàwɔ buru fua gè rà waa, ŋà ye yè e yɛrɛ kaàwɔ Faridziɲɛn rèè ko Sadusiɲɛn rèè rè kàr'nà nì nà.

Matsiyù 16:6

Yesù yè dzin è ra ci: «Ye e yɛrɛ kaàwɔ Faridziɲɛn rèè ko Sadusiɲɛn rèè rè buru fu geè rà !»

Marikì 8:15

Yesù to y'à dè màxɔbe è ra ci: «Y'a jàa dɛ, ye e yɛrɛ kaàwɔ Faridziɲɛn rèè rè buru fu geè, ko Erodzì rè buru fu geè rà.»

Lukì 12:1

Tɔ̀ waatsia ɲàn, mòdzian yè nà e ladzyèè giri Yesù tɛyn. È giribe ɲaanfaa suun, fɔ yè tèen e si sànkòò tsɛ. È giribee na mòdzin gbaa dànman boò. À yè è to jàmaà fi, Yesù yè goomaa dzii kun e re kàràndzin nèè jɔ̀na ka ŋe. È gooma bɔɔ soo de è ra nèe tsuru ci: «Ye e yɛrɛ kaàwɔ Faridziɲɛn rèè rè buru fu geè rà, nìi yɛ è re duungoofiibeè.

Yùxanà 1:47

Àyìwà, Yesù Natanayɛlì nàkɔɔn jau e ra, è dzin à re goò ɲàn ci: «Nèe Isirayɛlidzin taki takì rìì yɛ nèe. À re goò sapɛ fyɛɔ.»

Korɛntsika reè jɔ̀naà 3:3

È ɲɛn à tsɛ arì she, dziɲaan goo rèè ni ye ɲan. È jaaɲininbeè ko kaà to ye fi, tɔ̀ na à kpàdèe ci dziɲaan goo rèè ni ye ɲan, ye juɔ yè bà mòdzìn juu ɔ ?

Korɛntsika reè jɔ̀naà 5:1

Àwà mùn y'a myɛ̀ɛn min niì sapɛ, ci kɛ̀kɛ̀ɛ̀ybe ni ye fi, arì nìi kaatsi na ni ɲɛynabɛy reè tsu fi waa. À dèe ci ye ɲan, sɔn ni e fa rè tààn ka.

Korɛntsika reè jɔ̀naà 5:6

Kùn na ni ye re yɛ̀rɛ̀blàbee rà waa. Ye na à tɔ̀ ci buru fua gè kiɲaanin nì buru fa guuŋmaà sapɛ furà ɔ̀ ?

Korɛntsika reè fiiraa 1:12

Àwà ɲe raa yɛ̀rɛ̀blàbè kuàn nì yɛ, ɲe akir'là shɛɛrɛbe riì boò ɲe tsɛ, nìi yɛ ci ɲe yè e re jaamabee fau dziɲaan doùn duungoosoobe ko duunfyɛ ka è bo Ŋaablà ɲan, ye kàjaa tsɛ raà yè geren. Tɔ̀ na fa adamàdzin mòdzin ne akiritsifabe baraka ɲan waa, ŋà Ŋaablà ɲanwùɔ baraka rɔ̀n.

Korɛntsika reè fiiraa 2:17

Mòò giri ni, twɛy Ŋaablà re Goomaa baɔ̀ durukun. Ɲe na ni a ci twɛy waa. Ɲe goomaa fyɛɔ rìì tsɛ. Ɲe tɔ̀ faa è bo Ŋaablà rii lè, Ŋaablà jaa ra, ko Kirisà ɲàn.

Korɛntsika reè fiiraa 8:8

Mun na à dèe ci m'a ka goo ji ye jɔun dɛ, ŋà m'a dèe rìì, min dzyee rèè raa sɔ̀bɛ̀nbee kpàdè ye ra, nìi ni dzi ba saabu ye sa yeè e re kɛ̀nbààbee sààbeen kpàdè.

Efɛsika reè 6:24

Nìì reè sapɛ mùn Tsìfa Yesù Kirisà kɛ̀niɔ̀n, kɛ̀nbààbe dobɛy ka, arì she, Ŋaablà yeè e ɲanwùɔ kpàdè twɛy sapɛ ra !

Piyɛrì jɔ̀naà 4:2

Tà tsuru à mà nà e re jaamabee fa adamàdzin mòdzin neè raa kur'la goo reè tsɛ dɛ waa, ŋà à y'à fa Ŋaablà raa sàɔ tsɛ, e re waatsi dzyee faramaà doùn dzɔ̀nxɔɔ̀ tsɛ.