Korɛntsika reè jɔ̀naà 5:13 - Bible Dzùùngoo Unicode

¹³ Dà dzin neè, Ŋaablà rii nà twɛy raa kitsia kùnùn. Ye, ye gooɲaanfabaà kaa bo e fi, a ci à sɛbɛɔ̀n Ŋaablà re Goomaa doùn nìi tsuru.

Korɛntsika reè jɔ̀naà 5:13 ပူးပေါင်းရင်းမြစ်များ

Matsiyù 18:17

À ye e nɔn ci wò fa twɛy tsu raà myɛ̀n, à dè ɲɛynamoo kur'là rà. À maa e tsiì è ɲɛynamoo kur'là tsu raa myɛ̀n, tà bwèy à jàtsi kun Ŋaabla tɔ bɛy, tàmafa xɔnsɔɔntsibaa.

Kɛɛradzin neè faadziɛ 17:31

È wù yè tɔ̀ fa, kàtsu, Ŋaabla jisee soo rii tsùuŋnà nìi sii sèè, à nà kitsia kùnùn dziɲantsiɛ mòdzian sapɛ tsɛ, sààben ka. Àwà, à mòò sɔn dzin soo rii boo e jaa ra, è tà tsùù à goo rèè shi jɔun. À goo rìi ka tɔ̀ kpàdèe mùn na, tɔ̀ rii bàu tɔ̀ mòò sɔɔ̀n saunmaà, à y'à sèè kpunan e shɔùn, è bo fùn nèè fi.»

Ɔ̀rɔ̀mùnka reè 2:16

Ŋaablà ye ba nà mòdzian rè goo mɛnɛunma rèè kitsi kunun jisee riì, è bo Yesù Kirisà ɲàn, a ci mun ne Kùnàgoo Dziɔ̀ y'à dèe nìi tsuru, tɔ̀ sapɛ nà kpàdè tɔ̀ sii sèè.

Korɛntsika reè jɔ̀naà 5:1

Àwà mùn y'a myɛ̀ɛn min niì sapɛ, ci kɛ̀kɛ̀ɛ̀ybe ni ye fi, arì nìi kaatsi na ni ɲɛynabɛy reè tsu fi waa. À dèe ci ye ɲan, sɔn ni e fa rè tààn ka.

Korɛntsika reè jɔ̀naà 5:2

Arì she ye to yè e yɛrɛ blabee ŋe. N ci tɔ̀ na wù è bà taamaŋununbe brìsi rìì ye re, nìi nà bà saabu mòò riì tɔ̀ goò faɔ̀, ye tɔ̀ kaa bo e fi !

Korɛntsika reè jɔ̀naà 5:5

tɔ mòò riì, è wɔ Sùtana suun, gè riì ni à to à gɔɔ̀n yè bara, à xɔɔn yè bà ni tsiuma tàrà Tsìfaà raa jisee sii sèè.

Korɛntsika reè jɔ̀naà 5:7

Tɔ̀ doùn, ye e foò fyɛ bo buru fua gè bɔrɔɔ ɲàn, ye bà a ci buru fa guuŋma yeu è ɲɛn à tsɛ buru fua gè na ni ye ɲan dɛ, kàtsu Kirisà, ɲe re Geren n tsɛɛ̀ sɛr'là sààtòmòìriɛ bou saaka.

Dzyèèsìbee mòdzin neè 13:4

Mòdzian sapɛ yeè blà wɔ fur'la ɲàn. Kpir'la ko taàn pɛn na wù yè ɲànmɔ̀ɔ̀be fa waa, kàtsu, Ŋaabla nà kitsia kunun kɛ̀kɛ̀ɛ̀yra reè ko ɲànmɔ̀ɔ̀bè fa reè tsɛ.

Piyɛrì fiiraa 2:9

Tɔ̀ y'a kpàdèe ci nìì reè shia Ŋaablà jɔun, Tsìfaà twɛy tsiu'n kuru tɔ e byɛɛn goo rèè rà, è bà terenbɛy reè to tsùuŋnà, è bà ni è byɛn kitsia jisee sii sèè.