Korɛntsika reè jɔ̀naà 5:11 - Bible Dzùùngoo Unicode

¹¹ Ayi, à na twɛy gooma dekɔɔn waa, ŋà mun ye sɛbɛun ci ye mà dzyèè mòò riì ka, tɔ nìi ci wo ye neema, à to ni kɛ̀kɛ̀ɛ̀y goo fyɛ̀ùn, tàmafa à na wasaa, tàmafa à ɲɔ̀nkɔbaa, tàmafa à ni ɲɛ̀ɛn nì fyɛ̀ùn, tàmafa à dɔ̀ɔ̀kɔɔn, tàmafa à jàànfà moo. E maà ɲwɛyn tsu rii ɲɔn tɔ̀ mòdzìn kaatsià ka waa.

Korɛntsika reè jɔ̀naà 5:11 ပူးပေါင်းရင်းမြစ်များ

Matsiyù 18:17

À ye e nɔn ci wò fa twɛy tsu raà myɛ̀n, à dè ɲɛynamoo kur'là rà. À maa e tsiì è ɲɛynamoo kur'là tsu raa myɛ̀n, tà bwèy à jàtsi kun Ŋaabla tɔ bɛy, tàmafa xɔnsɔɔntsibaa.

Matsiyù 23:25

Ye Sàrìyà Kaamoo reè ko Faridziɲɛn rèè, byɛnbe ye nìn, duungoofiitsi ì ! Byɛnbe ye nìn, kàtsu ye yè e re yukuun neè ko ɲwɛyn ɲɔɔn kondo rèè bòùn nèè fòò fyɛɛ̀, tɔ̀ to y'à tàrà, è doùn nèè tsyɛɔ̀n ye re nanmara goo reè ko ye juu ɲaan nà.

Lukì 18:11

Faridziɲɛn kpir'là, è bè e tsiì e san tsɛ, è Ŋaablà mafyɛ̀ɛn e duùn nèe tsuru ci: "Ŋaablà, n ne tswɛ̀y ni a re, kàtsu, mun na ni a ci mòdzìn dzyee reè tsuru waa. Twɛy nìì reè shɔnbeè faa, è gooɲaan faa, yè bà ɲànmɔ̀ɔ̀bee faa. N ne tswɛ̀y yeè bà ni a re, kàtsu, mun na ni a ci nèe xɔnsɔɔntsibaa rèe tsu waa.

Lukì 21:34

Ye e yɛrɛ kun ! E maà to ji tsuù ɲwɛyn bla bla ɲɔɔn, ko mìɛn ko dziɲan kpɛyn màànkàn goo reè vyɛ̀ɛ̀ rà, fɔ Adamà dziàn nà jisee yè bè bàràma e ɲan waa.

Kɛɛradzin neè faadziɛ 1:15

Àwà, sii sɔn see, kàràndzin neè yè nà e ladzyèè kɔn, è giribee yè bà na mòkun caànmoò ko dzin mòò boò. Tɔ̀ sii sèè, nìi Piyɛrì, tɔ̀ yeè fù, è tsiì è fi, è dzin nèe tsuru ci:

Kɛɛradzin neè faadziɛ 9:17

Àwà, Tsìfaà tɔ̀ dè dòu min niì, Ananiyasì yè dɔ̀n be. À bèu wɔ, è dɔ̀n gbàà doùn. À dɔ̀un, è si rèè tsùù Sɔlì tsɛ, è dzin à ra ci: «N neema kpiri Sɔlì, Tsìfa Yesù nìi yè e yɛrɛ kpadèu wo ra shia rè, wo yè bà na nàa mìin, tɔ̀ rii mun ka naɔ wo re, sànko wo yè dzi jɛ̀y fa e shɔùn. È mun ka na sa, sànko wo ɲan yeè tsyɛn Ŋaablà re Dzi Fɛnɛɛ rà.»

Ɔ̀rɔ̀mùnka reè 13:13

Mìn re jaamabee fa fyɛu tsɛ, a ci bwèytaaruɔ̀n ni nìi tsuru. È bà jaamabe, ɲwɛyn ɲɔn na ni nìi ɲàn baragooma, dɔ̀ɔ̀kɔ̀ɔ̀nbe to na ni à ɲan. Ɲànmɔ̀ɔ̀be na ni nìi ɲàn, kɛ̀kɛ̀ɛ̀ybe to na ni à ɲan. Kaa na ni nìi ɲàn, jaaɲininbe to na ni à ɲan.

Ɔ̀rɔ̀mùnka reè 16:17

Neema reè, mun ye màxɔ̀ɔn nìi ra, tɔ̀ rii yɛ, ci nìì reè mòdzian fi vyɛɛ̀, yè bà sàn nà baan kpàà ye re kàràn tàraumaà tsɛ, ye e kaàwɔ twɛy ra. Ye e dan gbànbe è ra.

Korɛntsika reè jɔ̀naà 10:14

Tɔ̀ kamà mun ne kɛ̀niunma rèè, ye vwɛ̀yn ɲɔ̀n kɔɔ jɔun.

Korɛntsika reè jɔ̀naà 11:21

È ɲɛn à tsɛ, ɲwɛɛ̀n waatsi ye wɔ min niì, ye soo soo sapɛ tabee ye yè e raa ɲwɛyn nèè ɲɔn. Tɔ̀ tsuru swey dzukɔɔn bàa ni, swey to yè e min cɛɔn.

Korɛntsika reè jɔ̀naà 5:13

Dà dzin neè, Ŋaablà rii nà twɛy raa kitsia kùnùn. Ye, ye gooɲaanfabaà kaa bo e fi, a ci à sɛbɛɔ̀n Ŋaablà re Goomaa doùn nìi tsuru.

Korɛntsika reè jɔ̀naà 6:10

ko shɔn rèè, ko wàsà bɛy reè, ko dɔ̀ɔ̀kɔɔn reè, ko ɲɛ̀yn fa reè, ko jàànfà moo rèè, twɛy nìn na ni Ŋaablà re màsàbee ɲàn waa.

Korɛntsika reè jɔ̀naà 6:6

Ŋà è bè wɔ fɔ neemaa sɔn yeè e neemasi kitsia, à to na min kpɛrɛ fɔ ɲɛynabɛy reè bììn !

Korɛntsika reè jɔ̀naà 6:9

Ye na à tɔ̀ ci terenbɛy goo fa reè nìn na ni Ŋaablà re màsàbee ɲàn ɔ̀n ? E maà e yɛrɛ maniin dɛ ! Kɛ̀kɛ̀ɛ̀y gòò fa reè, ko ɲɔ̀n kɔ reè, ko ɲànmɔ̀ɔ̀bè fa reè, ko kpiri ì bàuma tàan ì, ko kpiri ko kpiri gaa reè,

Korɛntsika reè jɔ̀naà 7:12

Nìi dzyee rèè, mun nìi dèe twɛy rà, à to na Tsìfaà dèvu waa, tɔ̀ rii yɛ ci ɲɛynabɛy taàn sɔn ye ba ni mùn neema kpir'la sɔn ne, à to y'à jà ci wo dzia tsùɔ̀ fa à re, à mà à bàji waa.

Korɛntsika reè jɔ̀naà 7:15

Ŋà ɲɛynabɛɛ sàò ye ba n'a re wò yeè tsùɔ̀ dzii bà, à y'à fa. Neema kpir'la, tàmafa taàn, twɛy na shiɔ̀ tɔ̀ goò doùn waa, è ɲɛn à tsɛ, Ŋaabla ye kiriɔ rìì ye yè jaamabee fa jaancin na.

Korɛntsika reè jɔ̀naà 8:11

Tà tsuru, Kirisà saun tɔ̀ neema faàn bɛy riì kamà, wo raa twɛ̀ɛ nà tɔ̀ bara.

Galatsika reè 2:12

È ɲɛn à tsɛ, sani mòdzin ì yè bo Yàkubà kpà yè nà, Piyɛrì na ɲwɛɛ̀n ɲɔɔ̀n ko kun kpɛrɛ mòdzin neè ka. Ŋà, fɔ twɛy dziu nà nòn, è mabo è ra ɲaun, è to e dan na, kàtsu à na shiɔ̀ Dzyèèsìbee mòdzin neè jɔun, twɛy nìì reè ni shimaangoo tsɛ.

Efɛsika reè 5:18

E maà mìɛn fa tɔ̀ yeè e cɛn waa, tɔ nàa màgòò san ka. Ye cɛn Ŋaablà re Dzia rìì là.

Efɛsika reè 5:5

Ye b'a tɔ̀, ci mòdzin kɛkɛ̀ɛ̀yraa, ko mòdzin nooŋmaà, ko mòdzin jaacɛnbɛɛ, tɔ̀ niì ko ɲɔ̀nkɔbaa sa soo, twɛy pɛn dzii na ni Kirisà ko Ŋaablà re màsàbee ɲàn waa.

Kolosika reè 3:5

Tà doùn, dzɔ̀nxɔɔ̀ tsɛ raa juu riì ni e ɲan, ye tɔ̀ vu bo e ɲan nìi yɛ kɛ̀kɛ̀ɛ̀ybeè, noo, gɔɔ̀n dzibee goo, kur'la goo ɲaan, jaacɛnbɛybeè, tɔ̀ niì ko ɲɔ̀n kɔ sa soo.

Tesalonikika reè fiiraa 3:14

Tà doùn, ɲe yɛ gooma niì dèe ye ra sɛbɛn nee doùn, mòò riì ma tɔ̀ latsuù, ye tɔ̀ tsìfa kààwɔ e maà dzyèè à ka goo sɔn pɛn doùn dɛ, è bà ni seey.

Tesalonikika reè fiiraa 3:6

Neema reè, mùn nìi dè wɔɔ e suun mùn Tsìfa Yesù Kirisà tsoo ra, tɔ̀ rii yɛ ci neema ge o ge pìrìpàrà modzìn, à to na jiɛ ɲe re kàràn sìunmaà tsɛ waa, ye e mabo tɔ̀ ra.

Tsìmotè jɔ̀naà 3:3

À mà bà mììnfabaa waa, à to mà bà mòdzin vunun ɲan waa. Ŋà è bà mòdzin vunun ma dzi, kaa na dzi à ra waa, à to na ɲɛɛn kɛ̀niɔ̀n waa.

Tsìmotè jɔ̀naà 6:5

ko sɔ̀swɛy xɔù dòbɛy mòdzin akiri barauma ì ko e si fi, sààbeen na ni è ɲan waa, è to yè bà Ŋaablà jɔun shiɲaanbeè jàa tɔ̀nɔ̀n tàrà shi.

Yùxanà fiiraa 1:10

Mòò o moò ma na tɔ̀ kàr'nà ka e re, e maà e tsiì à ra e re gàne rɔ̀n, e to mà à tswà tsu waa.

Goo kpàdèuma rèè 2:14

Ŋà, mun jàaŋnà wo ra dɛyn. Mun jàaŋnà wo ra dɛyn, kàtsu swey ni ye ɲan, twɛy yè e gbaɔn Bàlaamùn naa kàr'nà kpɛyn. Bàlaamùn nì Bàlakì duùn wɔu è bà ni à to Isirayɛlidzin neè yè ɲɔ̀n kɔɔ shu rèè tàà, yè ɲànmɔ̀ɔ̀bè goo fa.

Goo kpàdèuma rèè 2:20

Ŋà, mun jàaŋnà wo ra. Mun jàaŋnà wo ra, kàtsu, tàan nìi kir'là Zhezabɛlì, tɔ̀ dzinkɔɔn ko e raà sa ci wo kɛɛra taan, wo y'à too mɔn. Tɔ̀ goò beò wɔ è re kàr'nà ka mun ne jòn nèè sàn fìrì, è jaa ka ɲànmɔ̀ɔ̀bee ko ɲɔ̀n kɔɔ shu rèè tàà rà.

Goo kpàdèuma rèè 21:8

Ŋà nìi shiɲaàn nèè, ko ɲɛynabɛy reè, ko Ŋaablà cɛn goo fa reè, ko mòdzìn vu reè, ko ɲànmɔ̀ɔ̀bè fa reè, ko tɔ̀gòòtsi rèè, ko ɲɔ̀n kɔ reè, ko doo de reè sapɛ, twɛy nà bè sà blàa ko gìrìbià ɲàn, tɔ̀ niì saàn fiiraa.»

Goo kpàdèuma rèè 22:15

Nìì reè nà to da rɔn, twɛy rìì siin: Kɛ̀kɛ̀ɛ̀y gòò fa reè, tɔ̀ gòò fa reè, goo nooŋma fa reè, vui fa reè, ɲɔ̀n gòò fa reè ko nìì reè sapɛ ni doò fyɛ̀ùn.