Korɛntsika reè jɔ̀naà 5:1 - Bible Dzùùngoo Unicode

¹ Àwà mùn y'a myɛ̀ɛn min niì sapɛ, ci kɛ̀kɛ̀ɛ̀ybe ni ye fi, arì nìi kaatsi na ni ɲɛynabɛy reè tsu fi waa. À dèe ci ye ɲan, sɔn ni e fa rè tààn ka.

Korɛntsika reè jɔ̀naà 5:1 ပူးပေါင်းရင်းမြစ်များ

Kɛɛradzin neè faadziɛ 15:20

Ŋà, mùn yeè sɛbɛn ni ka è re, mùn y'a dè è ra tà doùn, ci è mà ɲɔ̀n kɔɔ shu tàà waa. Ci yè dzi e re saaniin fɛɛ̀ rà. Ci è mà shu còrò vuuma tàà waa, è to mà shu tsiin ɲɔn waa.

Kɛɛradzin neè faadziɛ 15:29

E maà ɲɔ̀n kɔɔ shu tàà waa, e maà shu còrò vuuma tàà waa, e to mà shu tsiin ɲɔn waa, ye dzi e re saaniin fɛɛ̀ rà. E ye dzi tɔ̀ sapɛ jɔun bo, tɔ wù. Ŋaa yè e cɛrɛma to.»

Korɛntsika reè jɔ̀naà 1:11

È ɲɛn à tsɛ n neema ì, Klowè raa mòò rèè swey mun toro kɔ̀u ye kàjaa tsɛ, ci byɛ̀n na ni ye fi waa.

Korɛntsika reè jɔ̀naà 5:11

Ayi, à na twɛy gooma dekɔɔn waa, ŋà mun ye sɛbɛun ci ye mà dzyèè mòò riì ka, tɔ nìi ci wo ye neema, à to ni kɛ̀kɛ̀ɛ̀y goo fyɛ̀ùn, tàmafa à na wasaa, tàmafa à ɲɔ̀nkɔbaa, tàmafa à ni ɲɛ̀ɛn nì fyɛ̀ùn, tàmafa à dɔ̀ɔ̀kɔɔn, tàmafa à jàànfà moo. E maà ɲwɛyn tsu rii ɲɔn tɔ̀ mòdzìn kaatsià ka waa.

Korɛntsika reè jɔ̀naà 6:13

Ɲwɛyn ge rèè, twɛy doòn raa, doòn tɔ̀ yeè bà ɲwɛyn ge rèè raa. Ŋaablà to nà twɛy fiɛ̀ sa bara bo mɔn. Ŋà gɔɔ̀n, tɔ̀ na kɛ̀kɛ̀ɛ̀ybee raa waa. À Tsìfaà raa rìì, Tsìfaà yè bà à raa.

Korɛntsika reè jɔ̀naà 6:18

Ye vwɛ̀yn kɛ̀kɛ̀ɛ̀ybee jɔun ! Mòdzin gooɲaan dzyee niì reè sapɛ faa, à sapɛ gɔɔ̀n dà kèrè goo, ŋà kɛ̀kɛ̀ɛ̀ybee, tɔ gooɲaan, à nìi faa e yɛr'la gɔɔ̀n rà.

Korɛntsika reè jɔ̀naà 6:9

Ye na à tɔ̀ ci terenbɛy goo fa reè nìn na ni Ŋaablà re màsàbee ɲàn ɔ̀n ? E maà e yɛrɛ maniin dɛ ! Kɛ̀kɛ̀ɛ̀y gòò fa reè, ko ɲɔ̀n kɔ reè, ko ɲànmɔ̀ɔ̀bè fa reè, ko kpiri ì bàuma tàan ì, ko kpiri ko kpiri gaa reè,

Korɛntsika reè fiiraa 12:21

Mun shiɔ̀ ci mun nà nà dɔ̀n bo rìi fa ye re mɔn kɔn, mun ne Ŋaabla mà nà bè mun màjàà ye kamà waa. Mun mà nà gɛyn mòò giri kamà, twɛy nìì reè sapɛ gooɲaan fa dɔun è to na e tsiiŋnà yè e re jaamabee fau'n kur'la lakere, yè sèè bo e re nookɔɔn goo reè, ko e re kɛ̀kɛ̀ɛ̀ybè goo reè, ko e re seeybɛybe goo reè kpɛyn waa.

Korɛntsika reè fiiraa 2:5

Mòò ye ba bàu taamaŋununbe saabu, à na mun bàsɔùn taama ŋununbe waa, ŋà à ye sapɛ rii, tàmafa ye swey, mùn mà nà à dè m'à si tsi geren waa.

Korɛntsika reè fiiraa 7:12

A y'a jà min ye sɛbɛn, à na goo terenbɛɛ fabaà kamà waa, gooɲaan to fau mòò riì rà, à na tɔ̀ tsu kamà waa. Ŋà mun ye sɛbɛun nì, gè riì ni à to è bà ni kpadè ye ra Ŋaablà jaa ra, ye yè e sɔbɛn wɔɔ ɲe re goò ɲàn nìi tsuru.

Galatsika reè 5:19

Gɔɔ̀n ɲàn goo ɲaan neè gè niì, mùn twɛy tɔ̀. Ye rìì yɛ: kɛ̀kɛ̀ɛ̀ybeè, noo goo, seeybɛybeè,

Efɛsika reè 5:3

Kɛ̀kɛ̀ɛ̀ybeè ko goo nooŋmaà kaatsi gè o ge, ko jaacɛnbɛybeè, twɛy tsoo tsu mà kiri e fi waa, kàtsu tɔ̀ na dàaŋnà Ŋaablà re mòò rèè fi waa.

Kolosika reè 3:5

Tà doùn, dzɔ̀nxɔɔ̀ tsɛ raa juu riì ni e ɲan, ye tɔ̀ vu bo e ɲan nìi yɛ kɛ̀kɛ̀ɛ̀ybeè, noo, gɔɔ̀n dzibee goo, kur'la goo ɲaan, jaacɛnbɛybeè, tɔ̀ niì ko ɲɔ̀n kɔ sa soo.

Tesalonikika reè jɔ̀naà 4:7

Àwà Ŋaablà na mùn kiri ci mìn re jaamabee fa noo ɲàn waa, ŋà, ci mùn y'a fa fɛnɛbee doùn.

Goo kpàdèuma rèè 2:21

Mun to waatsi siɔ̀n à ra, è bà ni nimisa, è làkere dɔn e re jaamabee doùn. Arì she, à sàò to na ni è nimisa è re ɲànmɔ̀ɔ̀bee dziibà waa.

Goo kpàdèuma rèè 21:8

Ŋà nìi shiɲaàn nèè, ko ɲɛynabɛy reè, ko Ŋaablà cɛn goo fa reè, ko mòdzìn vu reè, ko ɲànmɔ̀ɔ̀bè fa reè, ko tɔ̀gòòtsi rèè, ko ɲɔ̀n kɔ reè, ko doo de reè sapɛ, twɛy nà bè sà blàa ko gìrìbià ɲàn, tɔ̀ niì saàn fiiraa.»