Korɛntsika reè jɔ̀naà 4:4 - Bible Dzùùngoo Unicode

⁴ Àwà mun akir'là kpɛ̀yn na mun jààkia kàjaa pɛn tsɛ waa tɔ sààben, ŋà tɔ̀ na à kpàdèe ci mun tereòn waa. Nìi mun kitsia, tɔ Tsìfaà rìì.

Korɛntsika reè jɔ̀naà 4:4 ပူးပေါင်းရင်းမြစ်များ

Yùxanà 21:17

Yesù y'à tey e jaa zhiigira ɲan kɔn ci: «Yùxanà dzin kpiri Shimɔ̀n, mun goò dzi wo ra ɔ ?» Tɔ̀ goò yè Piyɛrì taama ŋununbe, kàtsu, tɔ̀ na à jaa zhiigiraa rìì, Yesù y'à teè ci: «Mun goò dzi wo ra ɔ ?» Piyɛrì yè dzin à ra ci: «Tsìfaà, wo y'à sapɛ jaa tɔ̀. Wo y'à tɔ̀ cɔ, ci wo goò dzi mun na.» Yesù yè dzin à ra ci: «Tà doùn, n ne sàà rèè kɔ̀ ɲwɛyn.

Kɛɛradzin neè faadziɛ 23:1

Polì yè e jaà gban to kitsi kunun kuru blàa mòdzin neè sapɛ ra tɔ̀un, è kòmànà dzin ci: «Àwà n neema ì, è bè suu she dzu, min ne jaamabee shi jiiŋ, a ci Ŋaablà ci è fa nìi tsuru, mun na jààma jà n yɛr'la waa.»

Ɔ̀rɔ̀mùnka reè 2:13

Nìì reè dàan sàrìyaa myɛ̀ɛ̀n bàsɔùn mà, twɛy na tereòn Ŋaablà jaa dzuun waa, ŋà nìì reè y'à shi jiɛ, twɛy rìì nà kpàdè ci è tereòn.

Ɔ̀rɔ̀mùnka reè 4:2

Ibraximà ye ba na kpàdeu ci à tereòn e faadziɛ rìì baraka ɲan, tɔ̀ na dzia bà à yɛ̀rɛ̀blabee goo, ŋà à fa dzi tɔ̀ fa Ŋaablà rii jaaterema waa.

Korɛntsika reè jɔ̀naà 4:3

Mun ne, ye kitsi kunuun mun tsɛ ò, mòò kpɛrɛ ì rìì to kitsi kunuun mun tsɛ ò, tɔ̀ na gèsɔn mun ne waa. Mun tsu to yɛ̀rɛ̀ na kitsi kun'na n yɛrɛ tsɛ tsu.

Korɛntsika reè jɔ̀naà 4:5

Tà doùn, e maà kitsia kùnùn e waatsia jɔun waa. E maà à kùnùn, Tsìfaà nà bwey mà bà wɔɔ waa, tɔ̀ riì ye na nà, à nà tsitsii dzuun goo mɛnɛunma rèè sapɛ bo vyevyeè rà, è duungoo reè sapɛ bo da. Tɔ̀un mòdzian soo soo sapɛ wù tsoo dzi riì ka, è nà tɔ̀ tàrà Ŋaablà re.

Korɛntsika reè fiiraa 1:12

Àwà ɲe raa yɛ̀rɛ̀blàbè kuàn nì yɛ, ɲe akir'là shɛɛrɛbe riì boò ɲe tsɛ, nìi yɛ ci ɲe yè e re jaamabee fau dziɲaan doùn duungoosoobe ko duunfyɛ ka è bo Ŋaablà ɲan, ye kàjaa tsɛ raà yè geren. Tɔ̀ na fa adamàdzin mòdzin ne akiritsifabe baraka ɲan waa, ŋà Ŋaablà ɲanwùɔ baraka rɔ̀n.

Korɛntsika reè fiiraa 5:10

È ɲɛn à tsɛ, fɔ mùn sapɛ rii yè e tsiì Kirisà rè kitsikununmaà jaaterema mùn dzuun ye bo, mùn soo sookɔɔn sa yeè sàrà è kòrò mùn faadziɛ ka. E ba wùù faɔ̀ à y'a to gɔn nèe ɲan, e sàrà wùù ka. A to ye ba ɲaan ni faɔ̀ à y'à to gɔn nèe ɲan, e sàrà ɲaan ka.