Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Korɛntsika reè jɔ̀naà 4:10 - Bible Dzùùngoo Unicode

10 Kirisà kamà, ɲe fàkɔɔn ì, ye yè bà akirima ì. Ɲe fààn bɛy ì, ye ye bà fààntsi ì. Bla wɔɔ̀ ye ɲan, ɲe yè bà kɔɔ̀n.

အခန်းကိုကြည့်ပါ။ ကော်ပီ




Korɛntsika reè jɔ̀naà 4:10
38 ပူးပေါင်းရင်းမြစ်များ  

È nà ye wɔ mòdzin ì suun, yè byɛnbe ɲɛn ye tsɛ, yè ye vu. Mun tsoò kamà, ye goo nà xɔbe mòdzian sapɛ ma.


Mòdzian ye ba ye ɲɛ̀ɛn, yè ye byɛn, yè ɲanbee kaatsià sapɛ doò wɔ ye ra mun kamà, ye raa wùbeu.


Tà shɔ̀ùn, Yesù yè dzin e re kàràndzin neè rà kɔn ci: «Mòò riì ye e toro wɔ ye re, tɔ̀ yeè e toro wɔu mun nì nè. Mòò riì ye ye maa, tɔ mun nì maaŋ. Mòò riì to ye mun maa, tɔ mun kabaà rìì maaŋ.»


Tɔ̀un, nìì reè yè e yɛrɛ jaà mòdzin tereonma, yè bà dzyee rèè kɔɔ̀n, Yesù yè nèe gooma ree ka tàlen ban, è bè twɛy kàjaa tsɛ. À ci:


Mòdzian ye ba ye kpɛynbee, yè e nɔn ye re, yè ye ɲɛ̀ɛn, yè ye tsoo ɲaan kir'là Adamà dziàn tsoò kamà, ye raa wùbeu.


Twɛ̀yfabaa blà bla swey sa na bàa ni tɔ̀ gàne rɔ̀n. È na twɛy swey kir'là ci epikuriɲɛn rèè, yè bà swey kir'là sitoyisiɲɛn rèè. Twɛy mòdzin neè sa yeè nà e maa, yè goomaa Polì ka. Swey dziàn è ɲan ci: «Nèe jòòn bo kɛyn nèe yè bà ci dzùrù kɔn kɛ ?» Swey yè bà dziàn ci: «À ni a ci à kɔ̀ɔ gè kpɛrɛ ì rìì gooma deè.» È na tɔ̀ dèe, kàtsu, Polì na Yesù rè Kùnàgoo Dziɔ̀ rìì gooma deè, ko fùn nèè sèè kpunaàn goomaa.


Àwà, è toro dziu ji fùn nèè sèè kpunaàn goomaa ɲàn Polì dzu min niì, swey yè jiran à mà. Swey yè dzin à ra ci: «Mùn nà nà e toro wɔ à dzyeè rè waatsi kpɛrɛ.»


È Polì dzii to tɔ̀ goomaa nà e re goò doùn, Fɛsitusì yè sɛ̀ɛ̀y ci: «Fa jiɔ̀ wo ɲan Polì ! Wo kàràn gereunmaà wo kùngɔ fùu !»


À nà byɛnbe ge o ge rìì fa mun kamà, mun yɛ̀r'la nà tɔ̀ sapɛ kpadè à ra.»


Àwà, dziɲaan ko e raa akiritsifabee na dzi Ŋaablà tɔ nìi fa e raa akiritsifabee doùn, gbaàn gɔɔ̀ raa waajibia fàkɔ̀ɔ̀nbee, Ŋaablà tɔ̀ rii seun à ka ɲɛynamoo rèè tsi.


Ŋà ɲe, Ŋaablà Jaara Modzìn gbaunmaà gɔɔ ra, ɲe tɔ̀ rii gooma deè. Tɔ sàn nà baan kpàà Dzyèèsìbee mòdzin neè rè, è bà fàkɔ̀ɔ̀nbe kun kpɛrɛ mòdzin neè jaa ra.


È ɲɛn à tsɛ, Ŋaablà raa fàkɔ̀ɔ̀nbee tɔ vùn mòdzian raa akiritsifabee mà, fààn yeè bà ni Ŋaablà raa fàànbɛ̀ybeè ɲàn è geren mòdzian raa fàan tsɛ.


Tà doùn, mòò riì y'à jàa ci wo ni e san tsɛ, tɔ̀ yeè e yɛrɛ kun, à mà nà mɛɛy waa.


Adamàdzin mòdzin maanaa na e tsiɛ Ŋaablà re Dzia raa goo rèè rà waa, kàtsu tɔ fàkɔ̀ɔ̀nbe rii à jaa ra. À na dzia è tɔ̀ waa, è ɲɛn à tsɛ, Ŋaablà re Dzia soo pe rii y'à toò, yè tɔ̀ bo e si ɲan.


Tɔ̀ rii y'à to, mun bèumaà ye re mɔn, mun ŋɔ̀n na fyɛn, mun shiɔ̀, mun mà yè bà sɔ̀ɔn a ci goo kpɛ̀rɛ̀.


Mòò pɛn mà e yɛrɛ san fìrì. Sɔn ye ba e yɛrɛ jaà akiritsi ye ɲan a ci dziɲan raà tsuru, à y'à to è bà fàkɔɔn, è bà ni ba akiritsi sààben na.


Mun nɔnɔɔn nì sìun ye ra y'a mìn, à naà ɲwɛyn màxɔù waa, kàtsu tɔ̀ fa ni dzi ku ye ɲan waa. À to yɛ̀rɛ̀ fa ku ye ɲan, arì she waa.


Ye cɛun tàr'là rà nòn, ye bàu gètsi ì nòn. Ye màsàbee dzii kuun, ɲe bɛy. Ye yè bà na baɔ̀ màsà ì sààben na ɔ, ɲe sa fa ni ba màsa ì ye ka ɔ !


È ɲɛn à tsɛ swey dziàn ci mun ne sɛbɛn neè doun goòmà rèè ɲinmaxɔ, fààn yeè bà ni è ɲan, ŋà ci mun yɛ̀r'la ye ba ni, mun ŋɔn fyɛn, mun ne gooma reè to na pɛn waa.


Ye nìì reè akiritsi rèè, ye yè e tsiɛ ye akiribɛy reè rè goo rèè mɔ̀ɲɔn.


Tsì rii fàan dzia dzyɛ̀nbe, mun fàan mà dzyɛ̀nbe ? Tsì rii to dzia mɛɛy gooɲaan yè bà saabu, tɔ mà dɔ̀n mun kpɛyn ?


Àwà ɲe ŋɔ̀n ye ba fyɛn waatsi riì bwèy, fààn ye bà ni ye ɲan, ɲe taama bàa dzi. Ɲe raa màfyɛɛ̀n kùngɔɔ̀ rìì yɛ, ye dzii yè bà tsyɛɔ̀n.


Tà tsuru saàn ni faagoò rà ɲe ɲan, jaamabee yè bà ni faagoò rà ye ɲan.


Bla wɔɔ̀ mùn ɲan, mùn ɲan yeè bà fyɛnbee, mùn tsoo ɲaan kir'là, mùn tsoo dzi yeè bà kir'là, mùn bàa doodebaa ì tɔ̀ to y'à tàrà mùn sààbeen rìì dèe.


Tà doùn, mòò riì nèe làtsii rèe rèè maa, à na adamàdzin mòdzin maaŋnà dɛ, ŋà à Ŋaablà rii maaŋma, tɔ̀ niì yè e re Dzi Fɛnɛɛ sìan ye ra.


Yè ba ye ɲɛ̀ɛn Kirisà tsoò kamà, ye raà wùbeu. È ɲɛn à tsɛ, nìi nɔɔrɔɔ̀ Dzia, Ŋaablà re Dzia, tɔ ni ye tsɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ