Korɛntsika reè jɔ̀naà 3:23 - Bible Dzùùngoo Unicode

²³ Ŋà ye, ye Kirisà raa, Kirisà yè bà Ŋaablà raa.

Korɛntsika reè jɔ̀naà 3:23 ပူးပေါင်းရင်းမြစ်များ

Matsiyù 17:5

Piyɛrì ni tɔ̀ goomaa nà, ŋaamunun den denkɔɔn sɔn yeè nà è tsyee, ciàn yè bà ni è tsɛ. Vu sɔn yeè bo ŋaamun'na ɲàn tɔ̀un, tɔ̀ yeè dzin ci: «Nèe mun Dzin Kpir'la rìì yɛ nèe, mun nìi kɛ̀niɔ̀n fɔ è bè geren, è bà dzibeu mun na. Ye e toro wɔ à re !»

Yùxanà 17:18

Wo mun ka nau dziɲan doùn nìi tsuru, mun sa yeè è kaà dziɲan doùn tà tsuru.

Yùxanà 17:21

M'a gaa wo re, è sa yeè bà soo. Wo Fà Ŋaabla ni mun ɲan nìi tsuru, mun sa yeè bà ni wo ɲan, m'a gaa a re, yè bà ni mùn ɲan tɔ̀ tsuru, sànko dziɲan modzin neè yè ɲɛn à ra, ci wo rìì mun ka naɔ.

Ɔ̀rɔ̀mùnka reè 14:8

Mìn jaamabee fa, m'a faa Tsìfaà rìì lè. Mùn to yè san, mùn saàn Tsìfaà rìì lè. Tà doùn, mùn jaamabee fau ò, mùn to saun o, mùn Tsìfaà rìì laa.

Korɛntsika reè jɔ̀naà 11:3

Ŋà mun sào ni ye yè goo soo tɔ, nìi yɛ, ci Kirisà rìì kpir'la sapɛ kuntsii, taàn kùntsiɛ̀ kpir'la, Ŋaablà yeè bà Kirisà kùntsiɛ̀.

Korɛntsika reè jɔ̀naà 15:23

Ŋà à yè sa ko e tsiìma nì. Kirisà, tɔ bàu kùngɔ̀ jɔnaa. Tà shɔ̀ùn, à raa rèè, à nà sii sèè.

Korɛntsika reè jɔ̀naà 15:28

Àwà gè sapɛ ye na wɔ dò à sàn dzuun waatsi riì bwèy, mòò riì gè sapɛ wɔu à sàn dzuun, Dzin Kpirimaa sa nà e majàà tɔ̀ re, gè riì ni à to Ŋaablà yeè bà gè sapɛ, è sapɛ ɲan.

Korɛntsika reè jɔ̀naà 7:22

È ɲɛn à tsɛ, jòn nìi kiriɔ Tsìfaà ɲàn, tɔ Tsìfaà rè xɔrɔn. Tɔ̀ soo tsuru, xɔrɔn nìi sa kiriɔ, tɔ Kirisà rè jòn.

Korɛntsika reè jɔ̀naà 8:6

Ŋà ɲe re, Ŋaablà soo pe rii ni, nìi Fàà, gè sapɛ boo tɔ̀ niì ɲan, mùn yeè bà à raa, ko Tsìfa soo pe, nìi Yesù Kirisà, gè sapɛ ni tɔ̀ niì baraka ɲan, ɲe sa ni nìi baraka ɲan.

Korɛntsika reè fiiraa 10:7

Ye goo rèè siin teren e jaaterema. Àwà sɔn ye ba ɲɛɔ̀n à ra ci wo Kirisà raa, arì she è taa to nèe sa re, ci wo Kirisà raa nìi tsuru, ɲe sa y'a raa tà tsuru.

Galatsika reè 3:29

Àwà ye ye ba Kirisà raa, tɔ̀ y'a kpàdèe ci ye Ibraximà tsua dzin. À to yè kòrò làyir'là ka, ye y'à shɛnsenbaa ì.

Galatsika reè 5:24

Nìì reè Kirisà raa, twɛy gɔɔ̀n dzibee goo reè ko e kur'la goo ɲaan neè sapɛ gbaun gɔɔ̀ rà.

Efɛsika reè 1:10

Tɔ̀ làtigɛɛ doùn, à nà nìi fa, tɔ̀ rii yɛ, tɔ̀ waatsia dzii ye tsyɛn waatsi riì bwèy, è jìrànxɔ̀ dòùn gee sapɛ, ko dzɔ̀nxɔ̀ tsɛ̀ gee sapɛ ladzyèè soo, kùntsii soo yeè bà ni è sapɛ re, nìi Yesù Kirisà.