Korɛntsika reè jɔ̀naà 3:16 - Bible Dzùùngoo Unicode

¹⁶ Àwà ye na à tɔ̀ ci ye Ŋaablà re gbà blàa rìì, à re Dzia yè bà e tsuuŋnà ye ɲan ɔn ?

Korɛntsika reè jɔ̀naà 3:16 ပူးပေါင်းရင်းမြစ်များ

Yùxanà 14:17

À Ŋaablà re Dzia rìì, sààbeen ni nìi ɲàn. Dziɲan na dzia tɔ̀ tàrà waa, kàtsu, dziɲan na à jàa waa, à to na à tɔ̀ tsu waa. Ŋà, nìi ye, ye y'à tɔ̀, kàtsu, à ni ye ka, à to nà bà ni ye ɲan.

Ɔ̀rɔ̀mùnka reè 6:16

Ye na à tɔ̀ ci ye ye e yɛrɛ wɔ mòò suun ye bà à re jòn, y'a dzugoomaa shi jiɛ, ci ye tɔ̀ niì dzugooma shi jiɛ, y'a re jòn nì sààben na ɔ ? Tà tsuru, ye ma ba gooɲaan rè jòn tɔ̀ niì nàa saàn ka, ye kpɛ̀yn Ŋaablà dzugoomaa nì shi jiɛ, tɔ̀ niì nàa terenbee ka.

Ɔ̀rɔ̀mùnka reè 6:3

Ye na à tɔ̀ ci mùn nìì reè jaara fòoŋ Ŋaablà re shia goo rèè rà Yesù Kirisà ɲàn, ci mùn jaara fòoŋ à saàn rìì ɲàn ɔ̀n ?

Ɔ̀rɔ̀mùnka reè 8:11

Tà doùn, mòò riì rè Dzi Yesù kpunan bou fùn nèè fi, tɔ̀ ye ba ni ye ɲan, tɔ̀ niì Kirisà kpunan bou fùn nèè fi, tɔ nà à to ye gɔn nìì reè saàn, twɛy yè jaamabee fa e re Dzia baraka rɔ̀n, tɔ̀ niì tsùuŋnà ye ɲan.

Ɔ̀rɔ̀mùnka reè 8:9

Àwà nìi to ye, ye na ni gɔɔ̀n raa fàan dzuun waa, fɔ Ŋaablà re Dzia raà, è ɲɛn à tsɛ, Ŋaablà re Dzia tsùuŋnà ye ɲan. Kirisà rè Dzia na ni mòò riì ɲàn fyeu, tɔ̀ tsìfa na à raa waa.

Korɛntsika reè jɔ̀naà 3:17

Mòò riì ye Ŋaablà re gbà blàa bara, Ŋaablà sa nà tɔ̀ tsìfa bara. È ɲɛn à tsɛ, Ŋaablà re gbà blàa fɛnɛɔ̀, tɔ̀ to ye rìì.

Korɛntsika reè jɔ̀naà 3:9

È ɲɛn à tsɛ, ɲe ko Ŋaablà yeè e si faagoofasi ì à re faagoò doùn. Ye rìì Ŋaablà re dzù faramaà, ye yè bà à re gbà jiramaà.

Korɛntsika reè jɔ̀naà 5:6

Kùn na ni ye re yɛ̀rɛ̀blàbee rà waa. Ye na à tɔ̀ ci buru fua gè kiɲaanin nì buru fa guuŋmaà sapɛ furà ɔ̀ ?

Korɛntsika reè jɔ̀naà 6:16

Ye na à tɔ̀ ci mòò riì dzyèe ɲànmɔ̀ɔ̀taàn ka, à y'à ko e gɔɔ̀n bàa gɔn soo rii ɔ̀ ? È ɲɛn à tsɛ, à deò Ŋaablà re Goomaa doùn nèe tsuru ci: «È fiɛ̀ nà bà gɔn soo.»

Korɛntsika reè jɔ̀naà 6:19

Tàà ye na à tɔ̀ ci ye gɔɔ̀n Ŋaablà re Dzi Fɛnɛɛ rè gbà blàa rìì ɔ̀, Ŋaabla tɔ̀ niì siɔ̀n ye ra, è bà ni ye ɲan ? Tà doùn, ye na e yɛr'laa dɛ !

Korɛntsika reè jɔ̀naà 6:9

Ye na à tɔ̀ ci terenbɛy goo fa reè nìn na ni Ŋaablà re màsàbee ɲàn ɔ̀n ? E maà e yɛrɛ maniin dɛ ! Kɛ̀kɛ̀ɛ̀y gòò fa reè, ko ɲɔ̀n kɔ reè, ko ɲànmɔ̀ɔ̀bè fa reè, ko kpiri ì bàuma tàan ì, ko kpiri ko kpiri gaa reè,

Korɛntsika reè jɔ̀naà 9:13

Ye na à tɔ̀ ci nìì reè faagoò faa Ŋaablà re gbà blàa doùn, twɛy dziira ɲwɛɛ̀n sa boò mɔn nì ɔ̀ ? Ci nìì reè saaka goo jaa boò saakabomaà tsɛ, è sa niàn ni twɛy saaka rèè ɲàn ɔ̀n ?

Korɛntsika reè jɔ̀naà 9:24

Ye na à tɔ̀ ci nìì reè vwɛ̀ɛ vwɛ̀ynfama nɔ̀n, ci è sapɛ kpɛyn vwɛ̀ɛ, ŋà mòò sɔn nì blàbè geè tàr'la ɔ ? E sa yeè vwɛ̀yn, ye bà ni tɔ̀ blàbè geè tàrà.

Korɛntsika reè fiiraa 6:16

Fèe soo dzia bà ni Ŋaablà re gbà blàa ko ɲɔ̀n rèè fi ? È ɲɛn à tsɛ, ɲe rìì Ŋaablà jaamaa rè gbà blàa, a ci Ŋaablà y'a dèu nìi tsuru ci: «Mun nà n tsuù è fi, min jìɛ̀ fa è ka. Mun nà bà è re Ŋaablà, yè bà mun ne mòò rèè.»

Tsìmotè jɔ̀naà 3:15

Tà tsuru mun kɛ̀nsɛɛn ye cin, mòo wù è re goo shi jiì jììŋ'n kur'liì rà Ŋaablà jaamaa rè gbàà doùn, tɔ̀ niì y'à rè ɲɛynamoo kur'là, sààbeen tsindzian ko à sàngbanmaà, wo yè tɔ̀ tɔ̀.

Tsìmotè fiiraa 1:14

Gè wùù riì kɛ̀ɛ̀yfaunà a ma, tɔ̀ màrà Ŋaablà re Dzi Fɛnɛɛ baraka rɔ̀n, tɔ̀ niì ni mùn ɲan.

Dzyèèsìbee mòdzin neè 3:6

Nìi Ŋaablà Jaara Modzìàn, à re dzin kpiribee doùn, tɔ̀ sa vusootsi à tsùuŋmaà doùn Fà Ŋaablà re mòò rèè sapɛ kuùn. Mùn kpɛ̀ynto à re mòò rèè, Ŋà, fɔ mìn to goo soo tsɛ, à wù mùn akiri yè bà tsùuŋnà, mùn si yè bà xɔ à tsɛ, tɔ̀ riì mùn wàsaà goò.

Yàkubà 4:4

Mòdzin terenbɛy ì Ŋaablà ka, ye na à tɔ̀ ci e dziɲaan goo rèè kɛ̀n, tɔ̀ rii yɛ e Ŋaablà goo xɔbe a ma ɔ̀n ? Mòò riì sào ni wò yeè bà dziɲaan dzunwɛynsi, tɔ̀ yeè e yɛrɛ baà Ŋaablà ɲan nì.

Piyɛrì jɔ̀naà 2:5

Ye sa bàu a ci kpàà jaama ì, ye yè ka gbà ji, Ŋaablà re Dzia rè gbà. Ye yè bà saakagoojaabobaa jàmàkùrù fɛnɛ, ye bà ni saaka ì bo Ŋaablà re nìi dzi à ra, Yesù Kirisà baraka rɔ̀n.

Yùxanà jɔ̀naà 4:12

Mòò pɛn jaa na ɲɛn ja Ŋaablà ma ŋe waa. Mìn ba e si kɛ̀niɔ̀n, tɔ̀ y'a kpàdèe ci Ŋaabla ni mùn ɲan, à re kɛ̀nbààbee dzii to tsyɛɔ̀n mùn ɲan.